दौंड हादरलं! साडेपाच वर्षाच्या मुलीचे अपहरण करून अत्याचार

कुरकुंभ (ता. दौंड) मधून साडेपाच वर्षाच्या मुलीचे अपहरण करून तिच्यावर अत्याचार केल्याचा धक्कादायक प्रकार उघडकीस आला आहे. याप्रकरणी आरोपीला अटक केली आहे.

संग्रहित फोटो

Follow Us:

Follow Us:

दौंड : राज्यात महिलांवरील अत्याचाराचे प्रमाण वाढले असून, राज्यातील वेगवेगळ्या भागातून अत्याचाराच्या घटना उघडकीस येत असतात. अशातचं आता दौंडमधून एक संतापजनक बातमी समोर आली आहे. कुरकुंभ (ता. दौंड) मधून साडेपाच वर्षाच्या मुलीचे अपहरण करून तिच्यावर अत्याचार केल्याचा धक्कादायक प्रकार उघडकीस आला आहे. याप्रकरणी आरोपीवर गुन्हा दाखल करण्यात आला असून आरोपीला अटक केली आहे, अशी माहिती पोलीस निरीक्षक गोपाळ पवार यांनी दिली.

पोलिसांनी दिलेल्या माहितीनुसार, दौंड तालुक्यातील कुरकुंभ येथून एका साडेपाच वर्षीय मुलीचे दिनांक १६ रोजी पावणेपाच वाजण्याच्या सुमारास पुणे- सोलापूर महामार्गावरील भागवत वस्ती येथील योगेश भागवत यांच्या किराणा दुकानासमोरून अपहरण केले. त्यानंतर त्या मुलीला मळद (ता. दौंड जि. पुणे) या गावच्या हद्दीमध्ये असणाऱ्या अनन्या हॉटेलच्या अलीकडील उसाच्या शेतात नेहून तिला मारहाण करत जबरदस्तीने तिच्यावर लैंगिक अत्याचार करण्याचा प्रयत्न केला.

यावेळी स्थानिक नागरिकांना मुलीचा आरडा ओरड करत असलेला आवाज ऐकू आल्याने त्यांनी त्वरित त्या ठिकाणी जाऊन पुढील भयानक प्रकार रोखला. नराधम आरोपी नवनाथ चंद्रकांत रिठे (शेरेचीवाडी, ता. फलटण, जि. सातारा) याला पोलिसांच्या ताब्यात देण्यात आले. स्थानिक नागरिकांनी वेळीच नराधमाला पकडल्याने पुढील मोठा अनर्थ टळला आहे. याबाबत दौंड पोलीस ठाण्यामध्ये गुन्हा दाखल करण्यात आला असून याप्रकरणी पुढील तपास उरुळी कांचन पोलिस ठाण्याच्या पोलिस उपनिरिक्षक मीरा मटाले करीत आहेत.

Web Title: A five and a half year old girl was kidnapped and molested in daund taluka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com