हिवाळ्यात मटारपासून बनवा हा नवा कोरा कुरकुरीत पदार्थ, त्वरित साहित्य आणि कृती नोट करा

Crispy Peas Triangles: संध्याकाळच्या चहासोबत कोणता कुरकुरीत पदार्थ शोधत आहात? मग मटारची ही हटके रेसिपी एकदा नक्की ट्राय करून पहा. सोशल मीडियावर ही रेसिपी अनेकांच्या पसंतीस पडत आहे.

हिवाळ्यात मटारपासून बनवा हा नवा कोरा कुरकुरीत पदार्थ

Follow Us:

Follow Us:

हिवाळ्याच्या या थंड वातावरणात बाजारात भाज्या फार स्वस्त होतात. मुळातच भाज्या या आपल्या आरोग्यासाठी फार फायद्याच्या ठरतात, ज्यामुळे यांचा आपल्या आहारात आवर्जून समावेश करावा. या दिवसात काही हंगामी भाज्या देखील विक्रीसाठी येत असतात, ज्यांचे सेवन या दिवसांत फार फायद्याचे ठरते. आज आम्ही तुम्हाला मटारपासून तयार केली जाणारी एक हटके आणि कुरकुरीत अशी रेसिपी सांगणार आहोत. संध्याकाळच्या चहासोबत ही रेसिपी एक उत्तम पर्याय ठरेल.

तुम्ही चटपटीत आणि कुरकुरीत खाण्याचे शौकीन असाल तर हा पदार्थ तुमच्या लिस्टमध्ये जरूर ऍड करा. ही रेसिपी कमीतकमी वेळेत आणि निवडक साहित्यापासून तयार केली जाते आणि यासाठी तुम्हाला फार मेहनत घेण्याचीही गरज नाही. ही एक सोपी रेसिपी आहे, जी झटपट तयार होते. ही रेसिपी तुम्ही अनेक दिवस साठवून तुम्हाला हवे तेव्हा याचा आस्वाद घेऊ शकता. सोशल मीडियावर व्हायरल होत असलेली ही रेसिपी अनेकांच्या चांगलीच पसंतीस पडत आहे. चला तर मग अजिबात वेळ न घालवते जाणून घेऊयात यासाठी लागणारे साहित्य आणि कृती.

Potato Twister Recipe: विकत कशाला लहान मुलांसाठी घरीच तयार करा स्ट्रीट स्टाइल कुरकुरीत पोटॅटो ट्विस्टर

साहित्य

• 2 उकडलेले आणि किसलेले बटाटे
• 1 टेबलस्पून चिली फ्लेक्स
• 1 टेबलस्पून ओरेगॅनो
• 1 टेबलस्पून कश्मीरी लाल मिरची
• अर्धा टेबलस्पून मीठ
• अर्धा टेबलस्पून गरम मसाला
• अर्धी वाटी मॅश केलेली मटार
• 2 टेबलस्पून कॉर्न फ्लॉर
• एक वाटी ब्रेड क्रम्ब्स

संध्याकाळच्या नाश्त्याला बनवा बटाटयाची खुसखुशीत कचोरी, झटपट रेसिपी नोट करा

कृती

• यासाठी सर्वप्रथम एका बाऊलमध्ये २ उकडलेले आणि किसलेले बटाटे घ्या
• यानंतर त्यात १ टेबलस्पून चिली फ्लेक्स, १ टेबलस्पून ओरेगॅनो, १ टेबलस्पून कश्मीरी लाल मिरची, अर्धा टेबलस्पून मीठ, अर्धा टेबलस्पून गरम मसाला घाला आणि सर्व साहित्य नीट एकजीव करा
• मग यात र्धी वाटी किसलेली मटार, २ टेबलस्पून कॉर्न फ्लॉर आणि एक वाटी ब्रेड क्रम्ब्स घाला
• सर्व साहित्य व्यवस्थित मिक्स करून एकजीव करा
• आता तयार मिश्रणाचा गोळा तयार करा आणि व्हिडिओत दाखवल्याप्रमाणे, जाडसर थापून घ्या
• आता चाकूच्या साहाय्याने याला त्रिकोणी आकारामध्ये कापून वेगळे करा
• दुसरीकडे गॅसवर कढई ठेवून त्यात तेल तापत ठेवा
• तेल तापले की शेवटी मंद आचेवर हे त्रिकोणी काप छान कुरकुरीत होईपर्यंत तळून घ्या
• तयार क्रंची ट्रायंगल्स सॉससोबत खाण्यासाठी सर्व्ह करा
• ही रेसिपी @khana_peena_recipe नावाच्या इंस्टाग्राम अकाउंटवरुन शेअर करण्यात आली आहे

Web Title: These winter try crispy peas triangle recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com