रविवार, 18 ऑक्टोबर 2026
घसरत्या बाजारातही ५.५० टक्के वाढला 'हा' इंफ्रा स्टॉक! कंपनीला मिळाली २९५७ कोटी रुपयांची ऑर्डर (फोटो सौजन्य - सोशल मीडिया)
PNC Infratech Limited Marathi News: आज शेअर बाजारात घसरण झाली असली तरी, एक कंपनी अशी आहे ज्याने गुंतवणूकदारांना निराश केले नाही. बाजारातील घसरणी दरम्यानही हा स्टॉक सद्या तेजीत आहे. आपण पीएनसी इन्फ्राटेक लिमिटेड बद्दल बोलत आहोत. मंगळवारी कंपनीच्या शेअर्समध्ये ५ टक्क्यांहून अधिक वाढ झाली आहे. कंपनीला नवीन वर्क ऑर्डर मिळाल्यानंतर शेअर्समध्ये ही वाढ नोंदवण्यात आली आहे.
या पायाभूत सुविधा कंपनीने सांगितले की त्यांना २९५६.६६ रुपयांचा कंत्राट ऑर्डर मिळाला आहे. छत्तीसगड राज्यातील बिलासपूर येथील साउथ ईस्टर्न कोलफिल्ड्स लिमिटेड येथे खाणकामाशी संबंधित सेवा प्रकल्पासाठी हा कंत्राट ऑर्डर मिळाला आहे. पीएनसी इन्फ्राचे शेअर्स बीएसई वर ३०६.०५ रुपयांवर उघडले. पण काही वेळातच कंपनीचे शेअर्स ५.५० टक्क्यांनी वाढून बीएसई वर ३१४.८५ रुपयांवर पोहोचले.
भारतीय वंशांने पुन्हा इतिहास रचला! मुंबईत जन्मलेले P&G चे नवे CEO शैलेश जेजुरीकर आहेत तरी कोण?
यापूर्वी ७ जून रोजी पीएनसी इन्फ्राटेक लिमिटेड कंपनीला २३९.४ कोटी रुपयांचा प्रकल्प ऑर्डर देखील मिळाला होता. हा प्रकल्प ऑर्डर अभियांत्रिकी, खरेदी आणि बांधकामाशी संबंधित होता. हा प्रकल्प ऑर्डर राजस्थानच्या पीडब्ल्यूडी विभागाने दिला होता. जो राजस्थानच्या भरतपूर शहरातील उड्डाणपूल प्रकल्पाशी संबंधित बांधकाम आहे.
पीएनसी इन्फ्राटेकने एक्सचेंजला माहिती दिली होती की त्यांना २९५७ कोटी रुपयांचे काम मिळाले आहे. कंपनीला हे काम साउथ ईस्टर्न कोलफिल्ड्सकडून मिळाले आहे. कंपनीला कोळसा काढण्याचे, तो लोड करण्याचे आणि वाहतूक करण्याचे काम मिळाले आहे. कंपनीला हे काम छत्तीसगडमध्ये मिळाले आहे. यापूर्वी, पीएनसी इन्फ्राटेकला १६ जुलै रोजी एनएचपीसीकडून काम मिळाले होते. त्यानंतर कंपनीला १२०० मेगावॅटच्या आंतरराज्यीय पारेषण प्रणालीचे काम मिळाले होते.
गेल्या ३ महिन्यांत, पीएनसी इन्फ्राटेकच्या शेअर्सच्या किमती १३ टक्क्यांनी वाढल्या आहेत. तथापि, त्यानंतरही, २०२५ मध्ये हा शेअर ६ टक्क्यांहून अधिक घसरला आहे. त्याच वेळी, कंपनीच्या शेअर्सची किंमत १ वर्षात ४० टक्क्यांनी घसरली आहे. पीएनसी इन्फ्राटेकचा ५२ आठवड्यांचा उच्चांक ५२९.८० रुपये आहे आणि ५२ आठवड्यांचा नीचांकी स्तर २३५.७० रुपये आहे.
कंपनीचे मार्केट कॅप ७८११.६७कोटी रुपये आहे. या स्टॉकची ५२ आठवड्यांची उच्चांकी पातळी ५२९ रुपये आहे तर ५२ आठवड्यांची नीचांकी पातळी २४० रुपये आहे. ज्या गुंतवणूकदारांनी कंपनीचे शेअर्स २ वर्षांपासून धारण केले आहेत त्यांचा पोर्टफोलिओ नकारात्मक १० टक्के आहे. तथापि, ५ वर्षांपूर्वी पीएनसी इन्फ्राचे शेअर्स खरेदी केलेल्या गुंतवणूकदारांना आतापर्यंत होल्डिंगवर १२२ टक्के नफा मिळाला आहे.
