शनिवार, 17 ऑक्टोबर 2026
अनिल अंबानी यांचा कसा आहे मास्टरस्ट्रोक
देशातील आघाडीचे उद्योगपती मुकेश अंबानी यांचे भाऊ अनिल अंबानी हे वेगाने पुनरागमन करत आहेत. कर्जाच्या सापळ्यात अडकल्यानंतर एकेकाळी दिवाळखोरीच्या उंबरठ्यावर असलेल्या अनिल अंबानींच्या कंपनी आता वेगाने पुढे वाटचाल करू लागल्या आहेत. अनिल अंबानी यांचे दोन्ही मुलगे जय अनमोल अंबानी आणि जय अंशुल अंबानी यांनी त्यांच्या व्यवसायात प्रवेश केल्यापासून, व्यवसाय वाढू लागला आहे.
कंपन्यांचे कर्ज कमी होत आहे, शेअर्स वाढत आहेत आणि कंपन्यांना वेगाने ऑर्डर मिळू लागल्या आहेत. या सगळ्यामध्ये अनिल अंबानी यांनी आता आणखी एक मास्टरस्ट्रोक खेळला आहे, ज्यामुळे त्यांच्या व्यवसायात अधिक भरभराट होऊ शकते आणि 2 शेअर्सवर त्याचा उत्तम परिणामही होऊ शकतो. काय आहे हा मास्टरस्ट्रोक जाणून घ्या (फोटो सौजन्य – Instagram/iStock)
अनिल अंबानींची नवी रणनीती
नवीन रणनीतीअंतर्गत अनिल अंबानी यांनी त्यांच्या आणि त्यांचा मुलगा जय अनमोल अंबानी यांच्या शेअर होल्डिंगमध्ये मोठा बदल केला आहे. अनिल अंबानी रिलायन्स पॉवर आणि रिलायन्स इन्फ्रास्ट्रक्चरच्या शेअर होल्डिंगमध्ये बदल करत आहेत असे आता समोर आले आहे.
त्यांना रिलायन्स पॉवर लिमिटेड आणि रिलायन्स इन्फ्रास्ट्रक्चर लिमिटेडमधील त्यांचा आणि त्यांचा मुलगा जय अनमोल अंबानी यांचा हिस्सा ‘प्रमोटर’ वरून ‘सार्वजनिक शेअरहोल्डर’ असा करायचा आहे. म्हणजेच अनिल अंबानी आणि जय अनमोल अंबानी हे या दोन्ही कंपन्यांचे प्रवर्तक नसून सार्वजनिक भागधारक असतील. दोन्ही कंपन्यांच्या संचालक मंडळांनीही याला मान्यता दिली आहे.
Stock Markets Today: आठवड्याच्या सुरूवातीलाच कोसळला बाजार, 800 पेक्षा कमी अंकाने सेन्सेक्स खुले, 23,200 ने निफ्टीची घसरण
कसा होईल परिणाम
जर अनिल अंबानी आणि जय अनमोल अंबानी यांच्या शेअर होल्डिंग स्टेटसमध्ये रिलायन्स पॉवर आणि रिलायन्स इन्फ्राच्या शेअर्समध्ये बदल झाला तर त्यांच्या शेअर्सची संख्या देखील बदलेल. सध्या अनिल अंबानींकडे रिलायन्स इन्फ्रास्ट्रक्चरचे 1,39,447 शेअर्स आणि रिलायन्स पॉवरचे 4,65,792 शेअर्स आहेत. त्याचप्रमाणे, जय अनमोलकडे रिलायन्स इन्फ्रीचे 1,25,231 आणि रिलायन्स पॉवरचे 4,17,439 शेअर्स आहेत. प्रमोटर्सकडून सार्वजनिक शेअर होल्डिंगमध्ये गेल्यानंतर त्यांच्या शेअर्सच्या मर्यादेत बदल होईल. सेबीच्या नियमांनुसार, त्याचे शेअर होल्डिंग बदलेल. याचा फायदा केवळ कंपनीलाच नाही तर शेअरधारकांनाही होणार असल्याचे सांगण्यात आले आहे. अनिल अंबानींचा हा डाव कसा यशस्वी होणार याचीदेखील आता चर्चा सुरू झाली आहे.
कशी आहे शेअर्सची स्थिती
शेअर होल्डिंग स्थितीत झालेल्या बदलाचा परिणाम दोन्ही कंपन्यांच्या शेअर्सवर दिसून येतो. ही बातमी आल्यानंतर, सोमवारी रिलायन्स पॉवरचे शेअर्स 3.16 टक्क्यांनी घसरले आणि शेअर्स 37.75 रुपयांवर पोहोचले. त्याचप्रमाणे, रिलायन्स इन्फ्राचे शेअर्स देखील -3.37% ने घसरून 282.30 रुपयांवर आले. जर शेअर होल्डिंगमध्ये बदल झाला तर रिलायन्स पॉवर आणि रिलायन्स इन्फ्रास्ट्रक्चरकडे गुंतवणूकदारांचा दृष्टिकोन बदलू शकतो. तथापि, अनिल अंबानी यांच्या या पावलामुळे या कंपन्यांच्या कामकाजात अधिक पारदर्शकता येऊ शकते.
2025 मध्ये येऊ शकतात रेकॉर्डतोड IPO, 90 पेक्षा अधिक कंपन्यांचे ड्राफ्ट दाखल, अकाऊंटमध्ये पैसेही तयार
