मंगळवार, 3 नोव्हेंबर 2026
( फोटो सौजन्य- सोशल मिडिया)
Kantara SIIMA Awards: होम्बले फिल्म्सच्या बहुचर्चित ‘कांतारा’ चित्रपटाने साऊथ इंडियन इंटरनॅशनल मूव्ही अवॉर्ड्स (SIIMA)मध्ये दमदार कामगिरी करत तब्बल 9 पुरस्कारांवर आपले नाव कोरले आहे. सर्वोत्कृष्ट चित्रपट, सर्वोत्कृष्ट दिग्दर्शक, सर्वोत्कृष्ट अभिनेता, सर्वोत्कृष्ट अभिनेत्री, सर्वोत्कृष्ट सिनेमॅटोग्राफर, सर्वोत्कृष्ट संगीत आणि सर्वोत्कृष्ट गीतलेखन यांसह विविध विभागांमध्ये चित्रपटाला पुरस्कार मिळाले.
‘कांतारा’च्या या यशामुळे होम्बले फिल्म्सच्या शिरपेचात आणखी एक मानाचा तुरा रोवला गेला आहे. भारतीय सिनेमाच्या विश्वात दमदार कथा आणि भव्य निर्मितीसाठी ओळख निर्माण करणाऱ्या या प्रॉडक्शन हाऊसने यापूर्वीही अनेक लोकप्रिय चित्रपट प्रेक्षकांसमोर आणले आहेत.
SIIMA पुरस्कार सोहळ्यात ‘कांतारा’ने विविध श्रेणींमध्ये आपली छाप पाडली. चित्रपटाच्या कथानकासोबतच दिग्दर्शन, अभिनय, सिनेमॅटोग्राफी, संगीत आणि गीतलेखनासाठीही गौरव करण्यात आला. त्यामुळे ‘कांतारा’च्या टीमसाठी हा सन्मान विशेष महत्त्वाचा ठरला आहे.
होम्बले फिल्म्सच्या आगामी आणि यापूर्वीच्या चित्रपटांमध्ये ‘KGF’ फ्रँचायझी, ‘कांतारा’, ‘सालार’ फ्रँचायझी आणि ‘महावतार नरसिम्हा’ यांचा समावेश आहे. पॅन-इंडिया स्तरावर विविध भाषांमध्ये चित्रपट प्रदर्शित करत या निर्मिती संस्थेने आपला विस्तार केला आहे.
दरम्यान, होम्बले फिल्म्सचा ‘हनुमान अंश’ हा चित्रपट आंतरराष्ट्रीय स्तरावर प्रदर्शित केला जात आहे. त्यामुळे भारतीय कथा जागतिक प्रेक्षकांपर्यंत पोहोचवण्याच्या दिशेने हा प्रोजेक्ट महत्त्वाचा ठरत आहे.
याशिवाय होम्बले फिल्म्सने ‘महावतार नरसिम्हा’ या अॅनिमेटेड चित्रपटाच्या माध्यमातून भारतीय संस्कृती आणि पौराणिक कथांना अॅनिमेशनच्या माध्यमातून मोठ्या पडद्यावर मांडले आहे. भारतीय अॅनिमेशनला व्यापक प्रेक्षकवर्ग मिळवून देण्याच्या दृष्टीनेही या चित्रपटाची चर्चा झाली.
Sai Tamhankar Adkitta: अडकित्ता’मधील मंगलच्या भूमिकेबद्दल सई ताम्हणकरने सांगितला खास अनुभव
आगामी काळात होम्बले फिल्म्सचे अनेक महत्त्वाकांक्षी प्रोजेक्ट्स प्रेक्षकांच्या भेटीला येणार आहेत. यामध्ये ‘सालार: पार्ट 2 – शौर्यांग पर्व’, ‘महावतार परशुराम’, ‘सूर्या 48’, ‘येतो का नाय’ यांचा समावेश आहे. तसेच अभिनेता ऋतिक रोशनसोबतच्या आगामी कोलॅबोरेशनचीही उत्सुकता आहे.
‘कांतारा’च्या SIIMAमधील 9 पुरस्कारांमुळे होम्बले फिल्म्सच्या यशस्वी प्रवासात आणखी एका उल्लेखनीय अध्यायाची भर पडली आहे.
Flight Turbulence: फ्लाइटमध्ये नेमकं काय घडलं? थरथर कापू लागली ‘अभिनेत्री’; देवाचा जप करत म्हणाली,…
