मुंबईत लवकरच हेअल्थ सिटी होणार सुरु, ‘या’ उद्योगपतींनी दिली महत्वाची माहिती

उद्योगपती गौतम अदानी यांनी मुंबई आणि अहमदाबादमध्ये अदानी हेल्थ सिटी सुरू करण्याची घोषणा केली. यासाठी त्यांनी मेयो क्लिनिक ग्लोबल कन्सल्टिंग ऑफ अमेरिका सोबत भागीदारी केली आहे.

फोटो सौजन्य: iStock

Follow Us:

Follow Us:

गौतम अदानी हे भारतीय उद्योगजगतातील एक प्रमुख नाव आहेत, ज्यांनी विविध क्षेत्रात आपल्या व्यवसायाचे साम्राज्य निर्माण केले आहे. त्यांचा अदानी समूह ऊर्जा, बंदर संचालन, विमानतळ व्यवस्थापन, खनन, कृषी आणि लॉजिस्टिक्स अशा विविध उद्योगांमध्ये कार्यरत आहे. अदानींच्या नेतृत्वात, समूहाने भारतातील आणि जगातील मोठ्या कंपन्यांमध्ये स्थान मिळवले आहे.

आता गौतम अदानी यांनी हेल्थ सिटी लाँच करण्याचा निर्णय घेतला आहे. या हेल्थ सिटीमध्ये अत्याधुनिक वैद्यकीय सेवा, आरोग्य सुविधा आणि संशोधन केंद्रांची निर्मिती केली जाणार आहे. या प्रकल्पामुळे भारतीय आरोग्य क्षेत्रात मोठे परिवर्तन होईल, आणि त्याची विशेषतः गरीब आणि ग्रामीण लोकांसाठी फायदेशीर ठरू शकते.

देशातील प्रसिद्ध उद्योगपती गौतम अदानी यांनी मेयो क्लिनिकच्या पार्टनरशिप अदानी हेल्थ सिटी सुरू करण्याची घोषणा केली आहे. याअंतर्गत मुंबई आणि अहमदाबाद येथे दोन वैद्यकीय महाविद्यालये उघडली जातील. या 1000 बेड्सच्या वैद्यकीय महाविद्यालयासाठी अदानी समूहाकडून 6000 कोटी रुपये देणगी दिली जाईल. उद्योगपती गौतम अदानी यांनी भारतातील अनेक शहरांमध्ये अदानी हेल्थ सिटी बांधण्याची योजना आखली आहे.

Share Market Today: Trump च्या धमकीचा शेअर मार्केटवर परिणाम, सेन्सेक्स-निफ्टी धाडकन कोसळले; रूपयाही घसरला

रुग्णालयात लोकांना जागतिक दर्जाची वैद्यकीय सुविधा मिळेल

दरवर्षी १५० पदवीधर, ८० हून अधिक निवासी डॉक्टर आणि ४० हून अधिक फेलो या वैद्यकीय महाविद्यालयात प्रवेश घेतील. समाजातील सर्व घटकांना परवडणाऱ्या दरात जागतिक दर्जाच्या वैद्यकीय सुविधा उपलब्ध करून देणे हे त्याचे उद्दिष्ट आहे. या दोन्ही रुग्णालयांमध्ये संघटनात्मक उद्दिष्टे आणि क्लिनिकल प्रॅक्टिसबाबत धोरणात्मक सल्ला देण्यासाठी अदानी समूहाने मेयो क्लिनिक ग्लोबल कन्सल्टिंग (मेयो क्लिनिक), यूएसए यांची नियुक्ती केली आहे.

श्रीराम लाइफच्या रिटेल व्यवसायात एप्रिल-डिसेंबर २४ मध्ये ४९% वाढ; एकूण प्रीमियम संकलनात २१% वाढ

वैद्यकीय नवोपक्रमावर भर दिला जाईल

अदानी समूहाचे अध्यक्ष गौतम अदानी म्हणाले, “दोन वर्षांपूर्वी, माझ्या ६० व्या वाढदिवशी भेट म्हणून, माझ्या कुटुंबाने आरोग्य सेवा, शिक्षण आणि कौशल्य विकास सुधारण्यासाठी ६०,००० कोटी रुपये देण्याचे वचन दिले होते. अदानी हेल्थ सिटी हे या दिशेने पहिले पाऊल आहे, जे भारतीय समाजातील प्रत्येक घटकातील लोकांना परवडणाऱ्या, जागतिक दर्जाच्या आरोग्यसेवा पुरवण्याच्या दिशेने खूप पुढे जाईल. मला खात्री आहे की जगातील सर्वात मोठ्या मेडिकल ग्रुप प्रॅक्टिस असलेल्या मेयो क्लिनिकसोबतची आमची भागीदारी भारतातील आरोग्यसेवेचा दर्जा उंचावेल आणि जटिल आजारांवर उपचारांसह वैद्यकीय नवोपक्रमांना चालना देईल.”

७ फेब्रुवारी रोजी त्यांचा धाकटा मुलगा जीतच्या लग्नानिमित्त गौतम अदानी यांनी सामाजिक कार्यासाठी १०,००० कोटी रुपये देण्याची घोषणाही केली होती.

Web Title: Adani health city will start soon in mumbai and ahmedabad

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com