शनिवार, 24 ऑक्टोबर 2026
संग्रहित फोटो
शुक्रवारी (दि. २३) सकाळी शीतल या आपल्या मोपेडवरून (एमएच १५ एफएल ९५९०) न्यायालयात जाण्यासाठी निघाल्या होत्या. त्या हॉटेल स्नेहींतसमोरील उड्डाणपुलावरून जात असताना, भरधाव कंटेनरने त्यांच्या दुचाकीला कट मारला. या जोरदार धडकेमुळे त्या रस्त्यावर आदळल्या. अपघातानंतर झालेल्या मोठ्या प्रमाणात रक्तस्रावामुळे त्यांचा जागीच मृत्यू झाला. या दुर्दैवी घटनेमुळे सकाळी महामार्गावरून प्रवास करणाऱ्या नागरिकांनाही मोठा धक्का बसला.
कंटेनरचालक फरार
अपघातानंतर संतापजनक बाब म्हणजे कंटेनरचालक घटनास्थळावरून फरार झाला होता. यामुळे उपस्थित नागरिकांनी तीव्र संताप व्यक्त केला. काही नागरिकांनी ट्रकचा पाठलाग करीत चालकास द्वारका येथे पकडले. दरम्यान, या घटनेची माहिती मिळताच अंबड पोलिसांनी तातडीने घटनास्थळी धाव घेत परिस्थिती नियंत्रणात आणली. या भीषण अपघातामुळे महामार्गावर काही काळ वाहतूक कोंडी निर्माण झाली होती, जी पोलिसांनी तात्काळ सुरळीत केली. दरम्यान, नागरिकांच्या आणि पोलिसांच्या सतर्कतेमुळे पसार झालेल्या कंटेनरचालकाला द्वारका परिसरात जेरबंद करून ट्रकसह अंबड पोलीस ठाण्यात नेण्यात आले.
हे सुद्धा वाचा : आकुर्डीत जुन्या वादाचा थरार! दोन तरुणांना बेदम मारहाण; नेमकं काय घडलं?
कथड्याला पीकअप धडकून चार मजूरांचा मृत्यू
नाशिक-पुणे महामार्गावरील गोंदे ते दातली अंडरब्रिजदरम्यान, दोडी शिवारात शनिवारी (दि. १७) पहाटे तीनच्या सुमारास भीषण अपघात झाला आहे. काँक्रीटीकरणाचे काम आटोपून सिन्नरच्या दिशेने निघालेल्या मजुरांची पिकअप गाडी उड्डाणपुलाच्या कठड्याला धडकली. या अपघातात चार मजुरांचा मृत्यू झाला असून पाच जण गंभीर जखमी झाले आहेत. मयतातील तीन मजूर हे पश्चिम बंगाल तर एक जण बिहार राज्यातील रहिवासी आहे. जखमींवर खासगी रुग्णालयात उपचार सुरू आहेत.
Ans: शीतल दीपक नरूले (वय ३०, रा. शुभम पार्क, नवीन नाशिक) असे मृत महिला वकिलाचे नाव आहे.
Ans: मुंबई-आग्रा राष्ट्रीय महामार्गावरील राणेनगर उड्डाणपुलावर हॉटेल स्नेहींतसमोर भरधाव कंटेनरने शीतल यांच्या मोपेडला कट मारल्याने हा भीषण अपघात झाला.
Ans: अपघातानंतर कंटेनरचालक फरार झाला होता. नागरिकांनी त्याचा पाठलाग करून द्वारका परिसरात त्याला पकडले आणि पोलिसांच्या ताब्यात दिले.
