उरलेल्या शिळ्या भाताला फेकून न देता त्यापासून बनवा कुरकरीत आणि स्वादिष्ट भजी, वाचा रेसिपी

तुम्हीही रात्रीच्या उरलेल्या शिळ्या भाताला फेकत असाल तर थांबा. यापासून बनवा कुरकुरीत आणि स्वादिष्ट भजी. हा भज्यांची चव लहानांपासून मोठ्यांपर्यंत सर्वांनाच फार आवडेल. (फोटो सौजन्य: istock)

Follow Us:

Follow Us:

अनेकदा रात्री जास्तीचा भात केला की, त्यापासून फोडणीचा भात बनवून खाल्ला जातो. मात्र अनेकदा या फोडणीचा भात खाऊन कंटाळा येतो आणि काही तरी चमचमीत खावे असे वाटते. त्याचबरोबर हा शिळा भात वाया जाऊ नये म्हणून यापासून नवीन रुचकर असे काय बनवावे असा प्रश्न अनेक गृहिणींना पडतो. तुमच्याही घरी असा रात्रीचा उरलेला भात असेल तर त्यापासून तुम्ही कुरकुरीत भजी तयार करू शकता.

भजी तर अनेक प्रकारे बनवून खाल्ली जातात मात्र उरलेल्या भाताची भजी मुळातच कोणी खाल्ली असावी. तुम्हीही ही भाताची भजी करून खाल्ली नसतील तर आजच ही रेसिपी नक्की करून पहा. ही रेसिपी अगदी सहज आणि कमी वेळेत बनून तयार होते. चला तर पाहुयात यासाठी लागणारे साहित्य आणि कृती.

साहित्य

• उरलेला भात
• 2 वाटी बेसनाचे पीठ
• 3-4 हिरव्या मिरच्या बारीक चिरलेल्या
• 1 कप गव्हाचे पीठ
• 1 चमचा लाल तिखट
• 1 चमचा जिरे
• 1/2 चमचा हळद
• चवीप्रमाणे मीठ
• तळण्यासाठी तेल
• कोथिंबीर

[read_also content=”पावसाची मजा डबल करतील क्रिस्पी कॉर्न भजी! लगेच नोट करा रेसिपी https://www.navarashtra.com/lifestyle/how-to-make-crispy-corn-pakoda-note-the-recipe-545093.html”]

कृती

• यासाठी सर्वप्रथम एका भांड्यामध्ये उरलेला भात टाका आणि मग यात बेसन पीठ, गव्हाचे पीठ, लाल तिखट, जिरे, हळद, कोथिंबीर, चवीनुसार मीठ हे सर्व साहित्य टाकून नीट एकजीव करून घ्या.
• आवश्यक असल्यास तुम्ही यात थोडे पाणी घालू शकता
• आता गॅसवर कढई ठेवून त्यात तेल टाका
• तेल गरम झाले की, मध्यम आचेवर तयार पिठाचे भजी काढून छान सोनेरी आणि कुरकुरीत होईपर्यंत तळून घ्या
• अशाप्रकारे अगदी सहज तुमचे भाताचे खुशखुशीत भजी तयार होतील
• या भज्यांचा सॉससोबत खाण्यासाठी सर्व्ह करा आणि कुटुंबासोबत यांचा आस्वाद घ्या

Web Title: How to make cripsy and tasty rice pakora note the recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com