शुक्रवार, 23 ऑक्टोबर 2026
मतदानाच्या पूर्वसंध्येला बारामती पोलिसांची धडक; गावठी पिस्तूल, तीन काडतुसे अन् कार जप्त!
२२ ऑक्टोबर रोजी रात्री आठच्या सुमारास बारामती शहर पोलीस ठाण्याच्या तपास पथकातील पोलीस शिपाई अक्षय सिताफ यांना गोपनीय माहिती मिळाली. आदित्य शेलार हा लाल रंगाच्या स्विफ्ट कारमधून टी. सी. कॉलेज परिसरात बेकायदेशीर अग्निशस्त्र घेऊन फिरत असल्याची माहिती मिळताच पोलिसांनी तातडीने हालचाली सुरू केल्या.
India China Tension: अरुणाचल प्रदेश सीमेवर भारत-चीन सैन्यात संघर्ष; ITBP प्रमुखांचा मोठा खुलासा
प्रभारी परिविक्षाधीन पोलीस उपअधीक्षक मनीषा ओमासे यांच्या नेतृत्वाखालील पथकाने रात्री साडेआठच्या सुमारास आठ नंबर ग्राउंडजवळील मोरया पॅलेस इमारतीसमोरील रस्त्यावर संशयित कार शोधून काढली. दोन पंचांच्या उपस्थितीत वाहनाची तपासणी केली असता चालकाच्या सीटजवळ गावठी पिस्तूल आणि मॅगझीनमध्ये एक जिवंत काडतूस आढळले. त्यानंतर शेलार याची अंगझडती घेतली असता जॅकेटच्या खिशात आणखी दोन जिवंत काडतुसे सापडली. त्याच्याकडे शस्त्र बाळगण्याचा वैध परवाना नसल्याचेही समोर आले.
पोलिसांनी २५ हजार रुपये किमतीचे पिस्तूल, १,२०० रुपयांची तीन काडतुसे आणि दोन लाख रुपये किमतीची कार जप्त केली. याप्रकरणी बारामती शहर पोलीस ठाण्यात गुन्हा रजिस्टर क्रमांक ४७३/२०२६ नुसार भारतीय हत्यार अधिनियम, १९५९ च्या कलम ३ सह २५(१-ब)(अ) अंतर्गत गुन्हा दाखल करण्यात आला आहे.
प्राथमिक चौकशीत हे शस्त्र मयूर मोरे (रा. मेडद, ता. बारामती) याच्याकडून मिळाल्याचे आदित्य शेलार याने सांगितल्याची माहिती पोलिसांनी दिली. शस्त्राचा मूळ स्रोत आणि संभाव्य बेकायदेशीर पुरवठ्याबाबत पुढील तपास सुरू आहे.
पोलीस अधीक्षक संदीप सिंह गिल, अपर पोलीस अधीक्षक गणेश बिरादार आणि उपविभागीय पोलीस अधिकारी चैतन्य कदम यांच्या मार्गदर्शनाखाली ही कारवाई करण्यात आली. पोलीस निरीक्षक श्रीशैल चिवडशेट्टी यांच्या समन्वयातून पोलीस हवालदार क्षीरसागर, पोलीस शिपाई कवितके, अक्षय सिताफ आणि पोलीस हवालदार अभिजीत कांबळे यांनी कारवाईत सहभाग घेतला. पुढील तपास पोलीस हवालदार ज्ञानदेव विष्णू क्षीरसागर करीत आहेत.
Ans: २२ ऑक्टोबर २०२६ रोजी रात्री साडेआठच्या सुमारास टी. सी. कॉलेज परिसरात पोलिसांनी मारुती स्विफ्ट कारमधून फिरणाऱ्या आदित्य शेलारला गावठी पिस्तूल व ३ जिवंत काडतुसांसह अटक केली.
Ans: पोलिसांनी २५ हजार रुपयांचे गावठी पिस्तूल, १,२०० रुपयांची तीन काडतुसे आणि २ लाख रुपयांची कार असा एकूण २ लाख २६ हजार २०० रुपयांचा मुद्देमाल जप्त केला आहे.
Ans: आरोपी आदित्य शेलारवर बारामती शहर पोलीस ठाण्यात भारतीय हत्यार अधिनियम (Arms Act), १९५९ च्या कलम ३ सह २५(१-ब)(अ) अंतर्गत गुन्हा नोंदवण्यात आला आहे.
Ans:
