Thane Crme: आदिवासी आश्रमशाळेतील २१ विद्यार्थिनींवर अत्याचार; स्वयंपाकगृहातील मदतनीसकडून घडला प्रकार

ठाण्यातील आश्रमशाळेमध्ये एक धक्कदायक प्रकार घडला. स्वयंपाकगृहातील ५९ वर्षीय मदतनीसने २१ विद्यार्थिनींचा विनयभंग केल्याचं समोर आलं आहे. तसेच शाळेतील संचालिकेने तक्रारीकडे दुर्लक्ष केल्याचा आरोप आहे.

• शासकीय आदिवासी आश्रमशाळेतील २१ विद्यार्थिनींवर अत्याचार
• ५९ वर्षीय कर्मचाऱ्यावर विनयभंगाचा आरोप
• आश्रमशाळेच्या संचालिकीने या प्रकरणाकडे केले दुर्लक्ष

Thane Crime News: ठाणे जिल्ह्यात असलेल्या शहापुर तालुक्यातील २१ विद्यार्थिनींवर छेडछाड झाल्याचा प्रकार समोर आला आहे. आदिवासी विकास प्रकल्प विभागाने विद्यार्थिनींच्या विनयभंगाच्या तक्रारीकडे दुर्लक्ष करून ती दडपल्याचा ठपका संचालिका गौरी सारक्ते यांच्यावर ठेवला आहे. या प्रकरणातील त्यांच्या भूमिकेबद्दल त्यांना घटनेला जबाबदार धरण्यात आले आहे. तर मुलींवर छेडछाड करणारा स्वयंपाकगृहातील मदतनीस गणपत गवळी याला स्थगित करण्यात आले आहे.
विशेष म्हणजे अशाच प्रकरणात स्थगित होण्याची ही त्याची दुसरी वेळ आहे.

हेही वाचा: मुलाच्या अपघाती मृत्यूनंतर खचलेल्या वडिलांचा गळफास घेऊन मृत्यू; लोणी काळभोरमधील घटना

विद्य़ार्थिंनींने तक्रार करुनही संचालिकीने केले दुर्लक्ष
काही दिवसांपूर्वी स्वयंपाकगृहात मदतनीस म्हणून काम करणाऱ्या शहापूरच्या आश्रमशाळेतील गवळीने विद्यार्थिनींना छेडछाड केल्याचा प्रकार समोर आला होता. दुपारच्यावेळी मुली जेवण झाल्यानंतर नेहमीप्रमाणे ताट धुण्यासाठी जात असतानाच त्यांच्या अंगाला आरोपीने विचित्र पद्धतीने स्पर्श केला, त्यामुळे घाबरलेल्या मुलींने आश्रमशाळेच्या संचालिकान गौरी सारक्ते यांना घडलेला सर्व प्रकार सांगितला; मात्र त्यांनी त्याकडे दुर्लक्ष केले.

एका शिक्षकाच्या मदतीने तक्रार दाखल 

शेवटी विद्यार्थिनींनी एका शिक्षकाकडे घडलेला प्रकार सांगितला. संबंधित शिक्षकाने तातडीने आदिवासी विकास प्रकल्प अधिकारी तेजस्विनी गलांडे यांना या घटनेची माहिती दिली. त्यानंतर मुख्याध्यापक दीपक पाटील यांनी पोलिस ठाण्यात तक्रार दाखल केली. दरम्यान, विद्यार्थिनींच्या विनयभंगाच्या तक्रारीची संचालिका सारक्ते यांनी वेळीच दखल न घेतल्याचे चौकशीत समोर आले आहे. त्यामुळे चौकशी समितीने संबंधित तक्रार दडपण्याचा प्रयत्न केल्याचा ठपका संचालिकांवर ठेवला आहे.

हेही वाचा: Jalgaon Crime: घाबरवण्यासाठी केला हवेत गोळीबार; व्हिडिओ काढल्याने चढला सरपंचाचा पारा अन्…., नेमका प्रकार काय?

दहा सीसीटीव्ही कॅमेरे सुरू की बंद ?

आश्रमशाळेच्या परिसरात दहा सीसीटीव्ही कॅमेरे बसविण्यात आले आहेत. मात्र, घटनेच्या वेळी हे कॅमेरे सुरू होते की बंद, त्याचबरोबर त्यांचे फुटेज तपासण्यात आले होते का, याबाबत प्रश्न उपस्थित होत आहेत. या आश्रमशाळेत सुमारे ३७५ विद्यार्थी शिक्षण घेत असून, विनयभंगाच्या संतापजनक घटनेमुळे विद्यार्थ्यांच्या सुरक्षेचा मुद्दा ऐरणीवर आला आहे. आश्रमशाळेत संगणक कक्ष, डिजिटल वर्ग यांसह आवश्यक आधुनिक सुविधा उपलब्ध नसल्याची माहिती मिळाली आहे. घटनेची चौकशी करण्यासाठी नियुक्त समितीत सहाय्यक प्रकल्प अधिकारी, कनिष्ठ शिक्षण विस्तार अधिकारी आणि मुख्याध्यापिका यांचा समावेश आहे. दरम्यान, संपूर्ण प्रकरणाची सखोल आणि निष्पक्ष चौकशी करून दोषींवर कठोर कारवाई करावी, अशी मागणी विद्यार्थी, पालक आणि ग्रामस्थांनी केली आहे.