Top Marathi News Today : स्थानिक स्वराज्य संस्थांच्या निवडणुका पुन्हा लांबणीवर
Marathi Breaking News Updates : आफ्रिकन देशांत दोन मोठ्या दुर्घटना घडल्या. एक नायजेरियात तर दुसरी घटना इथिओपियामध्ये घडली. नायजेरियात पेट्रोल घेऊन जाणाऱ्या ट्रकचा मोठा स्फोट झाला. यामध्ये 31 जणांचा मृत्यू झाला तर पूर्व इथिओपियामध्ये दोन रेल्वेगाड्यांची एकमेकांना जोरदार धडक होऊन अपघात झाला. यामध्ये 14 जणांचा मृत्यू झाल्याची माहिती सध्या दिली जात आहे.
पूर्व इथिओपियामध्ये सोमवारी रात्री एका ट्रेनची थांबलेल्या दुसऱ्या ट्रेनशी धडक झाली, ज्यामध्ये किमान 14 जण ठार झाले आणि डझनभर जखमी झाले. व्यापारी आणि त्यांचा माल घेऊन जाणारी ट्रेन जिबूती सीमेजवळील देवाले शहरातून परतत असताना डायर डाव शहराजवळ हा अपघात झाला. अपघातानंतर जखमींना मदत पोहोचण्यास उशीर झाल्याचे आता सांगण्यात येत आहे. या घटनेची माहिती मिळताच स्थानिकांनी अपघातग्रस्तांना डब्यातून बाहेर काढण्याचा प्रयत्न केला.
दुसऱ्या एका अपघातात, मंगळवारी नायजर राज्यातील बिदा प्रदेशात पेट्रोल वाहून नेणाऱ्या टँकर ट्रकचा स्फोट झाला, ज्यामध्ये 31 जणांचा मृत्यू झाला असून, १७ जण जखमी झाले आहेत. टँकर पटली झाल्यानंतर स्थानिक लोक सांडलेले इंधन गोळा करण्यासाठी धावले तेव्हा स्फोट झाला. यामध्ये जखमींना जवळच्या रुग्णालयात दाखल करण्यात आले आहे.
22 Oct 2025 05:48 PM (IST)
आर्थर रोड तुरुंगातील बॅरेक क्रमांक १२ चे फोटो अतिशय सुंदर टाइल केलेल्या फरशी, चमकदार रंगाच्या आणि चांगल्या प्रकारे सजवलेल्या भिंती दर्शवतात. येथील स्वच्छतागृहे इतकी स्वच्छ आहेत की, सामान्य लोक त्यांच्या स्वतःच्या घरातही अशी स्वच्छता राखू शकत नाहीत, असे वाटेल. फरार हिरे व्यापारी मेहुल चोक्सीच्या (Mehul Choksi) प्रत्यार्पणानंतर त्याला याच तुरुंगात ठेवण्यात येणार आहे.
22 Oct 2025 05:25 PM (IST)
उत्तर प्रदेशमधील कुशीनगरमधून एक भयानक घटना समोर आली आहे. येथे ३ वर्षांच्या मुलीवर बलात्कार करण्यात आला. हा गुन्हा दुसऱ्या कोणी नसून तिच्याच काकांनी केला आहे. पोलिसांनी आता या प्रकरणाचा तपास सुरू केला आहे. ही घटना खड्डा जिल्ह्यात घडली. ३५ वर्षीय काकांनी तीन वर्षांच्या मुलीवर बलात्कार केला. त्यानंतर तो तिला वेदनेत सोडून पळून गेला. मुलीच्या आईला हे कळताच तिने पोलीस ठाण्यात तक्रार दाखल केली. मुलीला रुग्णालयात दाखल करण्यात आले.
22 Oct 2025 05:18 PM (IST)
मागील दोन दिवसांपासून अवकाळी पावसाने सिंधुदुर्ग जिल्ह्यात धुमाकूळ घातल्याने भातशेती संकटात आली आहे. भातशेती पाण्यात गेली असून कापणी करून ठेवलेले भातही भिजून गेले आहे. सध्या भातकापणी जवळपास ३० ते ४० टक्के झाली असून बाकी आहे. जर आणखी पाऊस झाल्यास शेतीचे मोठे नुकसान होण्याची शक्यता आहे.
22 Oct 2025 04:58 PM (IST)
बॉलीवूड आणि टीव्ही इंडस्ट्रीत दिवाळीचा जल्लोष मोठ्या थाटात साजरा करण्यात आला. अनेक स्टार्स विविध पार्टींमध्ये सहभागी झाले, तर काहींनी घरी पूजा करून दिवाळी साजरी केली. मात्र या उत्साहाच्या दरम्यान, छोट्या पडद्यावरील एका अभिनेत्रीसोबत मोठा अपघात होण्याची घटना घडली.
22 Oct 2025 04:50 PM (IST)
Mahesh Kothare Modibhakta: मुंबई : केंद्रात तिसरी टर्म सरकार चालवणारे देशाचे पंतप्रधान नरेंद्र मोदी यांचा चाहता वर्ग मोठा आहे. आंतरराष्ट्रीय स्तरावर देखील नरेंद्र मोदी यांची लोकप्रिय नेते म्हणून ओळख आहे. त्याचबरोबर देशामध्ये देखील अनेक नामांकित व्यक्ती, बिझनेसमॅन आणि कलाकार हे मोदी सरकारचे चाहते आहेत.
22 Oct 2025 04:40 PM (IST)
बॉलीवूडचे दिग्गज कॉमेडियन आणि अभिनेते गोवर्धन असरानी, ज्यांना प्रेमाने 'असरानी' म्हटले जाते, त्यांनी या जगाचा निरोप घेतला. दिवाळीच्या दुपारी त्यांनी वयाच्या ८४ व्या वर्षी अखेरचा श्वास घेतला. मुंबईतील भारतीय आरोग्य निधी रुग्णालयात त्यांच्यावर उपचार सुरू होते.
22 Oct 2025 04:25 PM (IST)
भारत आणि ऑस्ट्रेलिया यांच्यात तीन एकदिवसीय सामन्यांची मालिका खेळवली जात आहे. या मालिकेत अष्टपैलू हार्दिक पंड्याचा समावेश नाही. कारण अष्टपैलू हार्दिक पंड्या आशिया कप दरम्यान दुखापतग्रस्त झाला होता, ज्यामुळे तो पाकिस्तानविरुद्धच्या अंतिम सामन्यात त्याला खेळता आले नाही.
22 Oct 2025 04:18 PM (IST)
Shama Mohammad on Gautam Gambhir: काँग्रेसच्या प्रवक्त्या शमा मोहम्मद यांनी टीम इंडियाचे प्रशिक्षक गौतम गंभीर (Gautam Gambhir) यांच्यावर निशाणा साधत क्रिकेट वर्तुळात नवा वाद निर्माण केला आहे. त्यांनी भारतीय संघात युवा फलंदाज सरफराज खानच्या (Sarfaraz Khan) निवडीकडे सातत्याने दुर्लक्ष होत असल्याकडे लक्ष वेधले आहे.
22 Oct 2025 03:15 PM (IST)
सोशल मीडिया कंपनी Meta ने त्यांच्या तरूण युजर्सच्या सुरक्षेसाठी एक महत्त्वाचा निर्णय घेतला आहे. कंपनीने त्यांच्या प्लॅटफॉर्म्ससाठी नवीन पॅरेंटल कंट्रोल फीचर्स सादर केलं आहे. कंपनीने सादर केलेल्या या नवीन फीचरअंतर्गत आता पालक त्यांच्या मुलांच्या अकाऊंटवर नजर ठेऊ शकणार आहेत. पालक आता AI चॅटबॉट्स वापरून मुलांचे खाजगी चॅट्स बंद करू शकणार आहेत. हा निर्णय अशावेळी घेण्यात आला आहे की, जेव्हा कंपनीवर मुलांच्या सुरक्षेबाबत अनेक प्रश्न उपस्थित करण्यात आले आहेत.
22 Oct 2025 02:55 PM (IST)
तुम्ही देखील GTA 6 ची अगदी आतुरतेने वाट बघत असाल तर तुमच्यासाठी एक आनंदाची बातमी आहे. आता तुमची प्रतिक्षा संपणार आहे. कारण लवकरच GTA 6 लाँच केला जाणार आहे. गेमर्स गेल्या अनेक महिन्यांपासून ज्या क्षणाची वाट बघत होते, तो क्षण आता लवकरच येणार आहे. येत्या काही महिन्यांतच बहुप्रतीक्षित गेम GTA 6 लाँच केला जाणार आहे. या गेमच्या आगामी लाँचिंगबाबत इंटरनेटवर अनेक अपडेट शेअर केले जात आहेत. या अपडेट्समुळे गेमिंग वर्ल्डमध्ये आतुरता निर्माण झाली आहे. या गेमच्या किंमतीपासून, गेमप्ले, कॅरेक्टर्स आणि एडिशनपर्यंत बरीच माहिती सोशल मीडियावर शेअर करण्यात आली आहे. चला तर मग आता ही माहिती जाणून घेण्याची वेळ आली आहे.
22 Oct 2025 02:50 PM (IST)
सर्वत्र दिवाळी उत्साह दिसून येत असून आनंदासा भरते आले आहे. मात्र राजकीय वर्तुळामध्ये टीकांची लाखोली वाहिली जात आहे. दिवाळीच्या उत्सवामध्ये राजकीय फटाकेही फुटताना दिसत आहेत. रवी राणा आणि माजी आमदार बच्चू कडू यांच्या कलगीतुरा रंगताना दिसून येत आहे. रवी राणा यांनी कडूंवर विधान परिषदेची आमदारकी मिळवण्यासाठी प्रयत्न करत असल्याचा आरोप केला आहे. तर बच्चू कडू यांनी देखील प्रत्युत्तर दिले आहे. त्यामुळे अमरावतीमध्ये राजकीय वातावरण तापले आहे.
22 Oct 2025 02:40 PM (IST)
एक मोठी बातमी समोर आली आहे. भारताने अफगाणिस्तानची (Afghanistan) राजधानी काबूल येथील दुतावास पुन्हा सुरु केला आहे. हा निर्णय भारत आणि तालिबान (Taliban) संबंधासाठी नवा टप्पा मानला जात आहे. गेल्या काही वर्षांपासून भारत अफगाणिस्तानमध्ये तांत्रिक मिश राबवत होते, आता याला अधिकृत दूतावासाचा दर्जा देण्यात आला हे. भारताच्या परराष्ट्र मंत्रालयाने याची माहिती दिली.
22 Oct 2025 02:35 PM (IST)
हिंदू संस्कृतीतील सर्वात मोठा आणि महत्वाचा सण म्हणजे दिवाळी. या दिवसात आपण आपल्या प्रियजनांना भेटतो, त्यांच्यासोबत वेळ घालवतो आणि त्यांना भेटवस्तू सुद्धा देतो. दिवाळीत प्रत्येक घर आकर्षक रोषणाईने झगमगून जाते. तसेच या सणात विविध सांस्कृतिक कार्यक्रमाचे आयोजन देखील होते. दिवाळीला जसे धार्मिक महत्व आहे तसेच सामाजिक महत्व सुद्धा आहे.
22 Oct 2025 02:30 PM (IST)
केरळमधील पथनमथिट्टा इथं राष्ट्रपती द्रौपदी मुर्मू यांचे हेलिकॉप्टर उतरवण्या आले. अचानक हेलिपॅडचा एक भाग कोसळला अन् काही वेळातच सुरक्षा यंत्रणांमध्ये घबराट पसरली.राष्ट्रपती द्रौपदी मुर्मू यांच्या केरळ दौऱ्यादरम्यान एक मोठी दुर्घटना टळली. राष्ट्रपतींना घेऊन जाणारे हेलिकॉप्टर प्रमादोम स्टेडियमवर उतरताच डांबरी भागाचा एक भाग कोसळला आणि खड्डा निर्माण झाला. पोलीस आणि अग्निशमन विभागाचे कर्मचारी तात्काळ घटनास्थळी पोहोचले आणि हेलिकॉप्टर कोसळलेल्या भागातून बाहेर काढले. राष्ट्रपती मुर्मू आता राजभवनातून रस्त्याने सबरीमाला मंदिराचे दर्शन घेण्यासाठी निघाले आहेत.
22 Oct 2025 02:25 PM (IST)
आगामी मुंबई महानगरपालिकेच्या (BMC) निवडणुकीत काँग्रेस पक्ष हा ठाकरे बंधूंसोबत एकत्र लढणार नाही, असे महत्त्वपूर्ण वक्तव्य काँग्रेसचे वरिष्ठ नेते भाई जगताप यांनी केले आहे.भाई जगताप हे अनेक वर्षांपासून काँग्रेसचे निष्ठावंत नेते म्हणून ओळखले जातात. ते मुंबई काँग्रेसचे अध्यक्ष राहिले असून पक्षातील कार्यकर्त्यांमध्ये त्यांचा मोठा प्रभाव आहे. त्यामुळे त्यांच्या या वक्तव्याला राजकीयदृष्ट्या विशेष महत्त्व प्राप्त झाले आहे. मुंबईतील राजकारणात काँग्रेस, शिवसेना (उद्धव बाळासाहेब ठाकरे) आणि इतर महाविकास आघाडीच्या पक्षांमधील समीकरणांवर या घोषणेचा परिणाम होण्याची शक्यता वर्तवली जात आहे.
22 Oct 2025 02:20 PM (IST)
दीपावली सणाच्या निमित्ताने संपूर्ण देशामध्ये उत्साहाचे वातावरण आहे. उत्तर प्रदेशमध्ये देखील मोठ्या उत्साहात दीपोत्सव साजरा करण्यात आला. यानंतर मुख्यमंत्री योगी आदित्यनाथ हे राष्ट्रीय स्वयंसेवक संघाच्या कार्यक्रमामध्ये सहभागी झाले होते. यावेळी त्यांनी केलेल्य विधानाची सर्वत्र जोरदार चर्चा आहे. योगी आदित्यनाथ यांनी छत्रपती शिवाजी महाराजांच्या नावाचा देखील उल्लेख केला. त्याचबरोबर राजकीय इस्लामाचा उल्लेख करत विधान केले. यावरुन राजकीय वर्तुळामध्ये जोरदार चर्चांना उधाण आले आहे.
22 Oct 2025 02:15 PM (IST)
गेल्या वर्षी मर्यादित बाजारातील वाढ असूनही, संवत २०८२ मध्ये इक्विटी गुंतवणूकदारांना १० ते १५ टक्के इतका चांगला परतावा मिळू शकतो. गेल्या वर्षीच्या उच्चांकापेक्षा मूल्यांकनात किंचित घट झाली असली तरी, ते अजूनही दीर्घकालीन सरासरीपेक्षा जास्त आहेत, ज्यामुळे लक्षणीय नफ्याची शक्यता मर्यादित आहे. विश्लेषकांचा असा विश्वास आहे की येत्या काही महिन्यांतील बाजारातील हालचाली कॉर्पोरेट कमाई, जीडीपी वाढ आणि परकीय गुंतवणूक (एफपीआय) च्या प्रवाहाच्या गतीवर अवलंबून असतील.
22 Oct 2025 02:00 PM (IST)
स्टार प्लसवरील हिट शो ‘क्योंकि सास भी कभी बहू थी 2’ सध्या टीव्हीच्या दुनियेत जबरदस्त गाजत आहे. तुलसी आणि मिहिर यांची केमिस्ट्री प्रेक्षकांच्या मनात घर करत आहे. या शोची कथा, त्यातील रोमांचक वळणं आणि भावनिक क्षण यांमुळे प्रेक्षक सातत्याने जोडले गेले आहेत.शोमध्ये अनेक नवीन पात्रांची दमदार एन्ट्री झालेली आहे आणि आता तर आणखी एक मोठी बातमी समोर येत आहे. आगामी एपिसोडमध्ये २ हॉलीवुड कलाकार या मालिकेत एन्ट्री घेणार आहेत! या आंतरराष्ट्रीय कलाकारांच्या सहभागामुळे या शोला केवळ भारतातच नव्हे, तर जगभरात लोकप्रियता मिळण्याची शक्यता आहे.
22 Oct 2025 01:55 PM (IST)
३१ मार्च १९९७ रोजी बिहारमधील सिवान येथील एक रस्ता रक्ताने माखला होता. कारण जेएनयूचे माजी विद्यार्थी नेते आणि सीपीआय (एमएल) कार्यकर्ते चंद्रशेखर प्रसाद उर्फ चंदू यांची दिवसाढवळ्या हत्या करण्यात आली. ही केवळ एक हत्या नव्हती तर गुन्हेगारी आणि राजकारण यांच्यातील काळ्या संगतीचा क्रूर चेहरा होता.
22 Oct 2025 01:45 PM (IST)
भाजपचे राष्ट्रीय प्रवक्ते आणि माजी आमदार आर.पी. सिंह यांनी दिल्लीच्या मुख्यमंत्री रेखा गुप्ता यांची भेट घेऊन एक महत्त्वाचा मुद्दा उपस्थित केला. मुख्यमंत्र्यांना पत्र लिहून १९९३ च्या दिल्ली बॉम्बस्फोटातील दोषी दविंदर पाल सिंग भुल्लर याच्या प्रकरणाचा पुनर्विचार करण्याची मागणी केली आहे.
22 Oct 2025 01:35 PM (IST)
संपूर्ण देशामध्ये दीपावली सणाचा मोठा उत्साह आहे. दिवाळीच्या निमित्ताने राजधानी दिल्लीसह देशातील कानाकोपऱ्यामध्ये आतिषबाजी केली जात आहे. फटाके फोडत दिवाळी साजरी केली जात असली तरी यामुळे हवेची गुणवत्ता कमी होत आहे. राजधानी दिल्लीमध्ये ग्रीन फटाके फोडण्याची फक्त परवानगी असताना देखील एका रात्रीमध्ये प्रदुषणाचा उच्चांक गाठला. दिल्ली शहराने मागील चार वर्षांचा प्रदुषणाचा रेकॉर्ड मोडला आहे. यामुळे दिल्लीकरांचा श्वास कोंडला असून हवा प्रदुषित झाली आहे.
22 Oct 2025 01:25 PM (IST)
शिल्पा शेट्टी आणि तिचा पती राज कुंद्रा हे एका फसवणुकीच्या प्रकरणात अडकले आहेत, ज्यात त्यांनी जुहू येथील एका व्यावसायिकाला ₹60.48 कोटी (US$1.2 दशलक्ष) फसवल्याचा आरोप केला आहे. हा खटला न्यायालयात सुरू आहे. या प्रकरणात अडकल्यानंतर काही वेळातच, बॉलिवूड अभिनेत्री शिल्पा शेट्टीने चाहत्यांना माहिती दिली की तिने आर्थिक अडचणींमुळे मुंबईतील वांद्रे येथील तिचे “बास्टियन” रेस्टॉरंट बंद केले आहे. ही आश्चर्यकारक बातमी होती, कारण ते केवळ सामान्य लोकांमध्येच नाही तर उच्चभ्रू लोकांमध्येही आवडते बनले होते. मात्र असे काहीच झाले नाही तर बास्टियनमध्ये आता बुकिंग कसे सुरू करता येणार यासाठी ती एक PR स्ट्रॅटेजी होती.
22 Oct 2025 01:05 PM (IST)
Diwali Celebration at White House : वॉशिंग्टन : सध्या संपूर्ण भारतात दिवाळीचा आनंद पाहायला मिळत आहे. पण केवळ भारतातच नाही तर परदेशातही दिवाळीची धूम पाहायला मिळत आहे. अमेरिकेच्या व्हाईट हाऊसमध्ये दिवाळीचा उत्सव साजरा करण्यात आला आहे. अगदी पारंपारिक पद्धातीने दिवा प्रज्वलित करुन भारतीयांना अमेरिकेच्या राष्ट्राध्यक्ष डोनाल्ड ट्रम्प (Donald Trump) यांनी शुभेच्छा दिल्या आहे. या प्रसंगी त्यांनी भारताचे पंतप्रधान नरेंद्र मोदी (Narendra Modi) यांच्याशी फोनवरुन संपर्क साधल्याचे आणि व्यापारासह विविध विषयांवर चर्चा केल्याचा दावा केला आहे.
22 Oct 2025 12:55 PM (IST)
राज्यातील सर्व शाळांमधील विद्यार्थ्यांची आधारकार्डच्या आधारे नोंदणी करण्यात येत आहे. विद्यार्थ्यांकडे आधार कार्ड नसल्याने राज्यातील 4 लाख 98 हजार 759 विद्यार्थी शाळाबाह्य ठरली. तर आधारकार्ड वैधतेविना 5 लाख 78 हजार 433 विद्यार्थी शाळाबाह्य ठरण्याचा धोका निर्माण झाला आहे. यामुळे राज्यातील 10 लाख 77 हजार 192 विद्यार्थी शाळेत असूनही पटसंख्येवरून गायब होणार असून, त्यांच्यावर शाळाबाह्य ठरण्याचा ठपका बसणार आहे.
22 Oct 2025 12:45 PM (IST)
मुंबई महापालिकेतील 156 अभियंत्यांच्या बदलीत अनियमितता झाल्याचा आरोप शिवसेना उद्धव बाळासाहेब ठाकरे सेना पक्षाने आरोप केला आहे. या प्रकरणी विशेष पथक स्थापन करून चौकशी करावी, अशी मागणी मुख्यमंत्री देवेंद्र फडणवीस यांच्याकडे पत्राद्वारे केली आहे. दरम्यान, मुंबई महापालिकेत 677अभियंत्यांची पदे रिक्त आहेत.
22 Oct 2025 12:35 PM (IST)
छठपूजेनिमित्ताने मुंबई, पुण्यावरून उत्तर आणि पूर्व भारतात जाण्यासाठी मोठ्या संख्येने प्रवासी निघाले आहे. प्रवाशांची गर्दी लक्षात घेऊन मध्य रेल्वेनं 1,998 गाड्यांचे नियोजन केलं आहे. दिवाळी-छठ पुजेनिमित्ताने भारतीय रेल्वेने 12,011 विशेष रेल्वेगाड्या चालवत आहेत.
22 Oct 2025 12:25 PM (IST)
नव्या राष्ट्रीय शैक्षणिक धोरणानुसार शिक्षकांच्या कार्याबाबत सरकारकडून कोणतीही मार्गदर्शक तत्त्वे जाहीर करण्यात आलेली नाही. तसेच नव्या अभ्यासक्रम रचनेमुळे काही विषयांमधील विद्यार्थ्यांची संख्या मागील तीन वर्षात कमी झाली आहे. यामुळे मुंबईसह राज्यातील विविध महाविद्यालयांमधील अनेक प्राध्यापक अतिरीक्त ठरण्याची शक्यता वर्तवली आहे.
22 Oct 2025 12:20 PM (IST)
केरळमधील पथनमथिट्टा इथं राष्ट्रपती द्रौपदी मुर्मू यांचे हेलिकॉप्टर उतरणार आज बुधवारी सकाळी गोंधळ उडाला. अचानक हेलिपॅडचा एक भाग कोसळला अन् काही वेळातच सुरक्षा यंत्रणांमध्ये घबराट पसरली. राष्ट्रपती शबरीमला इथल्या भगवान अय्यप्पा मंदिराचे दर्शन घेण्यासाठी भारतीय हवाई दलाच्या हेलिकॉप्टरमधून जात होत्या. सुदैवानं, एक मोठी दुर्घटना टळली आणि सर्वजण सुरक्षित आहेत.
22 Oct 2025 12:00 PM (IST)
नागपूरमध्ये दिवाळी साजरी करत असताना, सोमवारी रात्री गजबजलेल्या आठ रास्ता चौकात असलेल्या रिलायन्स स्मार्ट स्टोअरमध्ये अचानक भीषण आग लागली. काही मिनिटांतच आगीने संपूर्ण स्टोअरला वेढले, ज्यामुळे आजूबाजूच्या परिसरात घबराट पसरली. स्थानिक रहिवाशांनी दुकानातून धूर निघताना पाहिले आणि त्यांनी तात्काळ अग्निशमन विभाग आणि पोलिसांना माहिती दिली. या माहिती मिळताच, अग्निशमन दलाच्या आठ हून अधिक गाड्या घटनास्थळी पोहोचल्या. अग्निशमन दलाच्या जवानांनी अनेक तासांच्या अथक परिश्रमानंतर आग आटोक्यात आणली. आग इतकी भीषण होती की आजूबाजूचा परिसर धुराने वेढला गेला होता, त्यामुळे अनेक दुकानदारांना सुरक्षिततेसाठी त्यांचे दुकान बंद करावे लागले.
22 Oct 2025 11:50 AM (IST)
माजी खासदार नवनीत राणा यांनी प्रहार जनशक्ती पक्षाचे अध्यक्ष व माजी आमदार बच्चू कडू यांना आता खुले आव्हान दिले आहे. अनेक लोक आजीचे माजी झालेत. कारण, त्यांनी कधीच आपल्या खिशात हात टाकला नाही. त्यांच्याकडे फक्त 'इनकमिंग', 'आऊटगोइंग' नाही. us मी त्यांना दहावेळा म्हणाले की, तुमची संपत्ती मला द्या, माझी संपत्ती तुम्ही घ्या. 'नौटंकी 'मुळेच त्यांना एका शेतकऱ्याच्या मुलाने पराभूत केले, अशी टीका नवनीत राणा यांनी केली.
22 Oct 2025 11:40 AM (IST)
दक्षिण बंगालच्या उपसागरावर वरच्या हवेतील चक्राकार अभिसरण निर्माण झाल्यामुळे तामिळनाडूच्या किनारी भागात चक्रीवादळाचा इशारा देण्यात आला आहे. भारतीय हवामान विभाग (IMD) नुसार, बुधवारी दुपारपर्यंत ते पश्चिम-वायव्येकडे सरकण्याची आणि नैऋत्य आणि लगतच्या पश्चिम-मध्य बंगालच्या उपसागरावर, उत्तर तामिळनाडू, पुडुचेरी-करैकल आणि दक्षिण आंध्र प्रदेशच्या किनारपट्टीवर कमी दाबाच्या पट्ट्यात रूपांतरित होण्याची शक्यता आहे. ते पश्चिम-वायव्येकडे उत्तर तामिळनाडू, पुद्दुचेरी-करैकल आणि दक्षिण आंध्र प्रदेश किनारपट्टीकडे सरकण्याची शक्यता आहे आणि पुढील २४ तासांत त्याची तीव्रता आणखी वाढेल. गेल्या आठवड्यात राज्यात झालेल्या मुसळधार पावसामुळे चेन्नईसह तामिळनाडूच्या अनेक भागात मोठ्या प्रमाणात पूराची शक्यता निर्माण झाली आहे.
22 Oct 2025 11:30 AM (IST)
पंतप्रधान नरेंद्र मोदी यांनी केंद्रीय मंत्री अमित शाह यांना वाढदिवसाच्या शुभेच्छा दिल्या आहेत. त्यांनी लिहिले आहे की, गृहमंत्री अमित शहा यांना वाढदिवसाच्या हार्दिक शुभेच्छा. सार्वजनिक सेवेतील त्यांच्या समर्पणाबद्दल आणि कष्टाळू स्वभावाबद्दल त्यांचे सर्वत्र कौतुक केले जाते. भारताच्या अंतर्गत सुरक्षा यंत्रणेला बळकटी देण्यासाठी आणि प्रत्येक भारतीयाला सुरक्षित आणि सन्मानाचे जीवन जगता यावे यासाठी त्यांनी प्रशंसनीय प्रयत्न केले आहेत. त्यांच्या दीर्घ आणि निरोगी आयुष्यासाठी प्रार्थना, अशा शब्दांत पंतप्रधान मोदींनी अमित शाहांना शुभेच्छा दिल्या आहेत.
22 Oct 2025 11:20 AM (IST)
लक्ष्मीपूजनाच्या निमित्ताने मंगळवारी मुंबईत नागरिकांनी मोठ्या प्रमाणात फटाक्यांची आतषबाजी केली, ज्याचा थेट परिणाम शहराच्या हवेच्या गुणवत्तेवर झाला आहे. मंगळवारी मुंबईचा हवा निर्देशांक तब्बल 211 इतका नोंदवला गेला आहे. हा हवा निर्देशांक वाईट श्रेणीत मोडतो. फटाक्यांमुळे रात्रीच्यावेळेत हवेत सूक्ष्म धूलिकणांचे प्रमाण वाढले आहे. त्यामुळे सकाळी वातावरण धुरकट दिसते आहे. कुलाबा, अंधेरी, बांद्रा, गोरेगाव आणि मुलुंड या भागांत प्रदूषणाचा स्तर सर्वाधिक नोंदवला गेला आहे. म्हणजे या ठिकाणी फटाक्यांची आतषबाजी होण्याचं प्रमाण जास्त आहे.
22 Oct 2025 11:10 AM (IST)
अमेरिकेचे राष्ट्राध्यक्ष डोनाल्ड ट्रम्प यांनी भारताचे पंतप्रधान नरेंद्र मोदी यांना फोन करुन दिवाळीच्या शुभेच्छा दिल्या. याबाबत मोदींनी शुभेच्छा दिल्या आहेत. पंतप्रधान मोदींनी ट्वीट करत लिहिले आहे की, राष्ट्रपती ट्रम्प, तुमच्या फोन कॉलबद्दल आणि दिवाळीच्या हार्दिक शुभेच्छा दिल्याबद्दल धन्यवाद. प्रकाशाच्या या सणानिमित्त, आपले दोन महान लोकशाही जगाला आशेने प्रकाशित करत राहोत आणि सर्व प्रकारच्या दहशतवादाविरुद्ध एकत्र उभे राहोत, अशा सूचक शुभेच्छा पंतप्रधान मोदींनी दिल्या आहेत.
22 Oct 2025 11:00 AM (IST)
देशाचे केंद्रीय मंत्री आणि राजकारणी अमित शाह यांचा आज वाढदिवस आहे. अमित शहा यांचा जन्म २२ ऑक्टोबर १९६४ रोजी झाला. १९७८ मध्ये त्यांनी राष्ट्रीय स्वयंसेवक संघामध्ये प्रवेश केला. १९९७ सालापासून अहमदाबादमधून गुजरात विधानसभेवर निवडून येत असलेल्या अमित शहांनी नरेंद्र मोदी ह्यांच्या गुजरात सरकारमध्ये अनेक मंत्रीपदे भुषवली. ते नरेंद्र मोदींच्या सर्वात जवळच्या सल्लागारांपैकी एक मानले जातात. अमित शाह यांची राजकीय वर्तुळामध्ये जोरदार चर्चा असते.
22 Oct 2025 10:55 AM (IST)
सध्या संपूर्ण भारतात दिवाळीचा आनंद पाहायला मिळत आहे. पण केवळ भारतातच नाही तर परदेशातही दिवाळीची धूम पाहायला मिळत आहे. अमेरिकेच्या व्हाईट हाऊसमध्ये दिवाळीचा उत्सव साजरा करण्यात आला आहे. अगदी पारंपारिक पद्धातीने दिवा प्रज्वलित करुन भारतीयांना अमेरिकेच्या राष्ट्राध्यक्ष डोनाल्ड ट्रम्प (Donald Trump) यांनी शुभेच्छा दिल्या आहे. या प्रसंगी त्यांनी भारताचे पंतप्रधान नरेंद्र मोदी (Narendra Modi) यांच्याशी फोनवरुन संपर्क साधल्याचे आणि व्यापारासह विविध विषयांवर चर्चा केल्याचा दावा केला आहे.
22 Oct 2025 10:50 AM (IST)
रोहित गोदरा यांच्याशी संबंधित गँगस्टर महेंद्र सरनने सोशल मीडिया पोस्टमध्ये लिहिले आहे की, “सर्व भावांना जय श्री राम, राम राम. मी (महेंद्र सरन दिलाना) (राहुल रिनौ) (विकी फलवान), बंधूंनो, आम्ही कॅनडामध्ये तेजी कहलोन यांच्यावर गोळीबार करण्याची योजना आखली होती. त्याच्या पोटात गोळी लागली आहे. जर त्याला समजले तर ठीक आहे, नाहीतर पुढच्या वेळी त्याला मारून टाकू! तो आपल्या शत्रूंना आर्थिक मदत करत होता, शस्त्रे पुरवत होता, कॅनडामधील आपल्या भावांबद्दल माहिती देत होता आणि त्यांच्यावर हल्ल्यांचे नियोजनदेखील करत होता. जर कोणी आपल्या भावांकडे पाहण्याचा विचार केला तर त्यांना पाहणे तर सोडाच, त्यांना पाहणे तर सोडाच, त्यांना इतिहासाच्या पानांमध्ये प्रतिध्वनीत होईल अशा नशिबाला सामोरे जावे लागेल.”
22 Oct 2025 10:40 AM (IST)
हवामान विभागाने आज राज्यातील अनेक भागांसाठी येलो अलर्ट जारी केला आहे. रत्नागिरी, सिंधुदुर्ग, सातारा, कोल्हापूर, सांगली, धाराशिव, लातूर, बुलडाणा, यवतमाळ, चंद्रपूर आणि गडचिरोली या जिल्ह्यांत विजांसह पावसाची शक्यता वर्तविण्यात आली आहे. तसेच रायगड, सोलापूर, छत्रपती संभाजीनगर, जालना, बीड, परभणी आणि हिंगोली या जिल्ह्यांमध्ये काही ठिकाणी विजांसह हलका ते मध्यम पाऊस पडण्याची शक्यता आहे. दरम्यान, राज्याच्या उर्वरित भागात आकाश ढगाळ राहणार असून, हवामान मुख्यतः कोरडे राहील. उकाड्याचा चटका कायम राहणार असल्याचा अंदाज हवामान खात्याने व्यक्त केला आहे.
22 Oct 2025 10:30 AM (IST)
तुम्ही पाहिले असेल की स्मार्टफोन कंपन्या लाँचपूर्वी त्यांचा स्मार्टफोन रिव्हील करत नाही. कारण स्मार्टफोन पाहून सर्वांना आश्चर्याचा धक्का बसावा असं कंपन्यांना सतत वाटतअसतं. मात्र गेल्या अनेक वर्षांपासून सुरु असलेली परंपरा आता गूगल बदलणार आहे. कारण गुगल आता एक नवीन ट्रेंड सेट करण्याच्या प्रयत्नात आहे. खरं तर कंपनी त्यांचा पिक्सेल टेस्टिंग प्रोग्राम सर्व ग्राहकांसाठी सुरु करण्याचा विचार करत आहे. असं सांगितलं जात आहे की, 15 आउटसाइडर लाँचपूर्वी पिक्सेल फोनची टेस्टिंग करू शकणार आहेत. गूगलने यासाठी त्यांच्या ट्रस्टेड टेस्टर प्रोग्रामसाठी 15 सुपरफॅनची भर्ती देखील सुरु केली आहे. हे सुपरफॅन स्मार्टफोनची टेंस्टिंग करून इतर ग्राहकांना फीडबॅक देखील देऊ शकणार आहे.
22 Oct 2025 10:20 AM (IST)
एका कार्यक्रमात शोएब अख्तरनं निदा यासिरला एक अतिशय सोपा प्रश्न विचारला – “पाकिस्ताननं १९९२ साली वर्ल्ड कप कधी जिंकला?” हा प्रश्न ऐकून जिथे सरासरी प्रेक्षक लगेच ‘१९९२’ हे उत्तर देतील, तिथे निदा यासिरनं उत्तर दिलं – “२००६”! हे उत्तर ऐकून शोएब एक क्षण गप्प झाला, आणि मग तसाच गालात हसत राहिला. वातावरणात हास्याचं वादळ उसळलं. एवढ्यावरच थांबता थोडंच! कार्यक्रमात उपस्थित असलेल्या दुसऱ्या तरुणीनं निदाच्या कानात खरं उत्तर हळूच सांगितलं. पण त्या आधीच शोएबनं नविन प्रश्न विचारला – “२००९ मध्ये पाकिस्ताननं टी-२० वर्ल्ड कप कधी जिंकला?”. या प्रश्नाला उत्तर देताना निदानं पुन्हा एकदा गोंधळ केला आणि उत्तर दिलं – “१९९२”! हे ऐकून अख्तरनं डोक्याला हात लावला आणि स्टुडिओत हास्याची लाट उसळली. हा क्षण सध्या सोशल मीडियावर जबरदस्त व्हायरल झाला असून, अनेकांनी या गमतीदार प्रसंगावर मजेशीर कमेंट्स आणि मिम्स शेअर केले आहेत. काही लोकांनी चेष्टेने म्हटलं आहे की, “दिसायला सुंदर असली, पण हिच्या डोक्यात फक्त भुसा भरला आहे”.
22 Oct 2025 10:10 AM (IST)
रेल्वेमंत्र्यांच्या सूचनेनुसार, देशभरात 12000 हून अधिक विशेष गाड्या चालवल्या जात आहेत. यामध्ये पूर्व किनारी रेल्वेद्वारे चालवल्या जाणाऱ्या ३६७ विशेष गाड्यांचा समावेश आहे, त्यापैकी ७६ आधीच सुरू झाल्या आहेत आणि ७८००० हून अधिक प्रवाशांनी त्यांचा लाभ घेतला आहे. या गर्दीमुळे कोणताही अनुचित प्रकार घडू नये म्हणून सुरक्षा सुनिश्चित करण्यासाठी रेल्वे संरक्षण दल (आरपीएफ) आणि इतर अधिकारी सर्व स्थानकांवर तैनात करण्यात आले आहेत. 900 हून अधिक सीसीटीव्ही कॅमेरे देखील स्थानकांवर लक्ष ठेवून आहेत.
22 Oct 2025 10:03 AM (IST)
सकाळी उठल्यानंतर पोटभर नाश्ता केल्यास संपूर्ण शरीराला ऊर्जा मिळते आणि आरोग्य सुधारण्यास मदत होते. रात्रभर कोणत्याही पदार्थांचे सेवन केले जात नाही. यामुळे मेटाबॉलिझम प्रक्रिया मंदावते आणि शरीराच्या कार्यात अडथळे येतात. त्यामुळे सकाळच्या नाश्ता केल्यास मेटाबॉलिझम प्रक्रिया सुरळीत होऊन शरीराचे कार्य सुधारते. शरीराला ऊर्जा मिळवण्यासाठी साठवलेले ग्लुकोज आणि फॅट वापरले जातात, ज्यामुळे रक्तातील साखर अनियमित होते. यामुळे शरीरात शरीरात ‘कोर्टिसोल’ नावाचे स्ट्रेस हार्मोन्स वाढते. हार्मोन्सचे प्रमाण वाढल्यानंतर रक्तदाब आणि हृदयाच्या ठोक्यांवर परिणाम होण्याची शक्यता असते. शरीरात वाढलेल्या खराब कोलेस्टरॉलमुळे रक्तवाहिन्यांमध्ये प्लेक जमा होण्यास सुरुवात होते. दैनंदिन आहारात सतत तिखट आणि तेलकट पदार्थांचे अतिसेवन केल्यामुळे शरीराचे नुकसान होते. हृदयाच्या रक्तवाहिन्यांमध्ये कोलेस्ट्रॉलचा पिवळा थर जमा होऊ लागतो
22 Oct 2025 09:50 AM (IST)
दिवाळीच्या मुहूर्तावर OpenAI ने त्यांच्या युजर्सना एक खास सरप्राईज दिलं आहे. अमेरिकी कंपनी OpenAI ने गुगल क्रोमला टक्कर देण्यासाठी त्यांचे नवीन ChatGPT Atlas ब्राउझर लाँच केले आहे. ChatGPT वर आधारित असणारे हे AI पावर्ड ब्राउझर गूगल क्रोमला टक्कर देण्यासाठी सज्ज झाले आहे. आता हे ब्राउझर केवळ मॅकOS साठी उपलब्ध आहे आणि पुढील काळात हे ब्राउझर विंडोज, iOS आणि अँड्रॉईडसाठी देखील लाँच केले जाणार आहे. OpenAI च्या या ब्राऊझरमध्ये असे अनेक फीचर्स आहेत, जे गूगल क्रोमला टक्कर देणार आहे. OpenAI च्या या नव्या ब्राऊझरमुळे आता गुगल क्रोमच्या अडचणी वाढणार आहेत.
22 Oct 2025 09:40 AM (IST)
पाकिस्तानचा माजी वेगवान गोलंदाज शोएब अख्तर क्रिकेटमधून निवृत्त झाला असला, तरी त्याचं सोशल मीडियावरचं अस्तित्व अजूनही तितकंच प्रभावी आहे. विविध मुलाखती, टीव्ही कार्यक्रम किंवा सोशल मीडियावरच्या पोस्ट्समुळे तो नेहमी चर्चेत असतो. अलीकडेच एका पॉडकास्टमध्ये त्याने पाकिस्तानची प्रसिद्ध मॉडेल आणि सूत्रसंचालिका निदा यासिरची गंमतीशीर फजिती केली, आणि हा क्षण इंटरनेटवर जोरदार व्हायरल झाला आहे.
22 Oct 2025 09:30 AM (IST)
“जर तुम्हाला निसर्गाच्या सान्निध्यात राहायला आवडत असेल, तर आज आपण तुम्हाला उत्तर प्रदेशातील एका अशा सुंदर ठिकाणाबद्दल सांगणार आहोत जिथे तब्बल 17 नद्या वाहतात. हे ठिकाण म्हणजे आजमगढ जिल्हा, ज्याला नद्यांचे शहर म्हणूनही ओळखले जाते. या जिल्ह्याच्या पूर्वेला मऊ, पश्चिमेला सुलतानपूर, उत्तरेला गोरखपूर, आग्नेय दिशेला गाजीपूर आणि नैऋत्येला जौनपूर हे जिल्हे आहेत. आजमगढ जिल्हा नैसर्गिक सौंदर्य, पौराणिक महत्त्व आणि समृद्ध सांस्कृतिक वारसा यासाठी प्रसिद्ध आहे.
22 Oct 2025 09:20 AM (IST)
भारतात 22 ऑक्टोबर रोजी 24 कॅरेट सोन्याच्या प्रति ग्रॅमचा दर 13,057 रुपये, 22 कॅरेट सोन्याच्या प्रति ग्रॅमचा दर 11,969 रुपये आणि 18 कॅरेट सोन्याच्या प्रति ग्रॅमचा दर 9,793 रुपये आहे. भारतात 22 ऑक्टोबर रोजी 22 कॅरेट सोन्याच्या प्रति 10 ग्रॅमचा दर 1,19,690 रुपये, 24 कॅरेट सोन्याच्या प्रति 10 ग्रॅमचा दर 1,30,570 रुपये आणि 18 कॅरेट सोन्याच्या प्रति 10 ग्रॅमचा दर 97,930 रुपये आहे.
22 Oct 2025 09:11 AM (IST)
MacRumors ने सांगितलं आहे की, Apple ने iOS 26.1 बीटा वर्जनमध्ये Liquid Glass साठी नवीन टिंटेड थीम ऑप्शन सादर केलं आहे. म्हणजेच आता युजर्सची इच्छा असेल तर ते आधीचा क्लियर लूक देखील परत वापरू शकणार आहेत किंवा नवीन टिंटेड थीम सेलेक्ट करू शकतात. ही नवीन टिंटेड थीम UI ची ट्रांसपेरेंसी कमी करते, ज्यामुळे कंट्रोल्स आणि बटन जास्त क्लियर पाहायला मिळतात. यासोबतच हे इंटरफेसमध्ये चांगले कॉन्ट्रास्ट देखील जोडेल, ज्यामुळे दृश्यमानता आणखी चांगली होईल.
22 Oct 2025 08:50 AM (IST)
यावर्षी दिवाळीच्या मुहूर्तावर भारतामध्ये विक्रमी ६.०५ लाख कोटींची (6.05 Lakh Crore) विक्रमी विक्री झाली आहे. यामध्ये ५.४० लाख कोटी रुपयांची उत्पादने आणि ६५,००० कोटी रुपयांच्या सेवांचा समावेश आहे. व्यापारी संघटना ‘कनफेडरेशन ऑफ ऑल इंडिया ट्रेडर्स’ (CAIT) ने मंगळवारी ही माहिती दिली.
22 Oct 2025 08:40 AM (IST)
सध्या सगळीकडे दिवाळीचा उत्साह आहे. आज सर्वत्र लक्ष्मीपूजन संपन्न होत आहे. दरम्यान आज लक्ष्मीपुजनाला वरुणराजाने देखील हजेरी लावली आहे. गेले दोन ते तीन दिवस राज्यात उकाडा वाढला होता. तसेच पावसासाठी पोषक हवामान देखील तयार झाले होते. आज संध्याकाळच्या सुमारास पावसाने राज्यातील अनेक भागात हजेरी लावली आहे.
22 Oct 2025 08:35 AM (IST)
टाटा पॉवर रिन्यूएबल एनर्जी लिमिटेडच्या पळसावडे प्रकल्पातील भूमिपुत्र कामगारांनी आपल्या प्रलंबित मागण्यांकडे कंपनी व प्रशासनाचे लक्ष वेधण्यासाठी मंगळवारी एक अनोखे आंदोलन केले. पारंपरिक आनंदाऐवजी ‘काळी दिवाळी’ साजरी करून कामगारांनी आपल्या संतापाला वाट मोकळी करून दिली.
.png "Videos"){kind=small}
