शुक्रवार, 25 सप्टेंबर 2026
सौजन्य फोटो - सोशल मिडीया
२३ सप्टेंबर रोजी तरुणी चंद्रपूरहून जयंती एक्स्प्रेसने परतीच्या प्रवासाला निघाली. ती सेवाग्राम रेल्वे स्थानकावर उतरली. त्यावेळी रात्री बराच उशीर झाला होता. सेवाग्रामहून वर्धा रेल्वे स्थानक परिसरात जाण्यासाठी तिने रिक्षा घेतली. वर्धा रेल्वे स्थानकाजवळ पोहोचल्यानंतर एका रिक्षाचालकाने तिला पुन्हा रिक्षात बसवल्याचे सांगण्यात येते. त्यानंतर त्याने काही साथीदारांना फोन करून बोलावले. पुढे तरुणीला एका बाजूला नेण्यात आले आणि तिच्यावर सामूहिक अत्याचार करण्यात आल्याचा आरोप आहे.
गुरुवारी पहाटे सुमारे चार वाजण्याच्या सुमारास या घटनेची माहिती रेल्वे पोलिसांना मिळाली. त्यानंतर पोलिसांनी तरुणीचा शोध सुरू केला. तिच्याबाबत मिळालेल्या माहितीनुसार परिसरात शोधमोहीम राबवण्यात आली.
हेही वाचा:DSPच्या कथित बेनामी व्यवहारांचा पर्दाफाश; ACBच्या छाप्यात सापडलं रोख रकमेचं मोठं गुपित
गुरुवारी दुपारी तरुणी शहरातील एका परिसरात पोलिसांना दिसली. पोलिसांनी तिच्याशी संवाद साधून घटनेबाबत माहिती घेतली. त्यानंतर तिच्या कुटुंबीयांना बोलावण्यात आले. प्रकरणातील संशयितांचा शोध घेत पोलिसांनी काही जणांना ताब्यात घेतले. त्यानंतर तरुणीसमोर संशयितांची ओळख पटवण्यात आली. तरुणीने पाच जणांची ओळख पटवल्यानंतर पोलिसांनी त्यांना अटक केली.
या प्रकरणी पाचही आरोपींविरुद्ध गुन्हा दाखल करण्यात आला असून पुढील तपास सुरू आहे. घटनेचा संपूर्ण घटनाक्रम, आरोपींची भूमिका आणि उपलब्ध पुराव्यांची पोलिसांकडून पडताळणी केली जात आहे. दरम्यान, रात्रीच्या वेळी रेल्वे स्थानक परिसरात प्रवास करणाऱ्या महिलांच्या सुरक्षेचा प्रश्न या घटनेनंतर पुन्हा ऐरणीवर आला आहे. तपास पूर्ण झाल्यानंतर या प्रकरणातील आणखी माहिती समोर येण्याची शक्यता आहे.
