Baramati robbery case
बारामती : बारामती (तांदुळवाडी ) हद्दीमध्ये मध्यवर्ती ठिकाणी पत्रकाराचे चक्क बंद घर फोडुन अडीच तोळे सोने , चांदी सह अन्य मिळुन सुमारे पावणे चार लाख रुपय किंमतीच्या ऐवजाची चोरी झाली. यामुळे तांदुळवाडी परिसरात या चोरीच्या घटनेमुळे हादरली आहे.बुधवार दि.१४ रोजी पत्रकार. संतोष दहिदुले आई आजारी असल्याने वडिल अंबादास दहिदुले हे बारामती येथील दवाखान्यातुन सकाळी ८ च्या सुमारास बारामती तांदुळवाडी हद्दीत निवासास्थानी आले. घराजवळ आले असता मुख्य गेट तर लाकडी दरवाजाचा कोयंडा टिकावाच्या सहाय्याने तोंडुन चोरट्याने आत प्रवेश केला.
घरातील बेडरुम मध्ये चोरट्यांनी चोरीच्या उद्देशाने उचका पाचक केली. त्यानंतर चोरट्याने स्वयंपाक घरात मोर्चा वळवत या ठिकाणी पिशव्या , डबे शोधला. या स्टीलच्या डब्ब्यात सोन्याचा एक तोळ्याचा गंठण , दुसरा सोन्याचा गंठण अर्धा तोळा ,२ सोन्याची कर्ण फुले १ तोळयाची तर चांदीची जोडवे आणि रोख रक्कम असे सुमारे पावणे चार लाख रुपयांची चोरी झाली. हि चोरी मंगळवार दि.१४ रोजीच्या २ च्या सुमारास झाली असुन काही साड्या , वडिलांचे कपडे देखील चोरीला गेल्याचे या वेळी संतोष दहिदुले यांनी सांगीतले.या संदर्भात बारामती ग्रामीण पोलीस स्टेशनमध्ये गुन्हा दाखल झाला आहे.
सध्या बारामती व ग्रामीण भागामध्ये गस्तीच्या संख्येमध्ये वाढ करण्यात आली असुन याचबरोबर दादा पाटील नगर परिसरात मुख्य लक्ष ठेवले जाणारा आहे. बारामतीची वाढती लोकसंख्या आणि योग्य नियोजन करणार असल्याचे पोलीस निरीक्षक नारायण पवार यांनी माहिती दिली.
या घटनेनंतर परिसरातील नागरिकांमध्ये भीतीचे वातावरण निर्माण झाले असून, पोलिसांनी चोरीच्या घटनांना आळा घालण्यासाठी पेट्रोलिंग करण्यावर भर दिला आहे. नागरिकांनी घराबाहेर जाताना दरवाजे व्यवस्थित बंद करावेत तसेच मौल्यवान वस्तू सुरक्षित ठिकाणी ठेवाव्यात, असे आवाहन करण्यात येत आहे. संशयास्पद हालचाली आढळल्यास त्वरित पोलिसांशी संपर्क साधण्याचेही आवाहन केले जात आहे.
RTI : पश्चिम मुंबईत दोन वर्षांत एकाही शाळेची तपासणी नाही? शिक्षण विभागाच्या कारभारावर प्रश्नचिन्ह
.png "Videos"){kind=small}
