काही गोड होऊन जाऊद्यात, श्रावणी उपवासाला आवर्जून बनवा मखान्याची पौष्टिक बर्फी!

श्रावण महिना अखेर सुरु झाला आहे. हा महिना संपूर्णपणे भगवान शंकराला समर्पित केला जातो. तुम्हीही श्रावणात उपवास ठेवला असेल तर उपवासाची ही पौष्टिक मखाना बर्फी जरूर करून पहा. ही बर्फी तुम्ही भगवान शंकरला समर्पित करू शकता. (फोटो सौजन्य: Pinterest)

Follow Us:

Follow Us:

नुकताच श्रावण महिना सुरु झाला आहे. हा महिना भगवान शंकराला समर्पित केला जातो. या महिन्यात शंकराला प्रसन्न करण्यासाठी अनेकजण व्रत-उपवास करत असतात. आता उपवास म्हटलं की, उपवासाचे पदार्थ आलेच. साबुदाणा खिचडी, भगर, बटाट्याची उसळ हे पदार्थ तर तुम्ही अनेकदा खाल्ले असतील मात्र तुम्ही उपवासाचा गोड पदार्थ शोधत असाल तर आजची ही रेसिपी तुमच्या कामाची ठरणार आहे. आज आम्ही तुम्हाला मखान्याची पौष्टिक बर्फी कशी तयार करायची याची एक सोपी रेसिपी सांगत आहोत. ही बर्फी तुम्ही श्रावणी सोमवारात भगवान शंकरला समर्पितदेखील करू शकता. जाणून घ्या यासाठी लागणारे साहित्य आणि कृती.

साहित्य

• 200 ग्रॅम मखाने
• 2 वाटी नारळ पावडर
• 2 वाटी शेंगदाणे
• 2 पाकिट दूध पावडर
• 1/2 वाटी तूप
• 400 ग्रॅम दूध
• 1 वाटी साखर
• 7-8 वेलची

हेदेखील वाचा – संध्यकाळच्या नाश्त्याला काही टेस्टी खावंसं वाटतंय? मग झटपट बनवा ‘बटाटा पोहा रोल’!

कृती

• उपवासाची पौष्टिक बर्फी तयार करण्यासाठी सर्वप्रथम एका नॉन-स्टिक पॅनमध्ये तूप घालून मखाने छान भाजून घ्या
• हे मखाने भाजून झाल्यानंतर एका प्लेटीत काढून घ्या
• त्यानंतर त्यामध्ये शेंगदाणे घालून साधारण ५-१० मिनिट भाजून घ्या
• आता हे मखाने आणि शेंगदाणे मिक्सरमध्ये टाकून बारीक वाटून घ्या
• यानंतर आता दुसरीकडे गॅसवर एक भांडे ठेवा आणि त्यात दूध गरम करत ठेवा
• या दुधात साखर घालून मिक्स करा
• दुधाला उकळी आल्यानंतर त्यात मखान्याचे मिश्रण आणि मिल्क पावडर टाका आणि मिश्रण नीट ढवळून घ्या
• यानंतर आता हे मिश्रण एका प्लेटीत काढून सेट करण्यासाठी काही तास बाजूला ठेवून द्या
• मिश्रण छान सेट झाले की चाकूच्या मदतीने याचे काप करून घ्या
• अशाप्रकारे तुम्ही मखाना बर्फी तयार होईल

Web Title: Shravan special recipe make nutritious makhana barfi at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com