शनिवार, 7 नोव्हेंबर 2026
नवी मुंबईत तोतया पत्रकारांचा सुळसुळाट? वाहनांवर ‘प्रेस-पोलीस’ स्टिकर लावून सर्रास वाहतूक
काही दिवसांपूर्वी कोपरखैरणे गावातील रांजणदेवी मंदिर परिसरात असाच एक प्रकार उघडकीस आला. एका मारुती इको वाहनाच्या (क्रमांक MH 46 N 5612) मागचा काचेवर ‘प्रेस’ असा स्पष्ट उल्लेख असल्याचे दिसून आले. या वाहनातून बारबालांची ने-आण केली जात होती. अशा प्रकारे इको, टाटा सुमो, क्वालीस, सेंट्रो यांसारख्या गाड्यांचा वापर करून बारबालांना सर्रास सुरक्षित वाहतूक पुरवली जात आहे.
गणपती विसर्जन मिरवणुकीत जाण्यास वडिलांचा नकार, सहावीतील विद्यार्थ्याने संपवलं जीवन; जळगावमधील घटना
रात्रीच्या वेळी किंवा नाकाबंदी दरम्यान पोलीस तपासणीपासून वाचण्यासाठी या वाहनांवर ‘प्रेस’ किंवा ‘पोलीस’ असे स्टिकर्स लावले जातात. यामुळे नाकाबंदीत पोलीस अशा वाहनांना न थांबवता सोडतात, याचाच गैरफायदा हे चालक व बार मालक घेत आहेत.
यात सर्वात गंभीर बाब म्हणजे, काही नावालाच चालणाऱ्या ‘साप्ताहिक’ वर्तमानपत्रांचे संपादक अवघ्या ५०० ते १०००० रुपयांसाठी अशा गाडी चालकांना थेट वृत्तपत्राचे अधिकृत ओळखपत्र (आयकार्ड) बनवून देत आहेत. हे आयकार्ड दाखवून नाकाबंदीत पोलिसांवर दबाव आणला जातो.
पत्रकारिता हा लोकशाहीचा चौथा स्तंभ मानला जातो. मात्र, अशा प्रकारे अनैतिक व बेकायदेशीर कामांसाठी ‘प्रेस’ या शब्दाचा आणि स्टिकरचा गैरवापर होत असल्याने समाजात खऱ्या व प्रामाणिक पत्रकारांची प्रतिमा मलीन होत आहे. गाव-गल्लीत, मंदिर परिसरात आणि रहिवासी भागात अशा संशयास्पद गाड्या उभ्या राहिल्यामुळे स्थानिक नागरिकांमध्येही भीतीचे व चुकीचे वातावरण निर्माण होत आहे.
जर अशा वाहनांमधून भविष्यात एखादी दुर्दैवी किंवा गंभीर गुन्हेगारी घटना घडली, तर त्याला जबाबदार कोण? असा संतप्त सवाल नवी मुंबईतील नागरिक विचारत आहेत. आरटीओ आणि नवी मुंबई पोलिसांकडे कडक कारवाईची मागणी या संपूर्ण प्रकारामुळे नवी मुंबईतील तोतया पत्रकारांचा सुळसुळाट आणि त्यांचा सुरू असलेला धुमाकूळ चव्हाट्यावर आला आहे.
वाहनांच्या काचेवर बेकायदेशीरपणे ‘प्रेस’ किंवा ‘पोलीस’ लिहिणाऱ्या गाड्यांवर आणि नियमबाह्य पिकअप-ड्रॉप करणाऱ्या वाहनांवर त्वरित जप्तीची कारवाई करावी. नवी मुंबई पोलीस: पैशांच्या लालचेपोटी अनधिकृत आयकार्ड वाटणाऱ्या अशा साप्ताहिक संपादकांची चौकशी करून त्यांच्यावर गुन्हे दाखल करावेत. अशा बनावट स्टिकरधारी वाहनांवर आणि त्यांच्या आडून चालणाऱ्या बेकायदेशीर धंद्यांवर नवी मुंबई पोलीस आयुक्तालय काय पावले उचलणार, याकडे आता संपूर्ण शहराचे लक्ष लागले आहे.
बहिणीची छेड काढल्याचा राग, बेदम मारहाण करुन तरुणाचा खून; वाकडमधील घटनेनं खळबळ
