दररोज 140 महिलांची हत्या, महिला स्वत: च्या घरात असुरक्षित, अहवालातून धक्कादायक माहिती समोर…

women security : 2023 मध्ये 60 टक्के महिलांची हत्या त्यांच्या पती किंवा कुटुंबातील सदस्यांकडून झाली, असा धक्कादायक अहवाल समोर आला. या अहवालामधून दर 10 मिनिटाला प्रत्येकी एका महिलेची हत्या होत आहे.

दररोज 140 महिलांची हत्या, महिला स्वत: च्या घरात असुरक्षित (फोटो सौजन्य-X)

Follow Us:

Follow Us:

Crime against Women report: आधी निर्भया सामुहिक लैंगिक अत्याचार…मग कोलकात्याच्या डॉक्टरवर झालेला अमानुष अत्याचार…मग बदलापूरची घटना…एका मागोमाग एक समोर येणाऱ्या या घटनेने संपूर्ण देशात संतापाची लाट उसळली होती. अशा घटनांमुळे महिलांच्या सुरक्षिततेवर पुन्हा एकदा प्रश्नचिन्ह निर्माण झाला. या घटनांमुळे महिलांमध्ये भीतीचे वातावरण निर्माण झाले. मुली आणि महिलांना नेहमीच त्यांच्या सुरक्षिततेची काळजी असते आणि अशा परिस्थितीत त्यांना एकट्याने घराबाहेर पडणे कठीण होते.

रात्रीच्या अंधारात त्यांना घरी जाताना त्यांच्या सुरक्षिततेची भीती वाटते, असे असाताना जगभरातील महिलांच्या सुरक्षेबाबत एक धक्कादायक अहवाल समोर आला आहे. घरात राहणाऱ्या विवाहित महिला आणि मुलींचा जीव धोक्यात असल्याचे या अहवालातून स्पष्ट झाले आहे. आकडेवारीनुसार 2023 मध्ये महिलांच्या हत्येच्या 60 टक्के प्रकरणांमध्ये गुन्हेगार त्यांचे पती किंवा कुटुंबातील सदस्य असल्याचे या अहवालातून स्पष्ट झाले आहे.

पुण्यात चोरट्यांचा धुमाकूळ; निवृत्त ‘पोलीस महासंचालकां’च्या मेव्हण्याचा फ्लॅट फोडला

दररोज 140 महिलेची हत्या

युनायटेड नेशन्सच्या या अहवालात असे समोर आले आहे की, दररोज 140 महिलांची हत्या त्यांच्याच पतीकडून झाल्याचं समोर आला. अहवालानुसार, 2023 मध्ये पुरुषांनी मारलेल्या 85,000 महिलांपैकी 51,100 महिलांची हत्या त्यांच्या जवळच्या लोकांनी केली होती. अभ्यासातून असे दिसून आले आहे की महिलांसाठी सर्वात धोकादायक ठिकाण त्यांचे हक्काचे घर ठरले आहे.

हिंसाचार कुटुंबात…

यूएन वुमनच्या उपकार्यकारी संचालकांनी सांगितले की, ही आकडेवारी महिलांच्या जीवनासाठी किती भीषण परिस्थिती आहे हे दर्शवते. अहवालात असेही म्हटले आहे की, महिलांना घरामध्ये गंभीर हिंसाचाराचा सामना करावा लागतो, ज्यामुळे त्यांचा जीवही जाऊ शकतो.

स्त्रीहत्येवरील जागतिक अहवाल

UN च्या अहवालात स्त्रीहत्या ही लिंग-संबंधित हत्या अशी व्याख्या करण्यात आली आहे. आकडेवारी दर्शवते की 2022 पर्यंत महिला आणि मुलींच्या हेतुपुरस्सर मृत्यूच्या संख्येत एकंदर घट झाली आहे. मात्र जिवलग जोडीदार आणि कुटुंबीयांकडून महिलांच्या हत्येच्या घटनांमध्ये वाढ झाली आहे.

आफ्रिकेत सर्वाधिक हत्या

अहवालानुसार, 2023 मध्ये आफ्रिकेत 21,700 स्त्रीहत्येची प्रकरणे नोंदवली गेली, जी सर्वात जास्त आहे. यानंतर अमेरिका आणि ओशनियाचा क्रमांक लागतो. अगदी युरोप-अमेरिकेतही महिलांच्या जिवलग जोडीदाराकडून हत्या होण्याच्या घटनांमध्ये चिंताजनक वाढ होत आहे. सुरक्षित ठिकाण असले पाहिजे असे घर महिलांसाठी सर्वात मोठा धोका ठरत असल्याचा निष्कर्ष संयुक्त राष्ट्रसंघाने काढला आहे. हा अहवाल केवळ स्त्री-पुरुष समानतेवरच प्रश्न उपस्थित करत नाही, तर समाजातील महिलांबद्दलची विचारसरणी आणि दृष्टिकोन बदलण्याची नितांत गरजही दाखवतो.

पुण्यात मोठा दरोडा टाकण्याचा प्लॅन फसला; ‘चूहा गँग’च्या पोलिसांनी आवळल्या मुसक्या

Web Title: One woman or girl is killed every 10 minutes by their intimate partner or family member

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com