Shrinivas Vanga : “आत्महत्येचा विचार मनात येऊ लागलाय…” असं म्हणणारे श्रीनिवास वनगा 12 तासांपासून नॉटरिचेबल

शिवसेनेचे आमदार श्रीनिवास वनगा यांना पालघरमधील उमेदवारी नाकारण्यात आल्यामुळे वनगा दाम्पत्याला अश्रू अनावर झाले. सुमन वनगा यांनी आपले पती आत्महत्या करण्याचा विचार करीत असल्याचे म्हटले आहे.

श्रीनिवास वनगा 12 तासांपासून नॉटरिचेबल (फोटो सौजन्य-सोशल मीडिया)

Follow Us:

Follow Us:

पालघरमध्ये राजेंद्र गावित यांना उमेदवारी देऊन मुख्यमंत्री एकनाथ शिंदे यांनी शिवसेनेचे विद्यमान आमदार श्रीनिवास वनगा यांना मोठा धक्का दिला आहे. उमेदवारी नाकारल्यानंतर श्रीनिवास वनगा यांचे अश्रू अनावर झाले. यावेळी पत्नी सुमन वनगा यांनी पत्रकार परिषद घेत, “माझे पती आत्महत्या करण्याचा विचार करत आहेत,” असं म्हणाले. तर “घातकी माणसासोबत गेलो आणि माझा घात झाला”, अशी प्रतिक्रिया श्रीनिवास वनगा यांनी दिली आहे. तसेच “ठाकरे गटाचे प्रमुख उद्धव ठाकरे हे देवमाणूस होते”, असंदेखील श्रीनिवास वनगा म्हणाले आहेत.

पालघर शिवसेना शिंदे गटाचे (शिवसेना शिंदे गट) आमदार श्रीनिवास वनगा हे गेल्या १२ तासांपासून नॉट रिचेबल असल्याची माहिती मिळत आहे. काल (सोमवार) संध्याकाळी घरातून अचानक निघून गेलेले वनगा अजूनही घरी परतले नाहीत. तब्बल 12 तासांपासून श्रीनिवास वनगा घरात नाहीत. त्यामुळे कुटुंबीय मोठ्या चिंतेत सापडले आहेत. वनगा यांचे दोन्ही फोन बंद असल्यानं कुटुंबीयांसह पोलीस प्रशासनाकडून वनगांचा शोध सुरू आहे.

हे सुद्धा वाचा: ‘मी जीवाला जीव देणारा माणूस, लोकसभेत सुनेत्रा पवार यांना…’; अजित पवार यांचं मोठं विधान

मुख्यमंत्री एकनाथ शिंदे यांच्या शिवसेनेने पालघरचे माजी खासदार राजेंद्र गावितना यांची उमेदवारी जाहीर केली आहे. त्यामुळे शिवसेनेच्या फुटीनंतर शिंदेंसोबत गेलेले श्रीनिवास वनगा यामुळे नाराज झाले आहेत. तिकीट नाकारल्यानं माध्यमांशी बोलताना श्रीनिवास वनगा यांचा अश्रूंचा बांध फुटला. कॅमेऱ्यासमोरच ते ढसाढसा रडू लागले. शिंदेंनी फसवणूक केल्याचा आरोप करताना भावूक झालेल्या वनगांनी उद्धव ठाकरेंवर स्तुतिसुमनं उधळली आहेत. उद्धव ठाकरे आमच्यासाठी देव होते, अशी भावना वनगा यांनी व्यक्त केली आहे.

श्रीनिवास यांचे शिंदेंवर आरोप

शिंदे यांनी फसवणूक केल्याचा आरोप श्रीनिवास यांनी केला आहे. बंडखोरीदरम्यान पाठिंबा दिलेल्या 40 पैकी 39 आमदारांना पुन्हा तिकीट देण्यात आले, मात्र श्रीनिवास यांना तिकीट देण्यात आले नाही. यावेळी श्रीनिवास यांच्या पत्नीचे म्हणणे आहे की, श्रीनिवास हे डिप्रेशनमध्ये गेले आहेत. रविवारपासून ते जेवत नाही आणि सतत रडत होते. ते आत्महत्या करत असल्याची चर्चा आहे. उद्धव ठाकरेंसारख्या देवासारखा माणूस सोडणं ही त्यांच्या कुटुंबाची मोठी चूक होती.

शिंदे यांनी उमेदवारी अर्ज दाखल केला

महाराष्ट्र निवडणुकीतील नामांकन फेरी संपण्यापूर्वी महायुतीच्या छावणीने महाविकास आघाडीची सर्वात हॉट जागा मानल्या जाणाऱ्या वरळीमध्ये आतापर्यंतचा सर्वात मोठा खेळ केला आहे. मुंबईची वरळीची जागा शिंदे यांच्या शिवसेनेकडे गेली असून रविवारी मुख्यमंत्री एकनाथ शिंदे यांनी वरळीतून मिलिंद देवरा यांना रिंगणात उतरवून लढत रंजक बनवली आहे. आता येथे शिवसेनेचे (यूबीटी) उमेदवार आदित्य ठाकरे यांची शिंदे यांचे शिवसेनेचे उमेदवार मिलिंद देवरा यांच्याशी स्पर्धा आहे.

हे सुद्धा वाचा: ‘राज्यात महायुतीची सत्ता पुन्हा आल्यास पुढचा उपमुख्यमंत्री मीच’; ‘या’ नेत्याच्या विधानाने चर्चांना उधाण

मुख्यमंत्री एकनाथ शिंदे यांच्या शिवसेनेने रविवारी जाहीर केलेल्या 20 उमेदवारांच्या यादीत संजय निरुपम यांना दिंडोशी आणि मिलिंद देवरा यांना वरळीतून तिकीट देण्यात आल्याने महाराष्ट्राच्या राजकारणात वरळीच्या जागेची चर्चा रंगली आहे. सोमवारी मुख्यमंत्री एकनाथ शिंदे यांनी ठाणे मतदारसंघातून तर उपमुख्यमंत्री अजित पवार यांनी बारामतीतून उमेदवारी दाखल केली.

महाराष्ट्रात २० नोव्हेंबरला निवडणुका होणार असून २३ नोव्हेंबरला मतमोजणी होणार आहे. महाराष्ट्रात एकाच टप्प्यात निवडणुका होणार आहेत. महाराष्ट्रात विधानसभेच्या एकूण २८८ जागा आहेत, त्यापैकी बहुमतासाठी १४५ जागा आवश्यक आहेत. 2019 च्या निवडणुकीत भाजपला 105, शिवसेनेला 56, राष्ट्रवादीला 54, काँग्रेसला 44 आणि इतरांना 29 जागा मिळाल्या होत्या.

Web Title: Denied palghar ticket ans shivsena vanga regrets leaving ubt then srinivas vanga notreachable for 12 hours

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com