Diwali 2024: घरच्या घरी झटपट बनवा खुशखुशीत आणि पौष्टिक पालक पाऱ्या

दिवाळीचा सण आता अवघ्या काही दिवसांवर येऊन ठेपला आहे. दिवाळीच्या फराळाला सुरुवात केली असेल तर यात पालक पऱ्यांचा समावेश करायला विसरू नका. जाणून घ्या पालक पऱ्यांची सोपी रेसिपी.

Follow Us:

Follow Us:

दिवाळीचा सण आता अवघ्या काही दिवसांवर आला आहे. दरवर्षीप्रमाणे यावर्षीही देशभर दिवाळीच्या जंगत तयारीला आता सुरुवात झाली आहे. हिंदू धर्मातील प्रमुख सणांपैकी एक सण म्हणजे दिवाळी! या सणाला हिंदू धर्मात फार महत्त्व आहे. या सणानिमित्त देशभर दिव्यांची सुंदर सजावट आणि फटाक्यांचा गडगडाट पाहायला मिळतो आणि या सर्वात आणखीन एक गोष्ट येते ती म्हणजे दिवाळीचा चविष्ट फराळ. तुम्हीही दिवाळीचा फराळ बनवायला सुरुवात केली असेल तर आजचा हा पदार्थाला फराळात समाविष्ट करायला अजिबात विसरू नका.

आता दिवाळी म्हटली की, गृहिणींची साफसफाई आणि दिवाळीच्या फराळाची तयारी अवघ्या काही दिवसांपासून सुरु होते. अनेकजण तर दिवाळीच्या या चवदार फराळासाठी या सणाची आतुरतेने वाट पाहत असतात. लहानांपासून मोठ्यांपर्यंत हा फराळ सर्वांच्याच तोंडात पाणी आणतो. यात अनेक पदार्थांचा समावेश केला जातो. आज आम्ही तुम्हाला खुशखुशीत आणि पौष्टिक पालक पाऱ्या घरी कशा तयार करायच्या याची एक सोपी रेसिपी सांगत आहोत. आपल्या दिवाळीच्या फराळात तुम्ही या पदार्थाचा समावेश करू शकता. जाणून घेऊयात यासाठी लागणारे साहित्य आणि कृती.

हेदेखील वाचा – तोंडात टाकताच विरघळणारी, भरपूर पदरांची खुसखुशीत शंकरपाळी कशी तयार करायची? जाणून घ्या

साहित्य

• 2 कप चिरलेला पालक
• 1 कप मैदा
• 2 कप गव्हाचे पीठ
• 1/2 कप बेसन
• 1/2 चमचा लाल तिखट
• 1/2 चमचा चाट मसाला
• 3 चमचे रवा
• 1/2 चमचा जिरे
• 1/2 चमचा काळी मिरी

हेदेखील वाचा – Recipe: टेस्टी चाट खायला फार आवडते? मग यावेळी ट्राय करा चटपटीत भाकरी चाट

कृती

• पालक पाऱ्या बनवण्यासाठी सर्वप्रथम पालक घेऊन स्वछ पाण्याने धुवून काढा
• यानंतर पालकला मिक्सरमध्ये टाकून बारीक करून घ्या
• नंतर एक भांडे घ्या आणि यात मैद्याचे पीठ, गव्हाचे पीठ आणि बेसन पीठ टाका
• आता यात रवा, जिरे, काळी मिरी आणि पालक टाकून एकत्र करा ]
• सर्व साहित्य नीट एकजीव करुन याचे घट्ट पीठ मळून घ्या
• आता हे तयार पीठ 10-15 मिनिटे झाकून ठेवा
• मग या पिठाचा गोळा तयार करून लाटून घ्या
• लाटताना याची जाडी फार बारीक आणि फार जाड अशी न करताना मध्यम असुद्या
• आता पोळीप्रमाणे गोल लाटल्यांनंतर चाकूच्या मदतीने याचे काप करा
• दुसरीकडे गॅसवर एक कढई ठेवा आणि यात तेल टाका
• तेल चांगले गरम झाले की यात तयार पऱ्या टाका
• मध्यम आचेवर या पाऱ्या छान सोनेरी रंग येईपर्यंत तळून घ्या
• अशाप्रकारे तुमच्या पालक पाऱ्या तयार होतील
• तुम्ही चहासोबत यांचा आस्वाद घेऊ शकता

Web Title: Diwali 2024 tasty and nutritious palak pare know the recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com