सोमवार, 21 सप्टेंबर 2026
Hotel Towels: हॉटेलमधून चेकआउट (फोटो सौजन्य- सोशलमीडिया)
Hotel Towels: आपण कधी हॉटेलमध्ये गेलो की सगळ्यात आधी काय बघतो? रूम कशी आहे, बाथरूम स्वच्छ आहे का? आणि बाथरूममध्ये असलेले जाड, मऊ, पांढरे शुभ्र टॉवेल. हे टॉवेल हाताला मऊ असतात. पण कधी विचार केलाय का? हे टॉवेल काही दिवसांनी जुने झाल्यावर त्यांचं काय होत असेल ? त्यांना कचऱ्यात फेकून देतात का? तर नाही, एकही मोठं हॉटेलवाले जुने टॉवेल असे कचऱ्यात फेकत नाही. नेमकं ‘त्या’ टॉवेलचं काय जाणून घ्या… Hotel Towels:
रोज शेकडो लोक तोच टॉवेल वापरतात. रोज धुतला जातो. गरम पाण्यात, केमिकलमध्ये धुतल्यामुळे काही महिन्यांतच तो टॉवेल पातळ होऊ लागतो. त्याचा पांढरेपणा कमी होतो, थोडा पिवळसर दिसू लागतो. आणि सगळ्यात महत्वाचं म्हणजे त्याची पाणी शोषून घेण्याची क्षमता कमी होते. अशा वेळी तो टॉवेल पाहुण्यांसाठी वापरता येत नाही. कारण फाईव्ह स्टार हॉटेलमध्ये ग्राहकाला जुनं, पातळ टॉवेल देता येत नाही.पण याचा अर्थ तो टाकाऊ झाला असं नाही.
क्लीन इंडिया जर्नलनुसार, हॉटेल इंडस्ट्रीमध्ये जुन्या चादरी आणि टॉवेलचा परत वापर करण्यासाठी अनेक आयडिया वापरल्या जातात. जर टॉवेल थोडा जुना झाला असेल पण कापड अजूनही चांगलं असेल तर त्याला दुसऱ्या कामासाठी वापरतात. साफसफाईसाठी सगळ्यात जास्त वापर होतो . हॉटेलमधले कामगार तेच टॉवेल फाडून फडके बनवतात. मग त्या फडक्याने रूममधली धूळ पुसणे, काच पुसणे, फरशी पुसणे अशी कामं केली जातात. काही वेळा पेंटिंग किंवा काही रिपेअरचं काम चालू असेल तर खाली फरशीवर तेच टॉवेल अंथरतात जेणेकरून फरशी खराब होणार नाही.
प्रत्येक हॉटेलची पद्धत वेगळी असते. काही मोठी हॉटेल्स असे जुने पण चांगल्या स्थितीतले टॉवेल आणि चादरी गरजू लोकांना दान करतात. वॉशिंग्टन पोस्टच्या एका रिपोर्टमध्ये सांगितलं होतं की काही हॉटेल्स त्यांचे जुने टॉवेल अनाथाश्रमाला किंवा धर्मादाय संस्थांना देतात. एका हॉटेल समूहाने तर प्राण्यांच्या निवारा केंद्राला जुने टॉवेल दान करण्याचा उपक्रम सुरू केला होता. तिथे कुत्र्या-मांजरांना थंडीपासून वाचवण्यासाठी या टॉवेलचा वापर होतो.
Recipe : शिरा जाल विसरुन… अशाप्रकारे बनवा मूगाच्या डाळीची क्रिमी खीर, तोंडात टाकताच विरघळेल
जेव्हा टॉवेल अगदीच जीर्ण होतो, फाटून जातो, त्याचा अजिबात वापर होऊ शकत नाही तेव्हा त्याचा पुनर्वापर केला जातो. याला रिसायकलिंग म्हणतात.त्याचे छोटे तुकडे करून त्याच्या धाग्यांपासून परत नवीन काहीतरी बनवलं जातं. भारतात तर यासाठी एक खास उपक्रम पण सुरू आहे. हॉटेल आणि हॉस्पिटलमधले जुने टॉवेल, चादरी गोळा करून त्यांच्यापासून नवीन वस्तू बनवल्या जातात. जसं की पायपुसणी, गाडी पुसायचे फडके किंवा नवीन कापड तयार केले जाते. त्यामुळे पुढच्या वेळी हॉटेलमध्ये गेल्यावर त्या पांढऱ्या टॉवेलकडे बघून त्याच्या या लांब प्रवासाचा नक्की विचार करा.
