Weekend Special: घरी बनवा लज्जतदार आणि कुरकुरीत चिकन फ्राय; हॉटेलची चवही यापुढे फेल

Chicken Fry Recipe: विकेंडसाठी झटपट टेस्टी बनवायचे असेल तर आजची ही रेसिपी तुमच्यासाठी परफेक्ट आहे. ढाबा स्टाईल कुरकुरीत चिकन फ्राय घरी कसा बनवायचा ते जाणून घ्या. रेसिपी फार सोपी आहे.

(फोटो सौजन्य: Pinterest)

Follow Us:

Follow Us:

विकेंडचा दिवस म्हटलं की, आपोपाप आपल्या मनात चिकन खाण्याचा विचार येऊ लागतो. नॉनव्हेज खाद्यप्रेमींसाठी आज आम्ही एक खास रेसिपी घेऊन आलो आहोत. ही रेसिपी तुम्ही आजवर अनेक हॉटेल्समध्ये खाल्ली असेल. लहानांपासून मोठ्यांपर्यंत हा पदार्थ सर्वांच्या आवडीचा… आम्ही ज्या पदार्थांविषयी बोलत आहोत तो पदार्थ म्हणजे चिकन फ्राय. चवदार, मसालेदार आणि कुरकुरीत असे चिकन फ़्राय खायला कोणाला आवडत नाही.

मात्र तुम्हाला माहिती आहे का? तुम्ही अवघ्या काही मिनिटांतच हा पदार्थ घरी बनवू शकता. विकेंडसाठी अजूनपर्यंत जर तुमचा काही प्लॅन बनला नसेल तर घरी एकदा रेसिपी नक्की ट्राय करा. यासाठी तुम्हाला फार साहित्याची किंवा वेळेची गरज नाही. याची चव तुमच्या घरातील सर्वांनाच फार आवडेल आणि तुमचा विकेंडचा दिवसही खास बनवेल. चला तर मग जाणून घेऊया यासाठी लागणारे साहित्य आणि कृती.

सकाळच्या नाश्त्यासाठी सोप्या पद्धतीमध्ये बनवा Cheese Tomato Sandwich, नोट करून घ्या सिंपल रेसिपी

साहित्य

• 500 ग्रॅम चिकन
• 1 टीस्पून आले-लसूण पेस्ट
• 1 टीस्पून लाल तिखट
• चवीनुसार मीठ
• तेल
• कॉनफ्लोर
• सोया सॉस
• शेजवान चटणी
• थोडासा लिंबाचा रस

Viral Recipe: गावरान स्टाईल रात्रीच्या जेवणाला बनवा टोमॅटोचा ठेचा; 10 मिनिटांतच तयार होते रेसिपी

कृती

• यासाठी सर्वप्रथम चिकन स्वछ धुवा आणि याचे बारीक तुकडे करून एका भांड्यात ठेवा
• आता यात आले-लसूण पेस्ट, कॉनफ्लोर, मीठ, सोया सॉस, शेजवान चटणी, लाल तिखट आणि लिंबाचा रस घाला
• सर्व साहित्य व्यवस्थित मिसळा आणि 30 मिनिटे मॅरीनेट करण्यासाठी सोडा
• चिकनला मॅरिनेट केल्याने मसाले छान त्यात मुरतात आणि याने चवही अप्रतिम लागते
• आता यानंतर गॅसवर कढई ठेवून त्यात तेल गरम करा
• तेल गरम झाले की यात मॅरीनेट केलेले चिकनचे तुकडे टाका
• मध्यम आचेवर चिकन 5-6 मिनिटे दोन्ही बाजूंनी छान कुरकुरीत होईपर्यंत फ्राय करा
• अशाप्रकारे तुमचे क्रिस्पी चिकन फ्राय तयार आहे
• तयार फ्राईड चिकन एका प्लेटमध्ये पुदिना चटणीसह खाण्यासाठी सर्व्ह करा

Web Title: Weekend special make cripsy fried chicken at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com