शनिवार, 22 ऑगस्ट 2026
Jalgaon News: गोमांस आढळताच मनपाची धडक कारवाई! (फोटो सौजन्य- सोशलमीडिया)
जळगवातील सुप्रीम कॉलनीमध्ये अनाधिकृतपणे गोमांस विक्री करण्याची माहिती प्रशासनाला मिळाली. महापालिकेच्या अतिक्रमणविरोधी पथकाने शुक्रवारी सकाळी संबंधित ठिकाणी धडक दिली. ज्या गोडाऊनचा वापर अनधिकृत पद्धतीने होत असल्याचा आरोप होता, त्यावर कारवाई करण्यात आली. यंत्रांच्या मदतीने हे बांधकाम हटवण्यात आलं. कारवाई सुरू असताना परिसरात नागरिकांची गर्दी झाली होती. प्रशासनाकडून परिस्थितीवर लक्ष ठेवण्यात आलं. कोणताही अनुचित प्रकार घडू नये, यासाठी संबंधित यंत्रणांनी खबरदारी घेतली.
महापौर दीपमाला काळे यांच्या निर्देशानुसार ही कारवाई करण्यात आल्याची माहिती महापालिका प्रशासनाकडून देण्यात आली आहे. शहरातील मांस विक्रीबाबत नियम पाळले जात आहेत की नाही, याची तपासणी करण्याचे निर्देश यापूर्वीच देण्यात आले होते. शहरात रस्त्यावर किंवा परवानगी नसलेल्या ठिकाणी मांस विक्री करणाऱ्यांवर कारवाई करण्याची भूमिका महापालिकेने घेतली आहे. मांसाची साठवणूक, विक्री किंवा व्यवसायासाठी वापरली जाणारी जागा नियमांनुसार आहे का, याचीही तपासणी केली जाणार आहे. Jalgaon News:
प्रशासनाच्या म्हणण्यानुसार, परवानगीशिवाय व्यवसाय करणाऱ्या किंवा नियमांचे उल्लंघन करणाऱ्या व्यक्तींवर कारवाई केली जाईल. त्यामुळे अनधिकृतपणे मांस विक्री करणाऱ्या व्यावसायिकांमध्येही या कारवाईनंतर चिंता वाढली आहे. सुप्रीम कॉलनीतील कारवाईनंतर आता शहरातील इतर भागांमध्येही अशा ठिकाणांची तपासणी केली जाण्याची शक्यता आहे. महापालिका प्रशासनाने नियमबाह्य मांस विक्री केंद्रांविरोधातील मोहीम पुढेही सुरू ठेवण्याचे संकेत दिले आहेत.
महापालिकेच्या या कारवाईमुळे शहरात अनधिकृत मांस विक्रीचा मुद्दा पुन्हा चर्चेत आला असून, नियम पाळून व्यवसाय करणाऱ्यांना अडचण होऊ नये आणि परवानगीशिवाय सुरू असलेल्या केंद्रांवर नियंत्रण राहावं, यासाठी प्रशासनाकडून तपासणी वाढवली जाण्याची शक्यता आहे.
Murder Case : गुन्हा दाखल केल्याच्या रागातून वृद्धाचा निर्घृण खून; पोलिसांनी आरोपींना घेतले ताब्यात
सध्या सुप्रीम कॉलनीतील गोडाऊनवरील कारवाईनंतर महापालिका पुढे कोणती पावलं उचलते, याकडे नागरिकांचं लक्ष लागलं आहे. शहरातील इतर संशयित किंवा नियमबाह्य ठिकाणीही अशीच कारवाई होणार का, हे आगामी काळात स्पष्ट होईल
