Delhi Election Result : दिल्लीत अरविंद केजरीवाल यांच्या ‘आप’चा पराभव का? जम्मू-काश्मीरच्या मुख्यमंत्र्यांनी सांगितले सत्य

Delhi Assembly Election 2025: २०२५ च्या दिल्ली निवडणुकीत भाजप मोठ्या विजयाकडे वाटचाल करत आहे. जनतेने आम आदमी पक्षाला (आप) सत्तेतून बाहेर काढले आहे हे निवडणुक आयोगाच्या निकालामधून स्पष्ट होत आहे.

दिल्लीत अरविंद केजरीवाल यांच्या 'आप'चा पराभव का? जम्मू-काश्मीरच्या मुख्यमंत्र्‍यांनी सांगितले सत्य (फोटो सौजन्य-X)

Follow Us:

Follow Us:

दिल्ली विधानसभा निवडणुकीचे  Delhi Election Result 2025 निकाल आज शनिवारी जाहीर होणार आहेत. दिल्लीत आप (AAP), भाजप (BJP) आणि काँग्रेस (Congress) अशी तिरंगी लढत झाली आहे. याचदरम्यान दिल्लीतील आम आदमी पक्षाची (आप) ‘गोल्डन रन’ संपल्याचे पाहायला मिळत आहे. विधानसभा निवडणुकीतील मतमोजणीच्या ट्रेंडवरून असे दिसून येते की २०१५ पासून दिल्लीत सत्तेत असलेल्या ‘आप’ला आता विरोधी पक्षात बसावे लागेल. भारतीय जनता पक्षाने (भाजप) ४० हून अधिक जागांवर आघाडी घेतली आहे. जर ट्रेंड निकालात बदलले तर माजी मुख्यमंत्री आणि आपचे संरक्षक अरविंद केजरीवाल यांच्यासाठी हा सर्वात मोठा राजकीय धक्का असेल. ‘आप’सोबत असे का घडले? या प्रश्नाचे उत्तर केजरीवालांना शोधावे लागेल. भारत आघाडीतील त्यांचे सहयोगी जम्मू आणि काश्मीरचे मुख्यमंत्री ओमर अब्दुल्ला यांनी आपच्या पराभवाचे कारण सांगितले आहे.

Delhi Assembly Election Result 2025 : दिल्लीत काँग्रेसचा लाजिरवाणा पराभव! काँग्रेसच्या 0 जागा, निवडणूक आयोगाची माहिती

दिल्लीत भाजपशी लढण्यासाठी इंडिया पक्षाला एकत्र यायला हवा होतं, असे ओमर अब्दुल्ला यांना वाटते. आप आणि काँग्रेसने वेगवेगळे निवडणूक लढवली. निकाल- काँग्रेसला कमी नुकसान झाले, तर ‘आप’ला जास्त नुकसान झाले. अशी माहिती x वर पोस्टकरून ओमर अब्दुल्ला यांनी अंतर्गत कलहाला पराभवाचे कारण म्हणून जबाबदार धरले.

Aur lado aapas mein!!! https://t.co/f3wbM1DYxk pic.twitter.com/8Yu9WK4k0c

— Omar Abdullah (@OmarAbdullah) February 8, 2025

शनिवारी (०८ फेब्रुवारी २०२५) सकाळी मतमोजणी सुरू झाल्यानंतर लगेचच ‘आप’ सत्तेतून बाहेर पडण्याची चिन्हे दिसू लागली. सकाळी १० वाजेपर्यंत चित्र बऱ्याच प्रमाणात स्पष्ट झाले होते. भाजपने ४० हून अधिक जागांवर आघाडी घेतली होती. त्याच वेळी, २०२० मध्ये ६२ जागा जिंकणाऱ्या ‘आप’ला २५-३० जागांपेक्षा जास्त आघाडी वाढवता आली नाही. अरविंद केजरीवाल, मुख्यमंत्री आतिशी, सौरभ भारद्वाज, मनीष सिसोदिया यांच्यासह पक्षाचे मोठे नेते आपापल्या जागांवर पिछाडीवर होते.

याचदरम्यान दिल्ली निवडणुकीच्या ट्रेंडमध्ये सध्या ‘आप’ पिछाडीवर असल्याचे पाहायला मिळत आहे. तर काँग्रेस केवळ एकच जागेवर आघाडीवर आहे. यावरून ओमर अब्दुल्ला यांनी ‘एक्स’वर पोस्ट करत मोठं वक्तव्य केलंय. आपापसात आणखी लढा आणि एकमेकांना संपवा, असे म्हणत त्यांनी आप आणि काँग्रेसने दिल्लीच्या निवडणुकीत एकत्र न लढण्याच्या घेतलेल्या निर्णयाचा खरपूस समाचार घेतला आहे.

यावेळी कालकाजी विधानसभा मतदारसंघातील भाजप उमेदवार रमेश बिधुरी म्हणाले, ‘आम आदमी पक्षाला फॉलो करण्याचे कारण त्यांच्या १० वर्षांच्या सत्ताविरोधी लाटेमुळे आहे. ते सुरुवातीपासून शेवटपर्यंत खोटे बोलत होता, त्याने काहीही केले नाही… लोक या सगळ्याला कंटाळले आहेत… दिल्लीच्या लोकांनी त्यांना दोनदा संधी दिल्या पण आता ते उघडकीस आलं आहे. नागरिक त्यांचे खोटे किती काळ सहन करणार, आता नागरिक ही त्यांना स्वीकारत नाही, असं भाजप उमेदवार रमेश बिधुरी यांनी म्हटलं आहे…

Delhi Assembly Election Result 2025 : दिल्लीमध्ये रंगत वाढली! महिला उमेदवारांमध्ये ‘काँटे की टक्कर’

Web Title: Delhi assembly election result 2025 why aap lost omar abdullah blames infighting in india

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com