संध्याकाळच्या नाश्त्याला बनवा स्ट्रीट स्टाइल सोया मोमो, योग्य पद्धत जाणून घ्या

मोमो लहानांपासून मोठ्यांपर्यंत सर्वांच्या आवडीचा पदार्थ आहे. बऱ्याचदा लोक हे मोमो घरी बनवायला बघतात मात्र हवे तसे मोमो बनवण्यात ते यशस्वी होत नाहीत. अशात तुम्हालाही घरी मोमो बनवायचे असल्यास तुम्ही आजची ही रेसिपी नक्कीच फॉलो करू शकता. मोमो अनेक प्रकारे बनवले जातात, आम्ही तुमच्यासोबत सोया मोमोची रेसिपी शेअर करत आहोत.

Follow Us:

Follow Us:

आजकाल मोमोज हा सर्वांच्या आवडीचा पदार्थ बनला आहे. फक्त लहानांनाच नाहीतर मोठ्यांनाही या पदार्थाने वेड लावले आहे. हा पदार्थ मूळ नेपाळचा आहे. मात्र जगभरात या पदार्थाचे चाहते पाहायला मिळतात. भारतातही या पदार्थाची चांगलीच प्रसिद्धी आहे. रस्त्यावर जागोजागी मोमोचे स्टाॅल पाहायला मिळतात. अनेकदा लोक हे मोमो घरी बनवायला बघतात मात्र त्यांची चव स्ट्रीटवर मिळत असलेल्या मोमोसारखी लागत नाही.

मात्र आता चिंता करू नका कारण आज आम्ही तुमच्यासाठी व्हेज सोया मोमोची रेसिपी घेऊन आलो आहोत. ही रेसिपी फॉलो करून तुम्ही परफेक्ट स्ट्रीट स्टाइल मोमो तयार करू शकता. चला तर मग जाणून घेऊयात यासाठी लागणारे साहित्य आणि कृती.

हेदेखील वाचा – Navratri Recipe: उपवासात काही खास खायचे आहे? मग चविष्ट साबुदाणा चीला बनवून पहा

साहित्य

• कप रवा
• 1 कप कॉर्नफ्लोर
• 1 कप साबुदाणा
• 2 टेबलस्पून उकडलेल्या बीटरूटचा रस
• 2 कप सोयाबीन
• व्हाईट व्हिनेगर
• 1 कांदा बारीक चिरलेला
• 2 बारीक चिरलेले टोमॅटो
• एक चतुर्थांश कप बारीक चिरलेले गाजर
• एक चतुर्थांश कप बारीक चिरलेले बीन्स
• 2 हिरव्या मिरच्या बारीक चिरलेल्या
• 1 इंच आले बारीक चिरलेले
• एक चमचा बारीक चिरलेला लसूण
• 10 पाण्यात भिजवलेल्या काश्मिरी लाल मिरच्या
• एक चमचा सोया सॉस
• अर्धा चमचा लाल तिखट
• अर्धा चमचा काळी मिरी पावडर
• एक चमचा साखर
• चवीनुसार मीठ

हेदेखील वाचा – Navratri Special : झटपट बनवा जाळीदार आणि मऊ उपवासाची इडली-चटणी

कृती

• व्हेज सोया मोमो बनवण्यासाठी सर्वप्रथम एका पॅनमध्ये साबुदाणा टाकून व्यवस्थित भाजून घ्या. यानंतर हे साबूदाणेव मिक्सरमध्ये टाकून याची पावडर तयार करा
• आता एका भांड्यात व कप रवा, कॉर्नफ्लोर आणि अर्धा चमचा मीठ घाला आणि गरम पाण्याने पीठ मळून घ्या. या पिठाच्या गोळ्यावर एक चमचा तेल घालून ग्रीस करा
• नंतर एक कढई घ्या आणि यात दोन कप पाणी घेऊन त्यात एक चमचा बारीक चिरलेला लसूण, एक चमचा बारीक चिरलेले आले, अर्धा चमचा साखर, एक चमचा व्हाईट व्हिनेगर, एक चमचा सोया सॉस आणि दोन कप सोयाबीन घालून सर्व काही उकळेपर्यंत शिजवा
• आता उकडलेले सोयाबीन मिक्सरच्या भांड्यात टाकून बारीक करून घ्या
• आता गॅसवर कढई ठेवून एक चमचा तेल गरम करून यात एक चमचा बारीक चिरलेला लसूण टाका आणि परतून घ्या, मग यात बारीक चिरलेल्या कांदा टाका आणि परतून घ्या
• आता कढईत एक बारीक चिरलेली हिरवी मिरची, बारीक चिरलेली कोथिंबीर, पाव कप बारीक चिरलेले गाजर, सोयाबीन, एक चमचा मीठ, एक चमचा काळी मिरी पावडर आणि बारीक केलेले सोयाबीन घाला आणि सर्व साहित्य व्यवस्थित एकजीव करा आणि शिजवून घ्या
• आता शेवटी मोमोज तयार करण्यासाठी तयार केलेल्या पिठाचे लहान गोळे करा आणि कॉनफ्लोरमध्ये गुंडाळा. याच्या पुऱ्या लाटा आणि यात स्टफिंग भरून याला मोमोसारखा आकरा द्या. तयार मोमो तुमच्या आवडीनुसार, स्टीम किंवा फ्राय करा

Web Title: How to make soya momo at home easy recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com