मेलबर्न क्रिकेट ग्राउंडवर दिला जाणार अखेरचा निरोप, पंतप्रधानांसह एक लाख लोक सहभागी

ऑस्ट्रेलियाचा दिग्गज फिरकीपटू शेन वॉर्नचे वयाच्या ५२ व्या वर्षी थायलंडमधील एका रिसॉर्टमध्ये निधन झाले.  आता त्यांचा मृतदेह ऑस्ट्रेलियाला पाठवण्यात आला आहे.

Follow Us:

Follow Us:

ऑस्ट्रेलिया : ऑस्ट्रेलियाचा दिग्गज फिरकीपटू शेन वॉर्नचे वयाच्या ५२ व्या वर्षी थायलंडमधील एका रिसॉर्टमध्ये निधन झाले.  आता त्यांचा मृतदेह ऑस्ट्रेलियाला पाठवण्यात आला आहे. थायलंड विमानतळानुसार, वॉर्नचा मृतदेह १० मार्चला भारतीय वेळेनुसार संध्याकाळी ६.५४ वाजता रवाना करण्यात आला आहे. वॉर्नच्या शवविच्छेदन अहवालात मृत्यूचे कारण नैसर्गिक असल्याचे सांगण्यात आले.

वॉर्नचा थायलंडमधील कोह सामुई बेटावर शुक्रवारी मृत्यू झाल्यानंतर त्याचा मृतदेह रविवारी सुरत थाणीत नेण्यात आला. सुरत थाणीहून त्याचे पार्थिव रविवारी रात्री राजधानी बँकॉकला पोहोचले. तेथून त्याला ऑस्ट्रेलियाला पाठवण्यात आले.

मेलबर्नमधील अंत्यसंस्काराला एक लाख लोक उपस्थित राहणार आहेत
मेलबर्न क्रिकेट मैदानावर (MCG) वॉर्नला अंतिम निरोप देण्यात येणार आहे. या निरोपाला एक लाख लोक उपस्थित राहण्याची शक्यता आहे. यावेळी ऑस्ट्रेलियाचे पंतप्रधान स्कॉट मॉरिसनही उपस्थित राहणार आहेत. वॉर्नच्या कुटुंबीयांनी सांगितले आहे की तो प्रथम खाजगीत अंतिम संस्कार करणार आहे.

वॉर्नचे मॅनेजर डॅनियल अँड्र्यूज यांनी बुधवारी ट्विट केले: “वॉर्नीला निरोप देण्यासाठी MCG पेक्षा चांगली जागा जगात दुसरी नाही. येथेच त्याने १९९४ च्या ऍशेसमध्ये हॅट्ट्रिक केली आणि २००६ मध्ये त्याच्या शेवटच्या आंतरराष्ट्रीय मालिकेतील बॉक्सिंग डे कसोटीत ७००वी कसोटी विकेट घेतली. वॉर्नचा जन्म मेलबर्नमध्ये झाला आणि इथेच वाढला.

Web Title: Shane warnes dead body leaves for australia funeral to melbourne cricket ground rip shane warne

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com