Tukaram Munde Advice : Blinkit Zepto च्या सामानावर मॅन्युफॅक्चरिंग डेट नाही? तुकाराम मुंढेंचा ग्राहकांना महत्त्वाचा सल्ला

Tukaram Munde Advice : ब्लिंकिट, झेप्टो किंवा इन्स्टामार्टवरून मागवलेल्या खाद्यपदार्थ वस्तूंवर मॅन्युफॅक्चरिंग किंवा एक्सपायरी डेट नसेल, तर ग्राहकांनी काय करावे? आयएएस अधिकारी तुकाराम मुंढे यांनी ग्राहकांना त्यांच्या अधिकारांची जाणीव करून देत यावर महत्त्वाचे मार्गदर्शन केले आहे.

• Blinkit Zepto च्या सामानावर मॅन्युफॅक्चरिंग डेट नाही?
• तुकाराम मुंढेंचा ग्राहकांना महत्त्वाचा सल्ला
• उत्पादनाची तारीख नसल्यास काय करावं?

Tukaram Munde Advice : गेल्या काही दिवसांत FDA अँक्शन मोडवर आहे. या सगळ्या परिस्थितीमध्ये हॉटेल्स मालकांची चांगलीच तारेवरची कसरत झाली आहे. त्यात अन्न सुरक्षा विभागाने क्विक-कॉमर्स बेवसाइट्सनादेखील सोडलं नाही. ब्लिंकइट आणि झोमॅटोच्या गोदामांवर छापे टाकले, ज्यात ग्राहकांची फसवणूक करून मुदत संपलेला माल विकला जात असल्याचे उघड झाले. एवढेच नाही तर, सोशल मीडियावर एक व्हिडिओ देखील व्हायरल झाला, ज्यामध्ये अंधाऱ्या गोदामांमधील मालामध्ये झुरळांचा प्रादुर्भाव आणि मुदत संपलेला माल असल्याचे दिसून आले. तेव्हापासून, ऑनलाइन माल मागवणाऱ्यांच्या चिंतेत बरीच वाढ झाली आहे.

Investment Rules : लाखो रुपये असूनही वेळेवर वापरता येत नाहीत? Dead Money च्या जाळ्यात अडकण्याआधी व्हा सतर्क

दरम्यान, अन्न सुरक्षा विभागाच्या आयुक्तांनी ( Tukaram Munde Advice ) स्पष्ट केले आहे की, जर क्विक-कॉमर्स वेबसाइट्सवरून कोणताही माल मागवला आणि त्या मालावर उत्पादन तारीख नसेल तर नेमकं काय करावं याबाबत तुकाराम मुंढेंनी सक्त सल्ला दिला आहे.

तुकाराम मुंडे काय म्हणाले?

या कारवाईनंतर, महाराष्ट्र FDA आयुक्त तुकाराम मुंडे यांनी माध्यामाशी संवाद साधलाताना अशा परिस्थिती काय करावं याबाबत महत्त्वाचा सल्ला दिला आहे. त्यांनी अशा क्विक कॉमर्स प्लॅटफॉर्मवर लागू केलेल्या मानकांबद्दल स्पष्टीकरण दिले. त्यांनी सांगितले की, ब्लिंकइट, झोमॅटो किंवा इतर क्विक कॉमर्स प्लॅटफॉर्मवर विकल्या जाणाऱ्या खाद्यपदार्थ आणि पेयांच्या सुरक्षिततेवर काटेकोरपणे लक्ष ठेवले जाते. जर कोणतीही कंपनी नियमांचं पालन करत नसेल तर त्यांच्यावर कठोर कारवाई केली जाणार असल्याचं स्पष्ट केलं.

उत्पादनाची तारीख नसल्यास काय करावं?

यावर बोलताना मुंडे यांनी हे स्पष्ट केले की, ऑनलाइन खरेदी केलेल्या वस्तूंवर उत्पादनाची तारीख किंवा मुदतची तारीख दर्शविलेली नसल्यास ही चिंतेची बाब आहे. त्यांनी ग्राहकांना सल्ला दिला की, जर ही आवश्यक माहिती कोणत्याही ऑनलाइन प्लॅटफॉर्मवर दिली नसेल, तर ते FDA पोर्टलद्वारे तक्रार करू शकतात.

ग्राहक हक्कांशी तडजोड केली जाऊ शकत नाही

मुंडे यांनी असेही सांगितले की, अन्न सुरक्षा नियमांचे पालन करणे ही व्यवसायांची जबाबदारी आहे. ग्राहकांनी देखील उत्पादने खरेदी करताना केवळ जाहिराती किंवा उत्पादनांच्या नावांवर अवलंबून न राहता लेबल काळजीपूर्वक वाचले पाहिजे. त्यांनी असेही सांगितले की, एफडीएचा संदेश स्पष्ट आहे: १० मिनिटांच्या आत वस्तू पोहोचवण्याच्या घाईत अन्न सुरक्षा आणि ग्राहक हक्कांशी तडजोड केली जाऊ शकत नाही. त्यामुळे जर तुम्हाला असा अनुभव आल्यास लगेच FDA पोर्टलद्वारे तक्रार नक्की करा.

One Point One Solutions: वन पॉइंट वन सोल्युशन्सची दमदार कामगिरी; Q1 मध्ये उत्पन्न 129.4% वाढून 158.32 कोटींवर