Vijay Rupani Breaking: लंडनला का चालले होते गुजरातचे माजी मुख्यमंत्री? शेजाऱ्यांनी दिलेले कारण वाचून कराल हळहळ व्यक्त

विजय रूपाणी हे भाजपचे ज्येष्ठ नेते आणि गुजरातचे माजी मुख्यमंत्री आहेत. विजय रूपाणी हे अहमदाबादवरून लंडनला चालले होते. याबाबतची माहिती समोर आली आहे.

विजय रूपाणी का चालले होते लंडनला? (फोटो- ani)

Follow Us:

Follow Us:

अहमदाबाद: अहमदाबादवरून लंडनला जाणाऱ्या प्रवासी विमानाचा अपघात झाला आहे. एअर इंडियाचे हे प्रवासी विमान अहमदाबादच्या मेघानीनगर परिसरात कोसळले आहे. यामधून 242 प्रवासी आणि 12 क्रू मेंबर्स प्रवास करत होते. यामध्ये 2 मराठी क्रू मेंबर्सचा समावेश असल्याचे समजते आहे. मात्र या विमानातून गुजरातचे माजी मुख्यमंत्री विजय रूपाणी हे देखील प्रवास करत असल्याचे समजते आहे.

विजय रूपाणी हे भाजपचे ज्येष्ठ नेते आणि गुजरातचे माजी मुख्यमंत्री आहेत. विजय रूपाणी हे अहमदाबादवरून लंडनला चालले होते. याबाबतची माहिती समोर आली आहे. विजय रूपाणी हे यामध्ये गंभीररित्या जखमी झाले असल्याचे समजते आहे. विजय रूपाणी हे लंडनला का चालले होते याचे कारण देखील समोर आले आहे. याबाबतची माहिती रुपणी यांच्या शेजऱ्यांनी दिली आहे.

विजय रूपाणी का चालले होते लंडनला?

गुजरातचे मुख्यमंत्री विजय रूपाणी हे अहमदाबादवरून लंडनला चालले होते. विजय रूपाणी यांची पत्नी लंडनला असल्याचे समजते आहे. विजय रूपाणी हे आपल्या पत्नीला लंडनवरून आणण्यासाठी चालले होते. विजय रूपाणी यांची पत्नी गेल्या काही महिन्यांपासून लंडनमध्ये असल्याचे समजते आहे. पत्नीला आणण्यासाठी रूपाणी चालले होते. ते ज्या विमानाने लंडनला चालले होते, असा अंदाज व्यक्त केला जात आहे. विजय रूपाणी हे सीट नंबर ‘2 डी’ वर बसले होते असे सांगितले जात आहे. मात्र याबाबत खात्रीशीर माहिती समोर आलेली नाही.

Ahmedabad Plane Crash : नागरी उड्डाण मंत्रालयाच्या वरिष्ठ अधिकाऱ्यांची बैठक; मुरलीधर मोहोळ यांनी दिली महत्त्वपूर्ण माहिती

अहमदाबाद विमान दुर्घटनेत सर्व 242 प्रवाशांचा मृत्यू

अहमदाबाद येथे एअर इंडियाचे विमान कोसळले आहे. हे प्रवासी विमान मेघानीनगर या रहिवाशी परिसरात कोसळले आहे. या विमानातून प्रवास करणाऱ्या सर्व 242 प्रवाशांचा मृत्यू झाल्याची माहिती समोर येत आहे. अहमदाबादच्या पोलिस आयुक्तांनी याबाबतची माहिती एका वृत्तसंस्थेला दिली आहे. सर्वच्या सर्व प्रवासी यांच्या मृत्यू झाला आहे.

आज दुपारच्या सुमारास अहमदाबाद वरून लंडनला जाणारे विमान हे मेघानीनगर भागात कोसळले. अहमदाबादच्या बीजे मेडिकल कॉलेजच्या हॉस्टेलवर कोसळले. यामध्ये 15 डॉक्टर देखील जखमी झाले आहेत. दरम्यान अहमदाबादच्या पोलिस आयुक्त यांनी एका वृत्तसंस्थेला दिलेल्या माहितीनुसार, या विमानातील प्रवास करणारे सर्व प्रवाशी मृत्युमुखी पडले आहेत.

Ahmedabad Plane Crash: हृदयद्रावक! अहमदाबाद विमान दुर्घटनेत सर्व 242 प्रवाशांचा मृत्यू

मुरलीधर मोहोळ यांनी दिली महत्त्वपूर्ण माहिती

मुरलीधर मोहोळ यांनी माध्यमांशी संवाद साधून सामान्य नागरिकांना आवाहन देखील केले आहे. सहकार आणि नागरी विमान वाहतूक राज्यमंत्री मुरलीधर मोहोळ म्हणाले की, काही वेळापूर्वी दुपारच्या सुमारास विमान अपघाताची दुर्दैवी घटना घडली. एअर इंडियाचे 171 हे अहमदाबादहून लंडनला जायला निघालेले विमान कोसळले. अपघात झालेल्या ठिकाणी युद्धपातळीवर बचावकार्य सुरु आहे. आमच्या मंत्रालयामध्ये देखील वरिष्ठ अधिकाऱ्यांची बैठक झाली आहे. गृहमंत्री अमित शाह आणि मंत्री राममोहन नायडू तिथे पोहचले आहेत. मी पण तिथेच जात आहे. जे लोक तिथे अडकले आहेत किंवा जखमी आहेत त्यांना तातडीने बाहेर काढून मदत करणे हीच आमची प्राथमिकता आहे, असे मत खासदार व राज्यमंत्री मुरलीधर मोहोळ यांनी व्यक्त केले आहे.

Web Title: Ahmedabad plane crash gujarat former cm vijay rupani travel air india flight know the reason

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com