Monsoon Special: बेसनाशिवाय बनवा कुरकुरीत कांदा भजी, चवीला एकदम भारी, वाचा रेसिपी

कांदे भजी खावेसे वाटतायेत मात्र घरात बेसनाचे पीठ नाही मग आता चिंता सोडा आणि विना बेसन अशाप्रकारे बनवा कुरकुरीत कांदा भजी. (फोटो सौजन्य: istock)

Follow Us:

Follow Us:

कांदा जवळपास प्रत्येक पदार्थात वापरला जातो. कांद्यांचे कितीही भाव गगनाला भिडले तरी लोक त्याला खरेदी करणे बंद करत नाहीत. या कांद्यापासूनच एक कुरकुरीत आणि स्वादिष्ट पदार्थ बनवला जातो. हा पदार्थ म्हणजे सर्वांचे फेव्हरेट कांदे भजी. कांदे भजी कोणाला आवडत नाहीत, या ऋतूत तर यांची मजाच निराळी. नुकताच पावसाळा ऋतू सुरु झाला आहे, या ऋतूत गरमा गरम कांदे भजी खाणे कोणत्या स्वर्गाहून कमी नाही. चहाची चुस्की आणि हातात कांदे भजी… हा कॉम्बो जणू कधीच जुना होऊ शकत नाही.

अनेकदा हे कांदे भजी आपण घरीदेखील बनवत असतो. आज याच कांदे भाजींची रेसिपी आम्ही तुमच्यासाठी घेऊन आलो आहोत. आता तुम्हाला वाटतं असेल की यात काय नवे, कांदे भजी तर सर्वांनाच बनावता येतात मात्र आज आम्ही तुम्हाला कांदे भाजींची एक निराळी रेसिपी सांगत आहोत. तुम्ही कांदे भजी बेसन टाकून बनवले असतील मात्र आज आम्ही तुम्हाला विना बेसन कांदे भजी कसे तयार करायचे याची एक सोपी रेसिपी सांगत आहोत. चला तर जाणून घेऊयात यासाठी लागणारे साहित्य आणि कृती.

साहित्य

• कांदे
• एक/ दोन कप तांदळाचं पीठ/ मुग डाळीचं पीठ,
• लाल तिखट
• चाट मसाला
• आलं लसूण आणि हिरव्या मिरचीची पेस्ट.
• जीरा पावडर
• चिरलेली कोथिंबीर
• चवीनुसार मीठ
• दोन चमचे पाणी

कृती

• विना बेसन कांद्याची भजी बनवण्यासाठी सर्वप्रथम कांदा स्वछ धुवून पातळ चिरून घ्या
• चिरताना एक सोपा बदल आपल्याला करायचा आहे तो म्हणजे कांदा उभा पकडायच्या ऐवजी आपल्याला आडवा धरायचा आहे.
• यामुळे कांद्याचे काप लांब व बारीक होतील आणि भजीला छान कुरकुरीतपणा येईल
• आता या चिरलेल्या कांद्याला एका बाउलमध्ये काढून यात मीठ घाला आणि मिक्स करा आणि मग हे बाजूला ठेवून द्या. काहीवेळाने यात पाणी सुटेल
• आता यात आपल्या बेसनाऐवजी भिजवलेल्या मूग डाळीची बारीक वाटलेली पेस्ट घालायची आहे
• तुम्ही यात तुम्हाला हवे असल्यास मुगाच्या डाळीचे पीठदेखील वापरू शकता
• भजीला जास्त कुरकुरीतपणा यावा यासाठी तुम्ही यात तांदळाचे पीठदेखील घालू शकता
• आता यात एक ते दोन चमचे लाल तिखट, एक चमचा चाट मसाला, एक चमचे आलं लसूण आणि हिरव्या मिरचीची पेस्ट, एक ते दोन चमचे जीरा पावडर, एक
• ते दोन कप चिरलेली कोथिंबीर, चवीनुसार मीठ असे सर्व सामान टाकून नीट टाकून एकत्र करा
• आता गॅसवर कढईत तेल गरम करा
• तेल गरम झाले की तेलात एक एक भजी सोडा आणि मध्यम आचेवर छान कुरकुरीत होईपर्यंत तळून घ्या
• अशाप्रकारे तुमचे कुरकुरीत कांद्याचे भजी तयार होतील, यांना सॉस किंवा पुदिन्याच्या चटणीसोबत खाण्यासाठी सर्व्ह करा

Web Title: Monsson special recipe without besan make crispy and tasty kanda bhaji

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com