Delhi Assembly Elections 2025 : दिल्ली विधानसभा निवडणुकीसाठी मतदानाला सुरुवात; 1.56 कोटी नागरिक बजावणार मतदानाचा हक्क

Delhi Assembly Elections 2025 Voting Live Updates : दिल्ली विधानसभा निवडणुकीत त्रिकोणी लढत पाहायला मिळत आहे. माजी मुख्यमंत्री अरविंद केजरीवाल यांचा पक्ष आम आदमी पार्टी (आप) पुन्हा एकदा सत्तेत येण्यासाठी प्रयत्न करतोय.

स्थानिक स्वराज्य संस्थांच्या निवडणुकांमध्ये आता 'हा' पक्ष करणार एंट्री; सांगलीच्या जतमध्ये... (Photo Credit- Social Media)

Follow Us:

Follow Us:

Delhi Assembly Elections 2025 voting Live updates : राजधानी दिल्लीत विधानसभा निवडणूक होत आहे. त्यानुसार, आज मतदान घेतले जात आहे. यामध्ये सुमारे 1.56 कोटी मतदार असून, ते आज मतदानाचा हक्क बजावणार आहेत. यासाठी 13766 मतदान केंद्रांवर मतदान घेतले जाणार आहे. त्यापैकी 83.76 लाख पुरुष, 72.36 लाख महिला, तर 1267 तृतीयपंथी मतदार आहेत. आता या मतदानाला सुरुवात झाली आहे.

दिल्ली निवडणुकीत ज्येष्ठ नागरिक आणि दिव्यांग मतदारांसाठी विशेष व्यवस्था करण्यात आली आहे. त्यांना कोणत्याही अडचणींचा सामना करावा लागू नये म्हणून ७३३ मतदान केंद्रे खास तयार करण्यात आली आहेत. दिल्ली विधानसभा निवडणुकीसाठी कडक सुरक्षा व्यवस्था करण्यात आली आहे. बुधवारी सकाळी ७ वाजता मतदान सुरू झाले आणि सायंकाळी ६ वाजेपर्यंत चालेल. निवडणुका शांततेत पार पडाव्यात यासाठी निवडणूक आयोगाने निमलष्करी दलाच्या २२० कंपन्या, दिल्ली पोलिसांचे ३५,६२६ कर्मचारी आणि १९,००० होमगार्ड तैनात केले आहेत.

राजधानीतील ७० विधानसभा मतदारसंघांमध्ये १.५६ कोटींहून अधिक मतदार मतदानाचा हक्क बजावतील. मतदानासाठी १३,७६६ केंद्रे स्थापन करण्यात आली आहेत, जिथे ६९९ उमेदवारांचे भवितव्य ठरणार आहे. ही निवडणूक दिल्लीच्या राजकारणाची दिशा ठरवू शकते.

आप, भाजपसह काँग्रेसही मैदानात

२०२५ च्या दिल्ली विधानसभा निवडणुकीत त्रिकोणी लढत पाहायला मिळत आहे. माजी मुख्यमंत्री अरविंद केजरीवाल यांचा पक्ष आम आदमी पार्टी (आप) त्यांच्या कल्याणकारी योजनांच्या जोरावर सलग तिसऱ्यांदा सत्तेत येण्याचा प्रयत्न करत आहे. त्याच वेळी, भारतीय जनता पक्ष (भाजप) २५ वर्षांनंतर राजधानीत सरकार स्थापन करण्याचे स्वप्न पाहत आहे. दुसरीकडे, २०१३ पर्यंत १५ वर्षे दिल्लीवर राज्य करणाऱ्या काँग्रेसला गेल्या दोन निवडणुकांमध्ये एकही जागा जिंकता आली नाही. यावेळी ती पुन्हा एकदा तिचे गमावलेले स्थान परत मिळवण्याचा प्रयत्न करत आहे.

अनेक वाहनांची तपासणी

आम आदमी पक्ष (आप) पुन्हा सत्तेत येईल की भाजप सरकार स्थापन करेल? दिल्ली निवडणुकीपूर्वी सुरक्षा आणि तपासणी दाखवत, सर्व विधानसभा मतदारसंघांमध्ये सुरक्षा वाढवण्यात आली आहे. वाहनांची तपासणी केली जात आहे. वाहतूक आणि मार्ग देखील वळवण्यात आले आहेत. त्यामुळे ओखला मतदारसंघासारख्या संवेदनशील भागात सुरक्षा आणखी वाढवण्यात आली आहे. सकाळपासूनच मतदानाला सुरूवात होत आहे.

Web Title: Delhi assembly election 2025 voting live updates in marathi voting started for 70 vidhan sabha seats nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com