शुक्रवार, 30 ऑक्टोबर 2026
Deool band 2 OTT: बॉक्स ऑफिस गाजवल्यानंतर (फोटो सौजन्य- सोशलमीडिया)
Deool Band 2 OTT Release: प्रवीण तरडे म्हटलं की विषयच संपला. त्याच्या ‘देऊळ बंद 2’ ने थिएटरमध्ये अक्षरशः धुमाकूळ घातला होता. 100 कोटीचा आकडा पार केला आणि आता हा सिनेमा तुमच्या मोबाईलवर येणार आहे .’देऊळ बंद 2′ आता Amazon Prime Video वर आज रात्री 12 नंतर येणार आहे. ज्यांनी थिएटरमध्ये बघितला नसेल त्यांच्यासाठी एकदम पर्वणीच आहे.
21 मे ला हा सिनेमा रिलीज झाला होता. चित्रपट प्रदर्शित झाल्यानंतर महाराष्ट्रातच नाही तर बाहेर पण लोकांनी डोक्यावर घेतला. 50 दिवसापेक्षा जास्त काळ थिएटर हाऊसफुल्ल होते. रात्रीचा शेवटच्या शो पासून ते सकाळच्या पहिल्या शो पर्यंत चित्रपटगृहाच्या पाठीवर हाऊसफुलचे बोर्ड लागत होते. असे मराठी सिनेमाबाबत खूप कमीवेळा घडतं. या सिनेमाने 100 कोटीपेक्षा जास्त कमाई करून इतिहास रचला आहे. Deool band 2 OTT:
सिनेमा OTT वर येणार असल्याची प्रवीण तरडेंनी स्वतः इंस्टावर पोस्ट टाकली. पोस्टमध्ये लिहितात की, “आपला ‘देऊळ बंद 2’ आता Amazon Prime वर बघता येणार आहे. ज्यांनी अजून बघितला नाही त्यांनी नक्की बघा. आणि ज्यांनी बघितलाय त्यांनी परत बघा, कारण हा सिनेमा कितीही वेळा बघितला तरी मन भरत नाही आणि डोळ्यातलं पाणी थांबत नाही.”त्याच्या या पोस्टवर लगेच हजारो लाईक्स आणि कमेंट आल्या आहेत.
View this post on Instagram
हा सिनेमा आहे 2015 च्या ‘देऊळ बंद’ चा दुसरा भाग आहे. या दुसऱ्या भागात शेतकऱ्यांचे प्रश्न, त्यांचं दुःख आणि स्वामी समर्थांवर असलेली श्रद्धा हे सगळं दाखवलंय. श्रद्धा आणि अंधश्रद्धा यातली लढाई अगदी बरोबर पद्धतीने मांडली आहे. त्यामुळेच लोकांना हा सिनेमा आपलासा वाटला. सिनेमात स्टारकास्ट पण एकदम तगडी आहे. प्रवीण तरडे स्वतः आहेच, सोबत मोहन जोशी, प्रसाद ओक, महेश मांजरेकर, संस्कृती बालगुडे, स्नेहल तरडे, मंगेश देसाई, ओम भुतकर, सविता मालपेकर, सुनील अभ्यंकर आणि अजून बरेच मोठे कलाकार आहेत. सगळ्यांनीच काम एक नंबर केलं आहे. ज्यांना थिएटरमध्ये गर्दीमुळे बघता आला नाही, किंवा ज्यांना परत एकदा कुटुंबासोबत बघायचाय, त्यांनी आता Prime Video वर नक्की बघा. एकदा बघितल्यावर तुम्ही पण म्हणाल, हा फक्त सिनेमा नाही, आपल्या मातीतली गोष्ट आहे.
