पदकाचे विसर्जन न करता कुस्तीपटू परतले, ‘हा राजकीय आखाडा नाही’, गंगासभा अध्यक्षांनी कुस्तीपटूंना सुनावत विसर्जन करण्यापासून रोखलं

निषेध व्यक्त करत गंगा सभेने पैलवानांनी स्नान करावे, असे सांगितले. सेवाभावी कामे करा. मात्र पदकाचे विसर्जन होऊ दिले जाणार नाही. हरकी पायडीला राजकीय आखाडा बनू देणार नाही.

Follow Us:

Follow Us:

भाजपचे खासदार आणि भारतीय कुस्तीपटू महासंघाचे प्रमुख बृजभूषण शरण सिंह (Brij bhushan singh) यांच्याविरोधात निदर्शने करणाऱ्या  कुस्तीपंटूना (wrestler Protest ) भारतासाठी जिंकलेली सर्व पदके गंगेत विसर्जित करण्याचा निर्णय घेतला होता. यासाठी सगळे कुस्तीपटु आज हरिद्वारला पोहोचले होते. मात्र,  श्री गंगा सभेने त्यांना हरकी पायडी येथे त्यांना पदकाचे विसर्जन करण्यापासून रोखले. हरकी पायडी हे सनातनचे पवित्र तीर्थक्षेत्र असल्याचे श्री गंगा सभेचे अध्यक्ष नितीन गौतम यांनी म्हटले आहे. पैलवान आंघोळ करतात. सेवाभावी कामे करा. मात्र पदकाचे विसर्जन होऊ दिले जाणार नाही. हरकी पायडीला राजकीय आखाडा बनू देणार नाही.

[read_also content=”क्ररकर्मा साहिलला कठोर शिक्षा देणार, अरविंद केजरीवालांच आश्वासन; साक्षीच्या कु़टुंबियांना 10 लाख नुकसान भरपाई जाहीर https://www.navarashtra.com/crime/arvind-kejriwal-promises-to-punish-karkarma-sahil-severely-10-lakh-compensation-announced-to-sakshis-families-nrps-406618.html”]

गंगा सभेने घेतला आक्षेप

कुस्तीपटूंच्या या निर्णयावर श्री गंगा सभेने आक्षेप घेतल्याची माहिती समोर आली आहे. ज्या ठिकाणी  कुस्तीपटू पदक विसर्जित करणार होते. हे  हरकी पायडी ठिकाण हे पदक विसर्जन करण्यासाठी नसून भक्तांच्या श्रद्धेचे आणि अस्थी विसर्जनाचे क्षेत्र आहे. हरिद्वारमध्ये सर्वत्र गंगा वाहते. कुस्तीपटू हरकी पेडी सोडून इतरत्र त्यांचे काम करू शकतात. यात्रेची प्रतिष्ठा राखण्यासाठी पदकांचे विसर्जन होऊ दिले जाणार नाही. स्नानासाठी भाविक हरकी पायडी आणि नजीकच्या गंगा घाटावर येतात. तसेच संध्याकाळच्या आरतीच्या वेळी हरकी पायडीवर अनेक भाविक असतात. अशा स्थितीत पैलवानांच्या चेंगराचेंगरीमुळे मोठी दुर्घटना घडू शकते. भाविकांच्या सुरक्षेच्या दृष्टिकोनातून पोलीस प्रशासनाने कुस्तीपटूंना रोखावे, असे अध्यक्ष म्हणाले.

नरेश टिकैत यांची समजूत घातली

भारतीय किसान युनियन टिकैतचे राष्ट्रीय प्रवक्ते नरेश टिकैत हे  कुस्तीपंटूना भेटण्यासाठी घटनास्थळी आले होते. त्यांनी बराच वेळ कुस्तीपंटूना समजावले. त्यांना न्याय मिळवून देण्यासाठी आपण चर्चा करू, असे आश्वासन त्यांनी कुस्तीपंटूना दिले. त्यांच्यासोबत झालेल्या चर्चेनंतर सुमारे अडीच तासानंतर  कुस्तीपटू दिल्लीला परतले.

 काय म्हणाले होते कुस्तीपटू

गंगा ही माता असल्याने आम्ही ही पदके गंगेत विसर्जित करणार आहोत. आपण गंगा जितकी पवित्र मानतो तितकेच पवित्र म्हणून आपण कठोर परिश्रम करून ही पदके मिळवली होती. ही पदके संपूर्ण राष्ट्रासाठी पवित्र आहेत आणि पवित्र पदक ठेवण्यासाठी योग्य स्थान पवित्र माता गंगा असू शकते. असं कुस्तीपटू म्हणाले होते.

Web Title: Wrestlers return without medals immersion in ganga river in haridwar nrps

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com