आरोपीला न्यायालयीन कोठडी (फोटो- istockphoto)
आरोपीने पीडित महिलेचा केला छळ
अश्लील वेबसाइटवर बनावट प्रोफाइल केली अपलोड
वांद्रे न्यायालयाने आरोपीला दिली न्यायालयीन कोठडी
मुंबई: डिजिटल युगात सोशल मीडियाचा वापर वाढला असला, तरी त्यासोबतच सायबर गुन्ह्यांचे प्रमाणही चिंताजनक रित्या वाढत आहे. मुंबईत नुकतीच एक धक्कादायक घटना समोर आली असून, एका २९ वर्षीय महिलेने शारीरिक जवळीक साधण्यास नकार दिल्याने, आरोपीने तिची अश्लील वेबसाईटवर बनावट प्रोफाईल्स तयार (Crime) करून तिची बदनामी केली. याप्रकरणी वांद्रे न्यायालयाने १५ एप्रिल रोजी आरोपीला न्यायालयीन कोठडी सुनावली आहे.
वांद्रे येथील एका कोर्टाने 15 एप्रिल रोजी एका 42 वर्षीय व्यक्तीला न्यायालयीन कोठडी सुनावली आहे. 29 वर्षीय महिलेकडे शारीरिक जवळीकीची मागणी करणे, तसेच तीचा पाठलाग करणे आणि अश्लील वेबसाइटवर तीची बनावट प्रोफाइल तयार केल्याचे गंभीर ठपका या आरोपीवर ठेवण्यात आला आहे. जयकुमार किशोर बिडीचंदानी असे आरोपीचे नाव असल्याचे समोर आले आहे.
ॲड. जोशुआ अभय पाटनगिरे
प्रकरण काय?
आरोपी जयकुमार आणि पीडित महिला यांची भेट एका सत्संगात झाली होती. त्यानंतर आरोपीने महिलेशी जवळीक साधण्याचा प्रयत्न केला. या गोष्टीस महिलेने पूर्णपणे नकार दिला. महिलेने नकार दिल्याचा राग मनात धरून आरोपीने तीला त्रास देण्यास सुरुवात केली आरोपीने महिलेची, तिच्या कुटुंबातील सदस्य आणि त्यांच्या व्यवसायाच्या नावे बनावट प्रोफाइल तयार करून अश्लील वेबसाइटवर आपलोड केल्या.
याच महिलेला त्रास देण्याच्या प्रकरणात आरोपी बिडीचंदानी याला अटक होण्याची चौथी वेळ आहे. पोलिसांनी आरोपीवर आयटी अॅक्टचे कलम 67 आणि 67(A) सह ‘भारतीय न्याय संहिते’अंतर्गत (BNS) खालील कलमांनुसार गुन्हा दाखल केला आहे.
ॲड. जोशुआ अभय पाटनगिरे यांनी कोर्टात पीडित महिलेची बाजू मांडली. ‘आरोपीने गुन्हा करण्यासाठी एक विशिष्ठ पद्धत अवलंबवली आहे. पीडित महिलेची वैयक्तिक माहिती आणि मोबाइल नंबर अश्लील वेबसाइटवर आरोपीने प्रसिद्ध केले. जामिनावर सुटल्यानंतरही आरोपीने पुन्हा अश्लील इमेल्स पाठवून पीडित महिलेचा छळ सुरूच ठेवला होता,’ असे ॲड. जोशुआ पाटनगिरे यांनी कोर्टात सांगितले.
पाच दिवसांच्या पोलीस कोठडीनंतर, पुढील तपासासाठी कोर्टाने आरोपीला न्यायालयीन कोठडी सुनावली आहे. दरम्यान अशा घटनांमुळे सायबर क्राईम आणि महिलांची सुरक्षा हा प्रश्न पुन्हा एकदा ऐरणीवर आला आहे.
