केंद्रीय गृहमंत्री अमित शाह प्रतिक्रिया यांनी दिल्लीतील लाल किल्ला बॉम्बस्फोट प्रकरणावर प्रतिक्रिया दिली (फोटो - सोशल मीडिया)
Amit Shah on Delhi Bomb Blast: नवी दिल्ली : दिल्लीमधील लाल किल्ला परिसरामध्ये भीषण बॉम्बस्फोट झाला आहे. या भीषण स्फोटामध्ये 13 जणांचा दुर्दैवी मृत्यू झाला असून 24 जण जखमी झाले आहेत. या घटनेवर गृहमंत्री अमित शहा यांनी प्रतिक्रिया दिली आहे. अमित शाह यांनी दिल्ली लाल किल्ला स्फोट कसा झाला हे स्पष्ट केले. यावेळी त्यांनी बॉम्बस्फोटामध्ये वापरलेली गाडी ही हरयाणामधील असल्याची माहिती दिली आहे. त्याचबरोबर सर्व यंत्रणा सज्ज असून या घटनेची सर्व बाजूंनी चौकशी केली जाईल असे देखील अमित शाह यांनी सांगितले.
गृहमंत्री अमित शाह म्हणाले की, सुभाष मार्ग ट्रॅफिक सिग्नलवर एका आय २० कारचा स्फोट झाला, ज्यामुळे काही वाहनांचे नुकसान झाले आणि काही लोक जखमी झाले. एजन्सी आणि फॉरेन्सिक टीम घटनास्थळी पोहोचल्या आहेत. मी स्वतः घटनास्थळी पोहोचणार आहे. मी दिल्ली सीपीशी बोललो आहे. सखोल चौकशी केली जाईल. ती त्वरित केली जाईल. निकाल काहीही असो, तो जनतेसमोर सादर केला जाईल. गृहमंत्री अमित शहा यांनी तात्काळ एलएनजेपी रुग्णालयात पोहोचून तेथील जखमींची देखील भेट घेतली.
Red Fort Blast: मोठी बातमी! दिल्लीचा बॉम्बस्फोट हा दहशतवादी हल्लाच; एका संशयित व्यक्तीला अटक
गृहमंत्र्यांनी पुढे सांगितले की, “स्फोटाची माहिती मिळताच १० मिनिटांच्या आत दिल्ली गुन्हे शाखा आणि विशेष शाखेच्या पथके घटनास्थळी पोहोचली. एनएसजी, एनआयए आणि एफएसएल पथकांनी आता तपास सुरू केला आहे. जवळपास बसवलेल्या सर्व सीसीटीव्ही कॅमेऱ्यांची तपासणी करण्याचे आदेश देण्यात आले आहेत. मी दिल्ली पोलिस आयुक्त आणि विशेष शाखेच्या प्रभारी यांच्याशी बोललो आहे. दोन्ही अधिकारी घटनास्थळी उपस्थित आहेत. सर्व शक्यता तपासल्या जात आहेत आणि प्रत्येक कोनातून तपास केला जाईल. तपासाचे निकाल येताच जनतेला कळवले जाईल. मी लवकरच घटनास्थळ आणि रुग्णालयाला वैयक्तिकरित्या भेट देईन, असे देखील अमित शाह यांनी सांगितले आहे.
#WATCH | Delhi: Blast near Red Fort Metro Station | Union Home Minister Amit Shah holds a meeting with Delhi Police CP Satish Golcha and a team of doctors at Lok Nayak Hospital. pic.twitter.com/qxK8RPogDG — ANI (@ANI) November 10, 2025
दिल्ली पोलिस आयुक्तांनी काय सांगितले?
यापूर्वी, दिल्ली पोलिस आयुक्त सतीश गोलचा यांनीही असेच म्हटले होते. त्यांनी सांगितले की, संध्याकाळी ६:५२ वाजता, लाल दिव्याजवळ एका संथ गतीने चालणाऱ्या वाहनाचा अचानक स्फोट झाला. या स्फोटात जवळपास उभ्या असलेल्या अनेक वाहनांचेही नुकसान झाले. आयुक्तांच्या मते, या स्फोटात काही लोकांचा मृत्यू झाला आहे, तर अनेक जण जखमी झाल्याचे वृत्त आहे. त्यांनी सांगितले की, एफएसएल आणि एनआयएसह सर्व तपास यंत्रणा घटनास्थळी उपस्थित आहेत आणि प्रत्येक कोनातून तपास करत आहेत. त्यांनी असेही सांगितले की, गृहमंत्री अमित शहा यांना सतत माहिती दिली जात आहे आणि परिस्थितीवर लक्ष ठेवले जात आहे.
