दिवसाची सुरुवात करा स्पेशल पदार्थांने! सकाळच्या नाश्त्यात बनवा थंडगार काकडीचे बनवा चटपटीत सँडविच, नोट करून घ्या रेसिपी

उन्हाळा वाढल्यानंतर काकडी खाण्यास जास्त प्राधान्य दिले जाते. मात्र नेहमीच तीच काकडी खाऊन कंटाळा आल्यानंतर काहींना काही नवीन पदार्थ खाण्याची इच्छा होते, अशावेळी घरी सोप्या पद्धतीमध्ये बनवा काकडी सँडविच.

दिवसाची सुरुवात करा स्पेशल पदार्थांने! सकाळच्या नाश्त्यात बनवा थंडगार काकडीचे बनवा चटपटीत सँडविच

Follow Us:

Follow Us:

सकाळच्या नाश्त्यात नेहमीच काय बनवावं सुचत नाही. नेहमीच बाहेरील तेलकट किंवा तिखट पदार्थ खाऊन कंटाळा आल्यानंतर काहींना काही साधा सोपा आणि झटपट तयार होणारा पदार्थ खाण्याची इच्छा होते. उन्हाळ्याच्या दिवसांमध्ये मसालेदार किंवा तेलकट तिखट पदार्थ खाल्यानंतर शरीराची पचनक्रिया बिघडते, ज्यामुळे गॅस, अपचन किंवा आरोग्यासंबंधित इतरही समस्या उद्भवू लागतात. या समस्या उद्भवू नये म्हणून आहारात किंवा सकाळच्या नाश्त्यात शरीराला सहज पचन होणाऱ्या हलक्या आणि चविष्ट पदार्थांचे सेवन करावे. या पदार्थांच्या सेवनामुळे पोटात कायम थंडावा राहील. म्हणूनच आज आम्ही तुम्हाला सकाळच्या नाश्त्यात सोप्या पद्धतीमध्ये थंडगार काकडीचे सँडविच बनवण्याची सोपी रेसिपी सांगणार आहोत. हे सँडविच चवीला अतिशय सुंदर लागते आणि सँडविच खाल्यानंतर लवकर भूक लागत नाही. वाढलेले वजन कमी करताना सकाळच्या नाश्त्यात किंवा इतर वेळी तुम्ही काकडी सँडविच खाऊ शकता.जाणून घ्या काकडी सँडविच बनवण्याची सोपी रेसिपी.(फोटो सौजन्य – iStock)

रोजचा स्वयंपाक होईल अतिशय चवदार! पारंपरिक मराठवाडी पद्धतीने घरीच बनवा काळा मसाला, भाज्यांची चव लागेल सुंदर

साहित्य:

• काकडी
• दही
• मलाई
• चिली फ्लेक्स
• ओरिगॅनो
• काळीमिरी पावडर
• चाट मसाला
• ब्रेड
• मीठ

उन्हाळ्यासह इतर सर्वच ऋतूंमध्ये प्या पुदिन्याच्या पानांचे थंडगार सरबत, ‘या’ पद्धतीने तयार केलेली पावडर वर्षभर राहील टिकून

कृती:

• काकडी सँडविच बनवताना सर्वप्रथम, मोठ्या वाटीमध्ये दही घेऊन त्यात मलाई टाकून मिक्स करून घ्या.
• नंतर त्यात चवीनुसार मीठ, काळीमिरी पावडर, चाट मसाला, ओरिगॅनो, चिली फ्लेक्स टाकून व्यवस्थित मिक्स करून घ्या.
• काकडी स्वच्छ धुवून साल काढा. काकडी गोलाकार पातळ चिरून घ्या.
• ब्रेडवर दह्याचे मिश्रण लावून त्यावर काकडीचे स्लाइस ठेवा आणि दुसऱ्या ब्रेड घेऊन त्यावर पुन्हा एकदा दह्याचे मिश्रण लावून काकडीवर ठेवा.
• त्यानंतर तयार केलेल्या सँडविचचे चार तुकडे करून खाण्यासाठी सर्व्ह करा.
• तयार आहे सोप्या पद्धतीमध्ये बनवलेले थंडगार काकडीचे सँडविच. हे सँडविच तुम्ही नुसतेच सुद्धा खाऊ शकता.

Web Title: How to make cucumber sandwich at home cucumber benefits summer healthy food

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com