सगळं शक्य होणार… भारताचा सर्वात मोठा Water Project! समुद्रात उभारणार 64 किमी लांब Dam; पिण्याच्या पाण्याचा प्रश्न सुटणार

India Sea Dam Project : भारत एक अत्यंत खडतर आणि ऐतिहासिक पायाभूत सुविधा प्रकल्प साकारण्याच्या तयारीत आहे. भारताकडून समुद्रावर तब्बल ६४ किलोमीटर लांब धरण बांधले जाणार आहे. याद्वारे ७८०० लाख क्यूबिक मीटर गोडे पाणी साठवण्याचे महाकाय उद्दिष्ट ठेवण्यात आले आहे.

• भारताचा सर्वात मोठा Water Project!
• समुद्रात उभारणार 64 किमी लांब Dam
• पिण्याच्या पाण्याचा प्रश्न सुटणार

India Sea Dam Project : महाराष्ट्रच नाही तर संपूर्ण देशात पिण्याच्या पाण्याचा प्रश्न उभा राहतो. दुष्काळ भागात तर पाण्यासाठी बरीच मरारामारी असते. याचं मुख्य कारण म्हणजे गोड्या पाण्याचा साठा. जितका पाऊस पडतो ते सगळं पाणी नदीच्या माध्यामातून समुद्राला जाऊन मिळतं. ते रोखणं जवळजवळ अशक्य आहे. मात्र भारत हे अशक्य शक्य करण्याच्या तयारीत आहे. भारतात एक असा प्रकल्प विकसित होत आहे. जो नदीचं पाणी समुद्रात जाण्यापासून रोखणार आहे. आणि त्याचा विविध कामांसाठी उपयोग केला जाईल. या प्रकल्पामुळे अनेक आर्थिक फायदे मिळणार आहेत. नेमका काय आहे हा प्रकल्प जाणून घेऊयात.  ( India Sea Dam Project ) 

Social Security Fund : डिलिव्हरी बॉईज, ड्रायव्हर्सना सरकारकडून संरक्षण? PF, विमा अन् Pension चा मिळणार लाभ; काय आहे योजना ?

गुजरातचा कल्पसर प्रकल्प

आपण महत्त्वाकांक्षी कल्पसर प्रकल्पाबद्दल बोलत आहोत. हा जगातील सर्वात मोठा किनारी गोड्या पाण्याचा जलाशय असेल, जो गुजरात सरकारद्वारे खंभातच्या आखातात बांधला जाणार आहे. हा प्रकल्प समुद्राच्या एका भागावर धरण बांधून, अंदाजे ७,८०० दशलक्ष घनमीटर (MCM) गोड्या पाण्याचा समुद्रात होणारा प्रवाह रोखेण्यासाठी बांधण्यात येणार आहे. यामुळे गुजरातच्या दुष्काळग्रस्त सौराष्ट्र प्रदेशाला पाणीपुरवठा होईल. तसेच देशभरातील अशा बऱ्याच दुष्काळी भागींची तहान भागवण्याचं महत्त्वाचं काम करेल.

मोठं सरोवर केल जाणार तयार

खंभातच्या आखातात सुमारे ६० ते ६४ किलोमीटर लांबीचे धरण किंवा बंधारा बांधून एक मोठे गोड्या पाण्याचे किनारी जलाशय तयार केले जाणार आहे. यामध्ये साबरमती, माही, धाधर आणि नर्मदा यांसारख्या नद्यांमधील वाहून येणारे पाणी जमा होईल. यामुळे सुमारे १,६०० ते २,००० चौरस किलोमीटर क्षेत्रफळावर पसरलेले, जगातील सर्वात मोठ्या कृत्रिम गोड्या पाण्याच्या सरोवरांपैकी एक असणार आहे.

या प्रोजेक्टवर कोण करतंय काम?

कल्पसर प्रकल्प गुजरात सरकारकडून विकसित केला जात आहे. ज्यामध्ये केंद्र सरकार आणि नेदरलँड्सकडून तांत्रिक साहाय्य मिळत आहे. नेदरलँड्सची कंसल्टेंसी कंपनी या प्रकल्पाची चौकट आणि तांत्रिक साहाय्य पुरवत आहे.

यासाठी किती खर्च येईल?

गुजरातच्या कल्पसर प्रकल्पाचा अंदाजित एकूण बांधकाम खर्च ₹१.२५ लाख कोटी ते ₹१.३३ लाख कोटींच्या दरम्यान आहे. गुजरातच्या कल्पसर प्रकल्पाचे सध्याचे सचिव के. बी. राबरिया आहेत, जे या प्रकल्पावर देखरेख करत आहेत.

प्रकल्पाचे आर्थिक फायदे काय आहेत?

• सौराष्ट्रातील नऊ जिल्ह्यांमधील ४२ तालुक्यांमधील अंदाजे १० लाख हेक्टर शेतजमिनीला सिंचनासाठी गोडे पाणी मिळेल.
• पाण्याच्या कमतरतेमुळे होणारे पिकांचे नुकसान कमी होईल आणि कृषी उत्पादकता वाढेल.
• खंभातच्या आखातावरील धरणावरून बांधण्यात येत असलेल्या रस्ते आणि रेल्वे मार्गामुळे भावनगर आणि सुरतमधील अंतर लक्षणीयरीत्या कमी होईल.
• प्रवासाचे अंतर कमी झाल्यामुळे वाहतूक आणि इंधनाच्या खर्चात बचत होईल, ज्यामुळे व्यापार आणि उद्योगाला चालना मिळेल.
• या प्रकल्पातून अंदाजे २,४७० मेगावॅट सौर आणि पवन ऊर्जा निर्माण करण्याचा प्रस्ताव आहे.
• जगातील सर्वात मोठ्या किनारी गोड्या पाण्याच्या जलाशयांपैकी एकाची निर्मिती झाल्यामुळे पिण्याच्या आणि औद्योगिक गरजांसाठी पाणीपुरवठा सुलभ होईल.

बल्ले बल्ले… NSE IPO चा बाजारात धुमाकूळ! ग्रे मार्केटमध्ये ₹300 चा प्रीमियम; सरकारी विमा कंपन्यांना जॅकपॉट