शनिवार, 24 ऑक्टोबर 2026
आधी चोरी, नंतर लांब पल्ल्याचे भाडे अन् मग पसार! कल्याण पोलिसांची चोरट्यावर कारवाई
पोलिसांनी दिलेल्या माहितीनुसार, कल्याणमधील नेतिवली परिसरात राहणारा सागर राठोड हा नशेच्या व्यसनाच्या आहारी गेला होता. नशा करण्यासाठी पैशांची गरज भासत असल्याने तो रिक्षा चोरी करत असल्याचे तपासात समोर आले आहे.
आधी महिलेवर गोळी झाडली, पोलिस मागावर असतानाच आरोपीने स्वतःला संपवले; अहिल्यानगरमधील घटनेनं खळबळ
सागर रिक्षा चोरी केल्यानंतर त्या रिक्षांमधून लांब पल्ल्याची भाडी मारत असे. मात्र, चोरी उघडकीस येण्याची शक्यता जाणवल्यानंतर तो संबंधित रिक्षा वेगवेगळ्या ठिकाणी उभी करून तेथून पसार व्हायचा. त्यानंतर दुसरी रिक्षा चोरण्याचा प्रयत्न करत असल्याचे समोर आले आहे. अशा पद्धतीने तो पोलिसांना चकवा देण्याचा प्रयत्न करत होता. मात्र, त्याच्या हालचाली सीसीटीव्ही कॅमेऱ्यात कैद झाल्याने पोलिसांना तपासात महत्त्वाचा धागा मिळाला.
सीसीटीव्ही फुटेजच्या आधारे महात्मा फुले पोलीस ठाण्याच्या पथकाने तपासाची चक्रे फिरवली. त्यानंतर सागर राठोड याला अटक करण्यात आली. पोलिसांनी त्याच्याकडून चोरीच्या तीन रिक्षा हस्तगत केल्या आहेत. या कारवाईमुळे रिक्षा चोरीच्या प्रकरणाचा उलगडा करण्यात पोलिसांना यश आले आहे. चोरीच्या रिक्षांचा वापर करून लांब पल्ल्याची भाडी मारल्यानंतर त्या सोडून देण्याची त्याची पद्धत तपासातून समोर आली आहे.
महात्मा फुले पोलीस ठाण्याचे वरिष्ठ पोलीस निरीक्षक बलरामसिंग परदेशी यांच्या नेतृत्वाखाली पोलीस अधिकारी विकास मडके आणि त्यांच्या पथकाने ही कारवाई केली. या प्रकरणाचा पुढील तपास सुरू असून, आरोपीने आणखी काही रिक्षा चोरल्या आहेत का, तसेच या चोरीच्या घटनांमध्ये इतर कोणाचा सहभाग आहे का, याचा तपास पोलीस करत आहेत.
वैजापुरात चोरट्यांनी एकाच रात्रीत फोडली चार दुकाने; मुरारी पार्क, लाडगाव रोड परिसरात धुमाकूळ
Ans: कल्याणमधील नेतिवली परिसरात राहणाऱ्या सागर राठोड याला महात्मा फुले पोलिसांनी रिक्षा चोरी प्रकरणात अटक केली.
Ans: पोलिसांनी आरोपी सागर राठोड याच्याकडून चोरीच्या तीन रिक्षा हस्तगत केल्या आहेत.
Ans: सीसीटीव्ही कॅमेऱ्यात कैद झालेल्या हालचालींच्या आधारे पोलिसांनी तपास केला. महात्मा फुले पोलीस ठाण्याच्या पथकाने कारवाई करत आरोपीला अटक केली असून, पुढील तपास सुरू आहे.
