१० मिनिटांमध्ये शरीराला थंडावा देण्यासाठी झटपट बनवा दहीकांडी, बालपणीच्या आठवणी होतील ताज्या

उन्हाळा वाढल्यानंतर थंड पदार्थांचे सेवन मोठ्या प्रमाणावर केले जाते. अशावेळी तुम्ही सोप्या पद्धतीमध्ये दहीकांडी बनवू शकता. दहीकांडी लहान मुलांपासून ते अगदी मोठ्यांपर्यंत सगळ्यांचं खूप जास्त आवडेल.

वाढत्या उन्हाळ्यात शरीराला थंडाव्याची आवश्यकता असते. नारळ पाणी, ताक, दही, कोकम सरबत इत्यादी अनेक थंड पेयांचे सेवन केले जाते. या दिवसांमध्ये शरीरात वाढ्लेली उष्णता बऱ्याचदा आरोग्यासाठी अतिशय घातक ठरते. त्यामुळे उन्हात बाहेर गेल्यानंतर किंवा घरी असताना थंड पदार्थांचे भरपूर सेवन करावे. उन्हाळा ऋतूला सुरुवात झाल्यानंतर लहान पाणी बाजारात मिळणाऱ्या सरबताचा पाकिटांपासून कांडी किंवा गोळा बनवायला जायचा. याशिवाय अनेक घरांमध्ये घट्टसर दही वापरून आईस्क्रीम बनवले जायचे. उन्हाळा वाढल्यानंतर आईस्क्रीम, कोल्डड्रिंक्स इत्यादी पदार्थ खाण्यावर जास्त भर दिला जातो. मात्र सतत या पदार्थांचे सेवन केल्यामुळे सर्दी, खोकला, घसा बसणे, डोकं दुखणे इत्यादी अनेक समस्या उद्भवू लागतात. म्हणूनच आज आम्ही तुम्हाला सोप्या पद्धतीमध्ये दहीकांडी बनवण्याची सोपी रेसिपी सांगणार आहोत. या पद्धतीने बनवलेली दहीकांडी खाल्यास लहान पणाची आठवण सगळ्यांचं होईल. तुम्ही बनवलेली दहीकांडी लहान मुलांपासून अगदी मोठ्यांपर्यत सगळ्यांचं नक्की खूप आवडेल.(फोटो सौजन्य – iStock)

शरीरात थकवा होईल कायमचा दूर! सोप्या पद्धतीमध्ये घरी बनवा गुळाचे थंडगार सरबत, नोट करून घ्या रेसिपी

साहित्य:

• दही
• पाणी
• साखर

उन्हळ्यात घरी बनवा थंडगार मसाला ताक, शरीराला ठेवेल हायड्रेट; त्वरित जाणून घ्या रेसिपी

कृती:

• दहीकांडी बनवण्यासाठी सर्वप्रथम, मोठ्या वाटीमध्ये घट्टसर दही घेऊन त्यात आवश्यकतेनुसार पाणी घालून मिक्स करून घ्या.
• त्यानंतर त्यात आवडीनुसार साखर घालून दह्यात साखर पूर्णपणे वितळवून घ्या. साखर वितळल्याशिवाय कांडी बनवण्यास ठेवू नये.
• साखर पूर्णपणे वितळल्यानंतर आईस्क्रीमच्या ट्रेमध्ये तयार केलेले दह्याचे मिश्रण ओतून त्यात कांडी लावून फ्रिजमध्ये ठेवा.
• फ्रिजमध्ये ५ ते ६ तास ठेवल्यानंतर दहीकांडी तयार होईल. या पद्धतीने बनवलेली दहीकांडी लहान मुलांपासून अगदी मोठ्यांपर्यंत सगळ्यांचं खूप आवडेल.
• फ्रिजमध्ये ठेवलेले आईस्क्रीम बाहेर काढून नंतर १ मिनिट ठेवून ट्रेमधून काढून घ्या.
• तयार आहे सोप्या पद्धतीमध्ये बनवलेली दहीकांडी.