सरसंघचालक मोहन भागवत (फोटो- सोशल मिडिया)
राष्ट्रीय स्वयंसेवक संघाला 100 वर्षे पूर्ण
आज देशभरात साजरा होणार विजयादशमी उत्सव
नागपूरच्या रेशमीबागेत जय्यत तयारी
राष्ट्रसर्वप्रथम या तत्वावर काम करणारी जगातील एकमेव संघटना म्हणजे राष्ट्रीय स्वयंसेवक संघ. राष्ट्रहित सर्वोपरी म्हणत संघ स्वयंसेवक अनेक ठिकाणी समाजकार्य करताना पाहायला मिळतो. राष्ट्रीय स्वयंसेवक संघाला यावर्षी 100 वर्षे पूर्ण झाली आहेत. आज देशभरात संघ विजयादशमी उत्सव साजरा करणार आहे. दरम्यान या दिवशी सरसंघचालक मोहन भागवत काय बोलणार याकडे सर्वांचे लक्ष लागले आहे.
यंदाचा विजयादशमीचा उत्सव राष्ट्रीय स्वयंसेवक संघासाठी विशेष आहे. यंदा संघाला 100 वर्षे पूर्ण झाली आहेत. 1925 मध्ये डॉ. केशव बळिराम हेडगेवार यांनी स्थापन केलेल्या संघटनेला 100 वर्षे पूर्ण झाली आहेत. आज सरसंघचालक मोहन भागवत स्वयंसेवकांना काय मार्गदर्शन करणार याकडे सर्वांचे लक्ष लागले आहे. या सोहळ्याला देशाचे माजी राष्ट्रपती रामनाथ कोविंद उपस्थित राहणार आहेत.
विजयादशमीच्या उत्सवानिमित नागपूरमध्ये जय्यत तयारी करण्यात आली आहे. नागपूरमधील रेशीमबाग हे राष्ट्रीय स्वयंसेवक संघाचे मुख्यालय आहे. याच रेशीमबागेच्या मैदानावर उत्सव होणार आहे. आजपासून संघाचे शताब्दी वर्ष सुरू होणार आहे. 2026 च्या विजयादशमीपर्यंत संघ आपले शताब्दी वर्ष साजरे करणार आहे. या वर्षभरात संघ अनेक कार्यक्रमांचे आयोजन करण्यात येणार आहे.
|
