Highway Fitness Test : काय सांगता? उद्घाटनापूर्वी महामार्गाची होणार ‘फिटनेस टेस्ट’? सुरुवातीचे 3 महिने प्रवासही होणार फ्री

Highway Fitness Test : रस्ते प्रवाशांच्या सुरक्षिततेसाठी आणि उत्तम प्रवासाच्या अनुभवासाठी प्रशासनाने एक मोठा निर्णय घेतला आहे. नवीन महामार्गाच्या अधिकृत उद्घाटनापूर्वी त्याची कडक 'फिटनेस टेस्ट' केली जाणार आहे.

• उद्घाटनापूर्वी महामार्गाची होणार ‘फिटनेस टेस्ट’?
• सुरुवातीचे 3 महिने प्रवासही फ्री
• काय आहे सरकारचा नेमका प्लॅन?

Highway Fitness Test : निवडणूका आल्या किंवा कोणताही शासकीय महत्त्वाचं काम असो नव्याने बांधलेल्या महामार्गांची रस्त्यांची उद्घाटन घाईघाईत उरकली जातात. त्याच्या काही काळातच त्याची दुरावस्था पाहायला मिळते. अलीकडच्या काळात अशा अनेक नव्याने बांधलेल्या महामार्गांवर आणि द्रुतगती मार्गांवर उद्घाटनानंतर लगेचच रस्ते खचल्याच्या, खड्डे पडल्याच्या आणि पाणी साचल्याच्या घटना समोर आल्या आहेत. त्यामुळे ही अशी दुरावस्था का? असा प्रश्न जनतेच्या, सामान्यांच्या मनात निर्माण होता आहे. याच प्रश्नाच उत्तर म्हणून सरकार आता नवीन योजना आखत आहे. नेमकी काय आहे ही योजना आणि यामुळे कोणाला कसा फायदा होईल? ( Highway Fitness Test ) 

Fasting Special Burger Mc D : सांगताय काय? McDonald’s ने आणला उपवासवाला बर्गर… नेमका बनलाय कशापासून?

रस्त्यांची अकाली होणारी झीज, खड्डे आणि इतर दोषांच्या संदर्भात, भारत सरकार रस्ते वाहतूक आणि महामार्ग मंत्रालयने आता उद्घाटनापूर्वी २-३ महिन्यांची चाचणी घेण्याची योजना आखत आहे. या कालावधीत कोणताही टोल आकारला जाणार नाही. याचा अर्थ असा की, औपचारिक उद्घाटनापूर्वी रस्त्यांमध्ये असलेले दोष ओळखले जातील आणि त्यामुळे त्या समस्यांचं निराकरण केले जाईल.

सरकारने का घेतला हा निर्णय?

अलीकडेच, लखनौ-कानपूर द्रुतगती मार्ग आणि डेहराडून द्रुतगती मार्ग यांसारख्या अनेक मोठ्या प्रकल्पांमध्ये उद्घाटनानंतर लगेचच काहीना काही त्रुटी आढळून आल्या. काही ठिकाणी भगदाड पडलं तर काही ठिकाणी पुलचं कोसळल्याच्या घटनाही समोर आल्या. हा सगळा प्रकार उद्घाटनानंतर लगेच जनतेला अडचणींचा सामना करावा लागणे आणि त्यानंतर टोल आकारला जाणे हे चुकीचे आहे, असं सरकारचं मत आहे. त्यामुळे, कंत्राटदार आणि सल्लागारांची जबाबदारी निश्चित करण्यासाठी, रस्त्याची प्रथम प्रत्यक्ष चाचणी घेतली जाईल. या २-३ महिन्यांच्या चाचणीदरम्यान रस्ते खचल्यास, पाण्याचा निचरा होण्यास अडचण आल्यास किंवा खड्डे पडल्यास, कंत्राटदाराला स्वतःच्या खर्चाने त्यांची दुरुस्ती करावी लागणार आहे.

टोल द्यावा नाही लागणार

जोपर्यंत महामार्गाची संपूर्ण चाचणी होऊन त्याचे उद्घाटन होत नाही, तोपर्यंत त्या मार्गावर टोल आकारला जाणार नाही. TOI च्या वृत्तानुसार, एका अधिकाऱ्याने सांगितले, “दीर्घकालीन चाचणी घेणे चांगले आहे, कारण त्यामुळे जमिनीचे खचणे, खड्डे किंवा पाण्याचा निचरा होण्यातील समस्या, विशेषतः पावसाळ्यात, ओळखता येतात आणि त्यावर उपाययोजना करता येतात.”

लखनौ-कानपूर द्रुतगती मार्गावरील टोल वसुली स्थगित

हे धोरण गांभीर्याने घेत, सरकारने लखनौ-कानपूर द्रुतगती मार्गावरील टोल वसुली पूर्णपणे स्थगित केली आहे. या मार्गावरील बांधकामातील त्रुटी आणि पावसाळ्यात वारंवार रस्ते खचण्याच्या घटनांनंतर हे पाऊल उचलण्यात आले. आता, द्रुतगती मार्गाची पूर्ण दुरुस्ती होईपर्यंत कोणताही टोल आकारला जाणार नाही.

Hallmarking Rules For Gold : विना हॉलमार्क सोने विकल्यास ज्वेलर्सना मोठा फटका! तुरुंगवास की लाखो रुपयांचा दंड? काय सांगतो नियम