Makar Sankranti 2025: घरी बनवा खुशखुशीत अन् मऊसूत तिळ-खोबऱ्याचे लाडू, वाचा मराठमोळी रेसिपी

मकर संक्रांत स्पेशल: तिळाचे लाडू कडक होऊन फसतात? मग आता चिंता सोडा आणि तिळाच्या लाडवांची ही मराठमोळी रेसिपी एकदा ट्राय करून पहा. असे मऊसूत लाडू बनतील की घरातील सर्वच तुमच्यावर होतील खुश.

Makar Sankranti 2025: घरी बनवा खुशखुशीत अन् मऊसूत तिळ-खोबऱ्याचे लाडू, वाचा मराठमोळी रेसिपी

Follow Us:

Follow Us:

मकर संक्रांतीचा सण आता अवघ्या काही दिवसांवर आला आहे. यावर्षी हा सण 14 जानेवारी रोजी साजरा केला जाणार आहे. आता सण म्हटला की, गोडाचे पदार्थ हे आलेच. परंपरेनुसार, या सणानिमित्त तिळाचे लाडू तयार करण्याची प्रथा आहे. यानुसार, घरोघरी तिळाचे लाडू बनवले जातात किंवा बाजारातून खरेदी केले जातात. आता बऱ्याच जणांना हवे तसे परफेक्ट तिळाचे लाडू बनवता येत नाहीत. हे लाडू कधी फारच कडक बनतात किंवा फारच नरम बनतात. अशात आज आम्ही तुमच्यासाठी तिळाच्या लाडवांची एक परफेक्ट रेसिपी घेऊन आलो आहोत.

या रेसिपीच्या मदतीने तुम्ही अगदी चविष्ट आणि खुशखुशीत असे तिळाचे लाडू तयार करू शकता. हे लाडू घरातील सर्वांनाच खुश करतील आणि सणाच्या रंगतही वाढवतील. लाडू हा कठीण प्रकार असला तरी आज आम्ही तुम्हाला सोप्या पद्धतीने तिळाचे लाडू कसे तयार करायचे याची हटके रेसिपी सांगत आहोत. यासाठी तुम्हाला अधिक साहित्याची आवश्यकता नाही आणि अधिक वेळेचीही गरज नाही. चला तर मग जाणून घेऊयात यासाठी लागणारे साहित्य आणि कृती.

हिवाळ्यात मटारपासून बनवा हा नवा कोरा कुरकुरीत पदार्थ, त्वरित साहित्य आणि कृती नोट करा

साहित्य

• 1/2 किलो तिळ
• 1/2 किलो चिकीचा गूळ
• 1 ते दिड वाटी शेंगदाण्याचे कूट
• 1 वाटी किसून भाजलेले सुकं खोबरं
• 1/2 वाटी चण्याचं डाळं
• 1 चमचा वेलची पूड
• 1 ते 2 चमचे तूप

Potato Twister Recipe: विकत कशाला लहान मुलांसाठी घरीच तयार करा स्ट्रीट स्टाइल कुरकुरीत पोटॅटो ट्विस्टर

कृती

• तिळाचे लाडू तयार करण्यासाठी सर्वप्रथम तीळ मंद आचेवर व्यवस्थित भाजून घ्या
• आता गॅसवर एक कढई ठेवा आणि यात तूप आणि चिकीचा गूळ वितळवून घ्यावा
• गूळ पूर्ण पातळ झाला कि थोड्या वेळाने तो फेसाळतो
• पाक गोळीबंद झाला आहे की नाही हे पाहण्यासाठी गूळाचा पाक फेसाळला की गॅस बारीक करावा
• आता एका वाटीत गार पाणी घ्या आणि त्यात पाकचा एक थेंब घाला
• बोटाने तो पाक हातात घेऊन त्याची गोळी करावी आणि वाटीतल्या पाण्यात तो गोळा खडा मारल्यासारखा टाकावा, जर वाटीचा “टण्णं” असा आवाज आला तर पाक तयार आहे असे समजून जा
• यानंतर यात भाजलेले तिळ, दाण्याचा कूट, भाजलेले सुके खोबरे, चण्याच्या डाळा, वेलची पूड घाला आणि सर्व
• मिश्रण ढवळून काही सेकंड शिजवून घ्या
• यांनतर मिश्रण गरम असतानाच त्याचे लाडू वळायला सुरुवात करा
• लक्षात ठेवा, थंड मिश्रणाचे लाडू वळले जात नाहीत
• लाडू वळताना तुम्ही हाताला तूप लावू शकता

Web Title: Know how to make perfect til ladoo at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com