उरण हत्याकांड प्रकरण: आरोपी दाऊद शेखला अटक; सीसीटीव्ही फुटेजही समोर

दाऊदने यशश्रीची हत्या का केली असावी?

मिळालेल्या माहितीनुसार, 2018-19 च्या काळात यशश्रीशी ओळख वाढवून दाऊदने तिला जाळ्यात ओढले आणि 2019 साली तिच्यावर अत्याचारही केला होता. यशश्री आणि तिच्या कुटुंबियांनी दिलेल्या तक्रारीनुसार, दाऊदवर पॉक्सो कलमांतर्गत गुन्हा दाखल करत त्याची तुरुंगात रवानगी करण्यात आली. दाऊदच्या मनात याच गोष्टीचा राग होता. काही दिवसांपूर्वी दाऊद तुरूंगातून सुटून आला. तेव्हापासून त्याने पुन्हा तिचा पाठलाग सुरू केला होता.

तुरुंगातून सुटल्यापासून तो यशश्रीला त्रास देत होता. पण तिने याबाबत कुणालाही सांगितले नव्हते.  पण 25 जुलैलै यशश्री अचानक बेपत्ता झाली आणि दोन दिवसानंतर तिचा मृतदेह सापडला. तिच्या गुप्तांगांवर आणि पोटावर वार करून तिचा मृतदेह छिन्नविछिन्न केला होता.  यशश्रीचा 27 जुलैला मृतदेह सापडला तेव्हा त्याची अवस्था खूपच भयानक होती.  मृतदेहावर चाकूने वार केलेले होते. मृतदेहावर असंख्य जखमाही होत्या. कुत्रे मृतदेहाचे लचके तोडत होते.  तिच्या हत्येनंतर तिच्या आई- वडिलांनी दाऊद शेखनेच तिची हत्या केल्याचा आरोप केला  आहे.