Tomato Sauce Recipe: मुलांसाठी घरच्या घरी बनवा प्रिझर्व्हेटिव्ह-फ्री टेस्टी अन् हेल्दी टोमॅटो सॉस, रेसिपी नोट करा

Tomato Sauce Healthy Recipe: जर तुम्हालाही मुलांसाठी हेल्दी टोमॅटो सॉस ते ही कोणत्याही प्रिझर्व्हेटिव्ह्जशिवाय बनवायचे असेल ही सोपी आणि हेल्दी रेसिपी नक्की फॉलो करा.

आजकाल बाजारात मिळणाऱ्या टोमॅटो सॉसमध्ये प्रिझर्व्हेटिव्ह्ज, कृत्रिम रंग आणि जास्त प्रमाणात साखर वापरली जाते. त्यामुळे अनेकजण घरच्या घरी शुद्ध आणि हेल्दी टोमॅटो सॉस बनवतात. घरच्या घरी तयार केलेला टोमॅटो सॉस चविष्ट तर असतोच, शिवाय आरोग्यासाठीही अधिक सुरक्षित मानला जातो. विशेष म्हणजे हा सॉस मुलांपासून मोठ्यांपर्यंत सर्वांनाच आवडतो आणि स्नॅक्स, सँडविच किंवा फ्रेंच फ्राइजसोबत खाण्यासाठी उत्तम पर्याय ठरतो. प्रिझर्व्हेटिव्ह-फ्री टेस्टी अन् हेल्दी टोमॅटो सॉसची ही सोपी रेसिपी नोट करा.

Weight Loss Tips:  Belly Fat कमी करायचंय? डाएटची गरज नाही! ‘या’ सोप्या टिप्सने वजन करा कमी

टोमॅटो सॉस बनवण्यासाठी लागणारे साहित्य

• १ किलो पिकलेले लाल टोमॅटो
• २ ते ३ चमचे साखर
• १ चमचा मीठ
• अर्धा चमचा काळी मिरी पावडर
• अर्धा चमचा लाल तिखट
• २ चमचे व्हिनेगर
• ४ ते ५ लसूण पाकळ्या

टोमॅटो सॉस बनवण्याची पद्धत

सर्वप्रथम टोमॅटो स्वच्छ धुऊन त्याचे मोठे तुकडे करून घ्या. आता एका भांड्यात टोमॅटो आणि लसूण घालून ते मऊ होईपर्यंत शिजवा. टोमॅटो पूर्णपणे मऊ झाल्यानंतर मिश्रण थंड होऊ द्या आणि मिक्सरमध्ये बारीक वाटून घ्या. त्यानंतर हे मिश्रण गाळणीच्या मदतीने गाळून त्यातील साल आणि बिया वेगळ्या करा. आता गाळलेले मिश्रण पुन्हा गॅसवर ठेवा. त्यात साखर, मीठ, काळी मिरी पावडर आणि लाल तिखट घालून मंद आचेवर शिजवा. मिश्रण घट्ट होऊ लागल्यावर त्यात व्हिनेगर मिसळा. सॉस योग्य प्रमाणात घट्ट झाल्यानंतर गॅस बंद करा आणि पूर्ण थंड होऊ द्या. प्रिझर्व्हेटिव्ह-फ्री टेस्टी अन् हेल्दी टोमॅटो सॉस तुम्ही तुमच्या आवडत्या स्नॅक्ससोबत सर्व्ह करु शकता.

स्टोअर करताना ही काळजी घ्या

टोमॅटो सॉस पूर्ण थंड झाल्यानंतर स्वच्छ आणि कोरड्या काचेच्या बाटलीत भरून फ्रिजमध्ये ठेवा.
योग्य प्रकारे स्टोअर केल्यास हा सॉस अनेक दिवस टिकू शकतो.

Skin Care Tips: महागडे प्रोडक्ट नव्हे, तर ‘या’ सवयी देतील नॅचरल ग्लोइंग स्किन; जाणून घ्या