आतापर्यंत पक्षांचे आता थेट मतदारांचा जाहीरनामा…; खडकवासलामधील जाहीरनामा तुफान व्हायरल

विधानसभा निवडणुकीच्या पार्श्वभूमीवर राज्यातील पक्षांनी जाहीरनामा प्रसिद्ध केला आहे. मात्र सध्या सोशल मीडियावर मतदारांचा जाहीरनामा देखील प्रसिद्ध होत असून व्हायरल होत आहे.

फोटो - सोशल मीडिया

Follow Us:

Follow Us:

पुणे : राज्यामध्ये विधानसभा निवडणुकीच्या पार्श्वभूमीवर राजकारण रंगले आहे. सर्व राजकीय पक्षांकडून जाहीरनामा प्रसिद्ध केला जात आहे. सत्ताधारी महायुतीकडून आत्तापर्यंत केलेल्या विकासकामांचा लेखाजोखा मांडण्यात येत आहे. तसेच पुन्हा एकदा सत्ता आली तर कोणती विकासकामे केली जातील याची माहिती देण्यात येत आहे. भाजप, अजित पवार गट, कॉंग्रेस व उद्धव ठाकरे गटाचा जाहीरनामा प्रसिद्ध करण्यात आलेला आहे. आश्वसानांचा पाऊस या जाहीरनाम्यांमधून पडतो आहे. मात्र सध्या सोशल मीडियावर मतदारांचा जाहीरनामा तुफान व्हायरल होत आहे. यामधून मतदारांच्या आणि सामान्य लोकांच्या अपेक्षा सांगितल्या जात आहेत.

काय आहेत मतदारांच्या मागण्या?

1. खडकवासला चौपाटी विकास : खडकवासला चौपाटीला हजारो पर्यटक दररोज भेट देतात. येथील खाद्यपदार्थांच्या गाड्या, पार्किंग, चौपाटी यावर येथे बरेच काम करावे लागणार आहे. गरज आहे लोकप्रतिनिधींच्या सहकार्याची.
2. CWPRS अतिरिक्त पडीक क्षेत्रः CWPRS केंद्रीय संस्था मोठ्या प्रमाणावर पडीक जमीन ताब्यात ठेऊन आहे. यावर नागरिकांना हक्काचे मैदान, गार्डन उपलब्ध नाही. CWPRS च्या ताब्यातील अधिकच्या जमिनीबाबत लोकप्रतिनिधींनी केंद्रीय स्तरावर सदर प्रस्ताव मंजूर करून घेण्याची गरज आहे. तरी यावर लोकप्रतिनिधींनी जरूर विचार करावा.
3. रिंग रोड : पुणे प्रस्तावित रिंग रोड चे काम जलद्‌गतीने पूर्णत्वास नेणे खूप आवश्यक आहे. तरी यावर आमच्या लोकप्रतिनिधींनी वैयक्तिक लक्ष घालणे आवश्यक आहे.
4. वेल्हे कोंकण मार्ग : वेल्हे रायगड कोंकण मार्ग जलदगतीने पूर्णत्वास न्यावा, यामुळे पुणे मधील पर्यटकांना कोकणमध्ये लवकर पोहोचणे शक्य होईल. तसेच ताम्हिणी मार्गावरील ताणही कमी होईल.

1. PMRDA प्लॅन अंमलबजावणी: 2021 मध्ये PMRDA प्लॅन सादर करण्यात आला असून त्यावर सुनावण्या पूर्ण होऊन तीन वर्षाहून अधिक काळ लोटलाय. परंतु अजूनही तो पूर्णत्वास जाऊ शकलेला नाही. PMRDA प्रशासन, पालिका प्रशासन यांची उदासीनता आणि राजकीय क्षेयवाद यांमुळे आमचा विकास लांबतोय याची एक लोकप्रतिनिधी म्हणून आपल्यास जाणीव असावी.
2. व्यावसायिक सुलभता : जीएसटीचे भूत सध्या व्यापाऱ्यांच्या गळ्यातील फास बनला आहे. जीएसटीमध्ये मोठ्या प्रमाणावर सुधारणा करणे आवश्यक आहे.
3. खेड शिवापूर टोलनाका : पुणे बंगलोर हायवेवरील खेड शिवापूर येथील टोलनाका हलविण्यात यावा. केतकावळे, नारायणपूर, बनेश्वर येथे पर्यटकांना आर्थिक भुर्दंड पडू नये. यासाठी लोकप्रतिनिधी म्हणून आपले प्रयत्न आपण करावे ही विनंती.
4. CGHS हॉस्पिटल केंद्र : खडकवासला भागात IAT, NDA, CWPRS अशा विविध सरकारी संस्था आहेत. त्यामुळे येथील परिसरात शासकीय निवृत्त कर्मचारींची संख्याही अधिक आहे. आपण योग्य तो पाठपुरावा करून सदर CGHS हॉस्पिटल केंद्राचे येथे नियोजन करावे ही विनंती.
5.  लोकप्रतिनिधींची उपलब्धता: लोकप्रतिनिधींनी वेळोवेळी नागरिकांच्या समस्या जाणून घेणे आवश्यक असून त्यासाठी नागरिकांना भेटणे आवश्यक आहे. परंतु सध्या केवळ उदघाटने, वाढदिवस, लग्नसमारंभ यात लोकप्रतिनिधींचा जास्त वेळ वाया जात आहे. तरी हा वेळ आपण वाचवून थेट नागरिकांना भेटनेचे नियोजन करावे ही विनंती.
6. कार्यकर्त्यांची गर्दी : कार्यकर्त्यांची गर्दी ही राजकीय क्षेत्रात टिकून राहायचे असल्यास कुणालाही आवश्यकच आहे. परंतु नागरिकांना भेटताना ही गर्दी दूर ठेवता आली तर बरे.
7. मनपा विना-लोकप्रतिनिधी : मनपाने नवीन गावे २०२२ मध्ये समाविष्ट करून घेतली. तसेच मनपाचा ५ वर्षाचा कार्यकाळ संपून २ वर्षे उलटली. येथील नागरिकांना गेले २ वर्ष स्थानिक पातळीवर कोणीही लोकप्रतिनिधी उपलब्ध नाही ही अतिशय निंदनीय बाब आहे.
8. शासकीय कार्यालयातील कामाबाबत दिरंगाई: शासकीय कामामध्ये होणारी दिरंगाई सर्वज्ञात आहे. याबाबत आपली भूमिका काय शासकीय कार्यालयातील कामांची दिरंगाई यावर आपल्याकडे काय उपाययोजना आहेत.

एक मतदार म्हणून आम्हाला आपल्याकडून याच अपेक्षा आहेत. बारसे, वाढदिवस, लग्न समारंभ, उदघाटन, मैत, दहावे, तेरावे यातील आपल्या उपस्थिती पेक्षा आम्हाला एक लोकप्रतिनिधी म्हणून आपली उपस्थिती आणि कार्यवरील कामांमध्ये अपेक्षित आहे. किंबहुना आपण हेच कार्य करणे साठी आपला बहुमूल्य वेळ ‌द्यावा हि मतदाराचीसुद्धा अपेक्षा आहे. आम्हाला नुसताच चमकणारा लोकप्रतिनिधी नको असून मतदारांचे दैनंदिन जीवन सुकर करण्यासाठी चमकणारा लोकप्रतिनिधी हवा आहे याची सर्व भावी लोकप्रतिनिधींनी नोंद घ्यावी हि विनंती, असे थेट मतदारांच्या जाहीरनाम्यामध्ये लिहिण्यात आले आहे.

Web Title: Manifesto of voters of khadakwasla assembly constituency published

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com