Baramati Crime: शैक्षणिक संस्थांच्या परिसरात विद्यार्थी-विद्यार्थिनींना टवाळखोरांचा त्रास; कारवाईची मागणी

बारामती: शहरातील शैक्षणिक संस्थांच्या परिसरात टवाळखोर मुले विद्यार्थी विद्यार्थिनींना त्रास देत असतात. त्यांना चाप बसविण्यासाठी संबंधित ठिकाणी पोलिस गस्त वाढवावी, अशी मागणी बारामती कोचिंग असोसिएशनने पोलिस प्रशासनाकडे केली आहे. यावर पोलिस प्रशासनानेही सकारात्मक प्रतिसाद दिला आहे. बारामती शहर पोलिस स्टेशन तसेच उपविभागीय पोलिस अधिक्षक कार्यालयासही याबाबत संपर्क साधला जाणार असल्याचे बारामती कोचिंग असोसिएशनतर्फे सांगण्यात आले.

बारामती शहरात विद्या प्रतिष्ठान, टी.सी. कॉलेज, सुर्यनगरी, प्रगतीनगर, मेहता हॉस्पीटलच्या आसपासच्या भागात अनेक शैक्षणिक संस्था आहेत, या संस्थांमधून हजारो विद्यार्थी विद्यार्थिनी शिक्षण घेत आहेत. याच परिसरात टवाळखोर मुले विद्यार्थी, विद्यार्थिनी जातयेत असताना त्यांना त्रास देत असल्याचे दिसून येत आहे. आताच या प्रकारांना आळा घातला नाही तर पुढे जाऊन गंभीर परिणाम होऊ शकतात, यासाठी पोलिस प्रशासनाने या परिसरात गस्त वाढवावी. अशा टवाळखोर मुलांवर लक्ष ठेवावे या मागणीसाठी बारामती कोचिंग असोसिएशच्या सदस्यांनी आज बारामती तालुका पोलिस स्टेशनच्या पोलिस निरीक्षक वैशाली पाटील यांची भेट घेतली.

वैशाली पाटील आणि त्यांच्या सहकाऱ्यांनीही याबाबत सकारात्मक प्रतिसाद दिला असून अशा योग्य कारवाई केली जाईल असे आश्वासन दिले. याखेरीज आपल्या परिसरात असा कोणताही प्रकार घडत असल्याचे निदर्शनास आले तर कळवा, पोलिस कर्मचारी तातडीने तिथे येऊन कारवाई करतील असेही त्यांनी सांगितले. पोलिस उपनिरीक्षक संध्या भगत व सुवर्णा गायकवाड यावेळी उपस्थित होत्या.

कामगार दुकानात दगड घेऊन घुसला अन्…; व्यापाऱ्यावर केला प्राणघातक हल्ला

शहरातील सम्यक लाईफ स्टाईलचे मालक आनंद किशोरकुमार छाजेड यांच्यावर शनिवारी (दि १) एका कामगाराने प्राणघातक हल्ला केला. या हल्ल्यामध्ये आनंद छाजेड यांच्या दोन्ही डोळ्यांच्या मध्ये खोलवर जखम झाली असून नाकाचे हाड फ्रॅक्चर झाल्याची माहिती डॉक्टरांनी दिली. सम्यक दुकानातील एका कामगाराला छाजेड यांनी काम व्यवस्थित करत नसल्याने काही वर्षांपूर्वी कामावरुन काढून टाकले होते. त्याने गेल्या दोन वर्षात त्यांच्या दुकानात जाऊन तोडफोड करुन गोंधळ घालण्याचा प्रयत्न केला होता. बारामती शहर पोलिसांनी त्या वेळेस त्याला अटक करुन कारवाईही केली होती.

Baramati Crime: कामगार दुकानात दगड घेऊन घुसला अन्…; व्यापाऱ्यावर केला प्राणघातक हल्ला

शनिवारी हातात दगड घेऊन संबंधित कामगार दुकानात घुसला, त्याने काचा फोडल्या. दुकानात उपस्थित असलेल्या आनंद छाजेड यांच्या अंगावर दगड घेत तो धावून गेला, त्याने त्यांच्यावर प्राणघातक हल्ला केला. दगड डोक्यात लागू नये म्हणून मागे सरकलेल्या आनंद यांच्या चेह-यावर दगड लागला, त्यांना आठ टाके घालण्यात आले आहेत.
दरम्यान या घटनेचा बारामती व्यापारी महासंघाने निषेध केला असून सोमवारी (ता. 9) सकाळी अकरा वाजता व्यापा-यांचे शिष्टमंडळ पोलिसांना भेटून या बाबत निवेदन देणार आहेत. उपमुख्यमंत्री अजित पवार व खासदार सुप्रिया सुळे यांनीही या घटनेची दखल घेत तातडीने पोलिसांना कडक कारवाईच्या सूचना केल्या आहेत.