गुरुवार, 12 नोव्हेंबर 2026
महाराष्ट्रात मराठी गाण्यांऐवजी भोजपुरी गाणी का? मध्य रेल्वेच्या निर्णयावर मराठी संघटनांचा संताप
महाराष्ट्रातील रेल्वे स्थानकांवर भोजपुरी गाणी वाजवण्याची गरज काय, असा सवाल उपस्थित करत त्यांनी मध्य रेल्वेच्या भूमिकेवर नाराजी व्यक्त केली आहे. छटपूजेनिमित्त उत्तर भारतात जाणाऱ्या भाविकांसाठी रेल्वेकडून विशेष गाड्या सोडण्यात आल्या आहेत. या पार्श्वभूमीवर रेल्वे स्थानकांवर भोजपुरी गाणी वाजवण्यात आल्याचे स्पष्टीकरण मध्य रेल्वेकडून देण्यात आले आहे. मात्र, रेल्वेच्या या स्पष्टीकरणानंतरही मराठी संघटनांचा संताप कमी झालेला नाही.
मराठी एकीकरण समिती आणि प्रजा हित संघटनेच्या पदाधिकाऱ्यांनी रेल्वे प्रशासनाला धारेवर धरत, ‘तुम्ही महाराष्ट्रात आहात, याचे भान ठेवा. मुंबई रेल्वे स्थानकावर भोजपुरी गाणी लावणाऱ्या रेल्वे प्रशासनाचे डोके ठिकाणावर आहे का?’ असा संतप्त सवाल उपस्थित केला.
या प्रकरणावरून मुख्यमंत्री देवेंद्र फडणवीस यांच्यावरही निशाणा साधण्यात आला. मतांच्या राजकारणासाठी महाराष्ट्राची सांस्कृतिक ओळख पुसण्याचा प्रयत्न केला जात आहे का? महाराष्ट्राचे बिहार का करत आहात? महाराष्ट्र कुठे नेऊन ठेवला आहे? अशा शब्दांत गोवर्धन देशमुख आणि सिद्धेश राणे यांनी आपली नाराजी व्यक्त केली.
रेल्वे प्रशासनाने स्थानिक भाषेचा आणि महाराष्ट्राच्या सांस्कृतिक अस्मितेचा विचार करावा, अशी भूमिका या दोन्ही संघटनांच्या पदाधिकाऱ्यांनी मांडली आहे. रेल्वे स्थानकांवरील भोजपुरी गाण्यांचा मुद्दा आता राजकीय आणि भाषिक वादाचे स्वरूप धारण करण्याची शक्यता असून, मध्य रेल्वे प्रशासन यावर काय भूमिका घेते, याकडे सर्वांचे लक्ष लागले आहे.
Ans: रेल्वे स्थानकांवर भोजपुरी गाणी वाजवल्याने वाद निर्माण झाला आहे.
Ans: मीरा-भाईंदरमधील मराठी संघटनांनी मध्य रेल्वेच्या निर्णयाचा निषेध केला आहे.
Ans: गोवर्धन देशमुख आणि सिद्धेश राणे यांनी या निर्णयाचा तीव्र निषेध करत महाराष्ट्राच्या सांस्कृतिक अस्मितेचा मुद्दा उपस्थित केला आहे.
