रविवार, 18 ऑक्टोबर 2026
विधानसभा निवडणुकीसाठी उमेदवारी अर्ज दाखल करण्याचा आज शेवटचा दिवस (फोटो सौजन्य-X)विधानसभा निवडणुकीसाठी उमेदवारी अर्ज दाखल करण्याचा आज शेवटचा दिवस (फोटो सौजन्य-X)
महाराष्ट्रातील विधानसभा निवडणूक खूपच रंजक असणार आहे. शिवसेना आणि राष्ट्रवादी काँग्रेसचे दोन गटात विभाजन झाल्यानंतर राज्यात सत्ताधारी महायुती आणि विरोधी मविआ यांच्यातील लढत चुरशीची होणार आहे. आज उमेदवारी अर्ज भरण्याचा शेवटचा दिवस असून महायुती आणि मविआमधील जागावाटपाचा प्रश्न अद्याप सुटलेला नाही. दरम्यान, राष्ट्रवादीचे नेते नवाब मलिक यांच्या दुहेरी खेळामुळे खळबळ उडाली आहे.
महाराष्ट्रात भाजप आणि राष्ट्रवादी काँग्रेस (अजित पवार) महायुतीचा भाग आहेत. नवाब मलिक यांना तिकीट देण्यास भाजपने विरोध केला होता. मात्र नवाब मलिक यांनी कोणत्याही परिस्थितीत उमेदवारी अर्ज भरणार असल्याचे स्पष्ट केले होते. अशातच आता नवाब मलिक यांनी अपक्ष उमेदवार म्हणून अर्ज दाखल केला आहे.
माजी मंत्री नवाब मलिक यांनी आज (मंगळवारी) शक्तिप्रदर्शन करत आपला उमेदवारी अर्ज दाखल केला आहे. उमेदवारी अर्ज भरण्यापूर्वी नवाब मलिक यांनी शिवाजीनगर-मानखुर्द या मतदारसंघात रॅली काढून जोरदार शक्तीप्रदर्शन केल्याचे दिसून आले. तसेच यावेळी नवाब मलिक आणि त्यांच्या कार्यकर्त्यांच्या गळ्यात गुलाबी रंगाचे उपरणे होते. त्यानंतर मलिकांनी माध्यामांशी संवाद साधला. ते म्हणाले, जर पक्षाकडून मला वेळेत एबी फॉर्म मिळाला नाही, तर मी अपक्ष निवडणूक लढवणार आहे. तसेच अद्याप मलिकांना अजित पवार गटाकडून उमेदवारी मिळणार की नाही, याबाबतचा सस्पेन्स कायम आहे.
महाराष्ट्रात सत्ताधारी महायुती आणि विरोधी महाविकास आघाडी राज्यात अनेक जागांसाठी उमेदवारांची मंथन करत आहेत. दरम्यान, राष्ट्रवादी काँग्रेसचे अजित गटाचे नेते नवाब मलिक यांनी आज (29 ऑक्टोबर) अपक्ष उमेदवार म्हणून अर्ज दाखल केला आहे.
दरम्यान, नवाब मलिक यांच्या उमेदवारीबाबत अनेक दिवसांपासून सस्पेंस होता. ते पाच वेळा आमदार आहेत आणि सध्या अणुशक्तीनगर मतदारसंघाचे प्रतिनिधित्व करत आहेत. यावेळी अजित पवार यांच्या राष्ट्रवादीने या जागेवरून नवाब मलिक यांची कन्या सना मलिक यांना तिकीट दिले आहे. या जागेवरून शरद पवार छावणीने बॉलिवूड अभिनेत्री स्वरा भास्करचे पती फहाद अहमद यांना तिकीट दिले आहे.
नवाब मलिक यांच्या विरोधात पीएमएलए खटल्यात वैद्यकीय जामिनावर बाहेर आहेत. ते राष्ट्रवादीच्या तिकीटावर शिवाजी नगर-मानखुर्द मतदारसंघातून सपाचे अबू असीम आझमी यांच्याविरुद्ध निवडणूक लढवण्याची शक्यता आहे.
निवडणूक लढवू इच्छिणारा उमेदवार नामांकन दाखल करताना ‘फॉर्म A’ आणि ‘फॉर्म B’ वापरतो. हे दोन्ही फॉर्म उमेदवाराला निवडणूक प्रक्रियेतील आवश्यक माहिती पुरवतात. फॉर्म A हा राजकीय पक्ष वापरतात जे त्यांच्या उमेदवारांना नामनिर्देशित करण्यासाठी निवडणूक आयोगाला माहिती देतात. या फॉर्ममध्ये राजकीय पक्षाचे नाव, पक्षाचे चिन्ह आणि उमेदवाराचे नाव समाविष्ट आहे. हे सहसा पक्षाच्या अधिकृत प्रतिनिधीद्वारे भरले जाते आणि त्यात पक्ष सदस्यांची संख्या आणि इतर आवश्यक तपशील असतात.
तर उमेदवाराची वैयक्तिक माहिती आणि त्याची पात्रता तपासण्यासाठी फॉर्म B चा वापर केला जातो. त्यात उमेदवाराचे नाव, पत्ता, वय आणि इतर आवश्यक तपशील असतात. यासोबतच कोणत्या पक्षाच्या उमेदवाराला पाठिंबा दिला आहे, हेही दिसून येते. त्यावर उमेदवाराची स्वाक्षरी असते आणि ती निवडणूक आयोगाला सादर केली जाते.
