नाश्त्यासाठी बनवा मिक्स पिठाची इडली, डायबिटीज असणाऱ्यांसाठी फायदेशीर, अजिबात शुगर वाढणार नाही

तुम्ही मधुमेहाचे रुग्ण असाल तर तुम्ही आपल्या आहारात डायबिटीज फ्रेंडली नाश्त्याच्या रेसिपीची निवड करणे आवश्यक आहे. आज आम्ही तुम्हाला मिक्स पिठाची पौष्टिक इडली कशी तयार करायची याची एक सोपी रेसिपी सांगत आहोत.

Follow Us:

Follow Us:

सकाळचा नाश्ता हा नेहमी पौष्टिक करावा. पौष्टिक नाश्ता आपल्याला दिवसभर उत्साही राहण्यास मदत करतो. आता नाश्ता म्हटला की, काही निवडक पदार्थांचे नाव समोर येते. यातीलच एक पदार्थ म्हणजे सर्वांच्या आवडीची इडली. हा एक नाश्त्याचा पदार्थ आहे , जो लहानांपासून मोठ्यांपर्यंत सर्वांनाच खायला फार आवडतो. मात्र हा पदार्थ तांदळापासून तयार केला जात असल्याने डायबिटीजच्या रुग्णांसाठी हा तितकासा फायद्याचा ठरत नाही. मुळातच मधुमेहाच्या रुग्णांना आपल्या आहाराची विशेष काळजी घ्यावी लागते.

आहारात केलेल्या काही बदलांमुळे साखरेच्या पातळीत चढ-उतार होऊ शकतात. अशा परिस्थितीत, आपल्या आहारात काही डायबिटीज फ्रेंडली पदार्थांचा समावेश करणे गरजेचे ठरते. ज्यामुळे शरीरातील साखरेची पातळी नियंत्रणात राहून शरीर निरोगी राहील. याच गोष्टीचा विचार करता आज आम्ही तुमच्यासाठी एक हटके रेसिपी घेऊन आलो आहोत. आज आम्ही तुम्हाला मिक्स पिठाची इडली कशी तयार करावी याची एक सोपी रेसिपी सांगत आहोत. ही रेसिपी डायबिटीजच्या रुग्णांसाठी फार फायद्याची ठरेल. हा पदार्थ चवीबरोबरच तुमच्या आरोग्याचीही काळजी घेईल. ही पौष्टिक इडली सकाळच्या नाश्त्यासाठी एक उत्तम पर्याय ठरेल. तसेच फार कमी वेळेत हा पदार्थ बनून तयार होतो, ज्यामुळे यात तुमचा फार वेळही वाया जाणार नाही. चला तर मग जाणून घेऊयात यासाठी लागणारे साहित्य आणि कृती.

रेसिपीच्या बातम्या वाचण्यासाठी इथे क्लिक करा

साहित्य

• उडदाची डाळ 1/2 वाटी
• मेथी दाणे 1/2 टीस्पून
• बाजरीचे पीठ 1/2 वाटी
• ज्वारीचे पीठ 1/2 वाटी
• गव्हाचे पीठ 1/2 कप
• दही 2  कप
• चवीनुसार मीठ

रेसिपीच्या बातम्या वाचण्यासाठी इथे क्लिक करा

कृती

• मिक्स पीठची इडली तयार करण्यासाठी सर्वप्रथम उडीद डाळ आणि मेथीचे दाणे 2 ते 3 तास भिजत ठेवा. आता पाणी गाळून पेस्ट बनवा
• पेस्ट तयार झाल्यानंतर यात गहू, ज्वारी आणि बाजरीचे पीठ मिक्स करा
• यानंतर यात दही घालून नीट फेटून घ्या
• आता तयार केलेल्या पेस्टमध्ये चवीनुसार मीठ आणि कोथिंबीर घाला आणि मिक्स करा
• आता हे तयार मिश्रण 2-3 तास झाकून ठेवा
• आता या तयार पिठाच्या इडल्या तयार करून घ्या
• यासाठी इडलीचे पात्रात तयार मिश्रण टाका आणि 15-20 मिनिटे इडली वाफवून घ्या
• वाफलेली इडली इडली पात्रातून बाहेर काढून 5-6 मिनिटे थंड करा आणि मग चमच्याच्या साहाय्याने इडली
• साच्यातून बाहेर काढा
• तयार इडली नारळाची चटणी किंवा सांबारसोबत खाण्यासाठी सर्व्ह करा

Web Title: Diabetes care people with diabetes should eat mixed flour idli sugar will not rise at all see the recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com