निवडणुकीच्या तोंडावर BJP ला दणका! सुभाषचंद्र बोस यांच्या नातवाचा तृणमुलमध्ये प्रवेश; म्हणाले, “भारताला वाचवण्यासाठी…”

Chandra Kumar Bose join Trinamool Congress : नेताजी सुभाषचंद्र बोस यांचे नातू असलेले चंद्र कुमार बोस यांनी तृणमूल काँग्रेसमध्ये पक्षप्रवेश केला आहे.

• सुभाषचंद्र बोस यांच्या नातवाचा तृणमूल कॉंग्रेसमध्ये प्रवेश
• चंद्र कुमार बोस य़ांचा तृणमूल काँग्रेसमध्ये प्रवेश
• तृणमूल काँग्रेसचे खासदार कीर्ती आझाद यांच्या उपस्थितीत प्रवेश

 

Chandra Kumar Bose in Trinamool congress : कलकत्ता : भारताच्या स्वातंत्र्य लढ्यामध्ये लक्षवेधी भूमिका बजावणारे सुभाषचंद्र बोस यांच्या नातवाने नवीन राजकीय प्रवासाला सुरुवात केली आहे. पश्चिम बंगालमध्ये निवडणुकीची (west bengal election) रणधुमाळी सुरु असताना चंद्र कुमार बोस यांनी तृणमूल काँग्रेसमध्ये प्रवेश केला आहे. त्यांच्या या राजकीय प्रवेशाने चर्चांना उधाण आले आहे. राज्यमंत्री ब्रत्य बसू आणि तृणमूल काँग्रेसचे खासदार कीर्ती आझाद यांच्या उपस्थितीत असताना चंद्र कुमार बोस यांचा तृणमूल काँग्रेसमध्ये पक्षप्रवेश पार पडला.

 

सुभाषचंद्र बोस यांचे नातू असलेले चंद्र कुमार बोस हे यापूर्वी भाजपपक्षामध्ये होते. मात्र आता त्यांनी काँग्रेसमध्ये प्रवेश करत भाजपवर जोरदार निशाणा साधला. तृणमूल काँग्रेसमध्ये प्रवेश केल्यानंतर चंद्र कुमार बोस म्हणाले की, आज आपण पाहतो की भाजप विभाजनकारी राजकारण करते आणि जातीय द्वेष पसरवते. आता आपल्याला भारताला वाचवण्यासाठी लढावे लागेल आणि या विभाजनकारी राजकारणाला विरोध करावा लागेल.” अशी भूमिका त्यांनी घेतली.

हे देखील वाचा : UPI Wrong Transaction : चुकीच्या UPI ID वर पैसे ट्रान्सफर झाले? Undo बटण नसलं तरी पैसे परत मिळवणं शक्य

पश्चिम बंगालमधील सत्ताधारी पक्षात सामील झाल्यावर चंद्र कुमार बोस म्हणाले की, भाजप नेताजी सुभाषचंद्र बोस यांच्या आदर्शांचे पालन करत नाही. त्या पक्षात राहून नेताजींच्या आदर्शांनुसार काम करणे शक्यच नाही, अशी घणाघाती टीका चंद्र कुमार बोस यांनी केली.

चंद्र कुमार बोस 2016 मध्ये भाजपमध्ये सामील झाले आणि त्याच वर्षी त्यांनी मुख्यमंत्री ममता बॅनर्जी यांच्या विरोधात भवानीपूरमधून विधानसभा निवडणूक लढवली, पण त्यांचा पराभव झाला. त्यानंतर त्यांनी 2019 ची लोकसभा निवडणूक कोलकाता दक्षिणमधून लढवली, पण त्यातही त्यांचा पराभव झाला. 2023 मध्ये त्यांनी भाजप सोडला. आता 2026 च्या विधानसभा निवडणुकीमध्ये त्यांनी ममता बॅनर्जी यांच्या तृणमूल काँग्रेसमध्ये प्रवेश केला आहे.

हे देखील वाचा : “जर भाजप जिंकला, तर पश्चिम बंगालचा पुढचा मुख्यमंत्री कोण असेल?” अमित शाह यांनी स्पष्टच सांगितलं…

SIR मध्ये सुनावणीसाठी बोस यांना समन्स

भाजप सोडल्यानंतर लगेचच, चंद्र बोस तृणमूल काँग्रेसमध्ये सामील होतील अशी अटकळ सुरू झाली. मुख्यमंत्री ममता बॅनर्जी यांच्याबद्दल त्यांनी केलेल्या अनेक कौतुकास्पद टिप्पणींनंतर या चर्चांना अधिकच जोर मिळाला. अलीकडेच, नेताजींच्या पणतवालाही एसआयआरकडून सुनावणीसाठी बोलावण्यात आले होते. या घटनेमुळे त्यानंतर राज्य राजकारणात एक वाद निर्माण झाला.

See more

#WATCH कोलकाता, पश्चिम बंगाल: नेताजी सुभाष चंद्र बोस के परपोते चंद्र कुमार बोस TMC में शामिल हुए। pic.twitter.com/989JDB4fzo — ANI_HindiNews (@AHindinews) April 12, 2026

पश्चिम बंगालसाठी भाजपकडून साम-दाम-दंड-भेद

पश्चिम बंगालमध्ये सत्ता मिळवण्यासाठी भाजपची जोरदार तयारी सुरु आहे. मागील अनेक दिवसांपासून ममता बॅनर्जी यांना शह देण्यासाठी भाजप रणनीती आखत आहे. भाजपच्या पक्षश्रेष्ठींसह पंतप्रधान नरेंद्र मोदी आणि केंद्रीय गृहमंत्री अमित शाह हे देखील पश्चिम बंगालच्या निवडणुकीच्या रिंगणात उतरले आहेत. जोरदार प्रचार केला जात असून महिलांवर केंद्रीत असा प्रचार केला जात आहे. भाजपचा जाहीरनामा देखील प्रसिद्ध झाला असून यामध्ये आश्वासनांची खैरात वाटली आहे. केंद्रीय गृहमंत्री अमित शाह आज देखील पश्चिम बंगालमधील मयुरेश्वर, दुबराजपूर आणि राणीगंज येथे तीन जाहीर सभा घेतील. यानंतर गृहमंत्री दुर्गापूरमध्ये रोड शो देखील करणार आहेत.