गुंतवणूकदारांसाठी खुशखबर! स्वस्तात शेअर्स खरेदी करण्याची सुवर्णसंधी, सरकार Coal India मधील आपली हिस्सेदारी विकण्याच्या तयारीत

'कोल इंडिया लिमिटेड' जगातील सर्वात मोठा सरकारी मालकीचा कोळसा उत्पादक. भारत सरकार CIL मधील आपला हिस्सा विकण्याच्या तयारीत आहे. या हिश्श्याची विक्री विशेषतः 'कोल इंडिया OFS' या प्रक्रियेद्वारे केली जाणार आहे. ज्याअंतर्गत सरकार आपला काही हिस्सा विकणार आहे. नेमका किती हिस्सा विकणार आहे ? का? आणि कधी ? हे सगळं सविस्तर जाणून घेऊयात.

Govt Sale Stake Coal India : ‘कोल इंडिया लिमिटेड’ जगातील सर्वात मोठा सरकारी मालकीचा कोळसा उत्पादक. भारत सरकार CIL मधील आपला हिस्सा विकण्याच्या तयारीत आहे. या हिश्श्याची विक्री विशेषतः ‘कोल इंडिया OFS’ या प्रक्रियेद्वारे केली जाणार आहे. ज्याअंतर्गत सरकार आपला काही हिस्सा विकणार आहे. नेमका किती हिस्सा विकणार आहे ? का? आणि कधी ? हे सगळं सविस्तर जाणून घेऊयात.

Share Market Today: बाजारात कोणते शेअर्स देऊ शकतात दमदार परतावा? जाणून घ्या तज्ज्ञांचे मत

काय आहे नेमकी माहिती?

भारत सरकार २ टक्क्यांपर्यंतचा हिस्सा विकणार आहे. हा OFS बुधवार, दिनांक २७ रोजी खुला होईल आणि शेअर्ससाठी अर्ज करण्याची प्रक्रिया २९ मे पर्यंत सुरू राहील. या सरकारी मालकीच्या खाणकाम कंपनीने मंगळवारी शेअर बाजाराला सादर केलेल्या फायलिंगमध्ये ही माहिती दिली आहे.
या OFS साठी, सरकारने हिश्श्याच्या विक्रीकरिता प्रति शेअर ₹४१२ अशी किमान किंमत निश्चित केली आहे. ही किंमत NSE वरील कोल इंडियाच्या ₹४५५.९० या बंद किंमतीच्या तुलनेत सुमारे १० टक्के सवलतीच्या दरात आहे. या OFS च्या माध्यमातून, गुंतवणूकदारांना या सरकारी मालकीच्या कंपनीचे शेअर्स सवलतीच्या दरात खरेदी करण्याची संधी उपलब्ध करून दिली जात आहे.

5000 कोटी उभारण्याचं उद्दिष्ट

चालू आर्थिक वर्षासाठी निश्चित करण्यात आलेले ₹८०,००० कोटींचे निर्गुंतवणूक आणि मालमत्ता मुद्रीकरण म्हणजेच Asset Monetization चं उद्दिष्ट साध्य करण्याच्या दृष्टीने, सरकारने सार्वजनिक क्षेत्रातील ‘कोल इंडिया लिमिटेड’ मधील आपला हिस्सा विकून ₹५,००० कोटींपर्यंतची रक्कम उभारण्याचे उद्दिष्ट ठेवले आहे.
‘ऑफर फॉर सेल’ अंतर्गत निश्चित करण्यात आलेल्या किमान किमतीच्या आधारे, १% मूळ हिस्सा विकून सरकारला ₹२,५०० कोटींहून अधिक रक्कम उभारता येईल अशी अपेक्षा आहे; तसेच, जर अतिरिक्त ‘ग्रीन शू’ पर्यायाचा पूर्णपणे वापर केला गेला, तर ही रक्कम ₹५,००० कोटींच्याही पुढे जाऊ शकते.
Coal India च्या OFS मधून सरकार ६१.६ दशलक्ष शेअर्स विकू शकते; ही संख्या Coal India च्या एकूण इक्विटी भांडवलाच्या १% इतकी आहे. या OFS ला जर अपेक्षेपेक्षा जास्त प्रतिसाद मिळाला, तर तितकेच अतिरिक्त शेअर्स विकण्याचा ‘ग्रीन शू’ पर्याय सरकारने स्वतःकडे राखून ठेवला आहे. त्यामुळे एकूण शेअर्स विक्रीचा आकडा १२३.२ दशलक्ष समभागांपर्यंत पोहोचू शकतो, जो कंपनीमध्ये सरकारकडे असलेल्या २% हिस्सेदारीचे प्रतिनिधित्व करेल.

शेअर्ससाठी बोली प्रक्रिया कधी?

सार्वजनिक क्षेत्रातील कंपनी असलेल्या Coal India ची, या OFS द्वारे होणारी शेअर्स विक्री प्रक्रिया बुधवार, २७ मे रोजी non-retail investors साठी सुरू होईल; तर किरकोळ गुंतवणूकदार आणि पात्र कर्मचारी २९ मे पासून यात सहभागी होऊ शकतील. बकरी ईदच्या निमित्ताने २८ मे रोजी शेअर बाजार व्यवहारांसाठी बंद राहतील.

Todays Gold-Silver Price: सोन्याच्या दरात आज मोठी घसरण, चांदीचे दर स्थिर; 10 ग्रॅमसाठी मोजावे लागणार इतके पैसे?