घरात कोणतीच भाजी नाही? मग आता चिंता सोडा आणि लगेच बनवा कांद्याची झणझणीत भाजी, भाजी पाहताच तोंडाला पाणी सुटेल

घरात कोणतीही भाजी शिल्लक नाही मग आता चिंता सोडा आणि कांद्यापासून बनाव झणझणीत भाजी. ही रेसिपी अगदी सोपी आणि अगदी कमी साहित्यापासून बनली जाते.

Follow Us:

Follow Us:

अनेकदा घरी भाजी आणायची राहून जाते. अशावेळी आता नक्की कोणती भाजी बनवावी असा प्रश्न अनेक गृहिणींना पडत असतो. तुमच्याही आयुष्यात कधी ना कधी अशी स्थिती आलीच असेल. अशावेळी डोकं अगदी चालेनास होत आणि घरच्यांना भूक लागली की आता काय बनवावे जे झटपट बनेल असाही विचार मनात येतो. म्हणूनच आज आम्ही तुमच्यासाठी एक खास रेसिपी घेऊन आलो आहोत. या रेसिपीसाठी तुम्हाला कोणत्याही विशेष भाजीची गरज नाही तसेच अगदी कमी सामानापासून आणि कमी वेळेत ही रेसिपी बनून तयार होते.

सोशल मीडियावर दररोज रेसिपींचे व्हिडिओज फार व्हायरल होत आहेत. असाच एक व्हिडिओ सध्या ट्रेंड करत आहे. यात कांद्याच्या भाजीची रेसिपी सांगण्यात आली आहे. चार कांद्यांपासून बनवली जाणारी ही भाजी बघूनच अगदी तोंडाला पाणी सुटते. चला तर जाणून घेऊयात याची रेसिपी.

साहित्य

• कांदे
• तेल
• जिरे
• हळद
• मीठ
• लाल तिखट
• कोथिंबीर

कृती

• कांद्याची भाजी बनवण्यासाठी सर्वप्रथम चार कांदे घ्या
• हे कांदे पातळ बारीक कापून घ्या
• त्यानंतर गॅसवर कढई ठेवा आणि त्यात तेल गरम करा
• तेल गरम झाले की त्यात जिरे टाका
• त्यानंतर यात पातळ बारीक चिरलेला कांदा टाका
• हा कांदा दोन तीन मिनिटे मंद आचेवर परतून घ्या
• त्यानंतर त्यात थोडे मीठ टाका, यामुळे कांदा चांगला आणि लवकर शिजला जाईल
• यानंतर पुन्हा कांदा परतून घ्या आणि मग ४-५ मिनिटे यावर झाकण ठेवा
• वाफ आल्यानंतर झाकण काढून घ्या
• मग त्यात हळद, लाल तिखट आणि जाडसर शेंगदाण्याचे कुट टाका आणि नीट सर्वकाही मिक्स करा
• आता हे सर्व मसाले दोन तीन मिनिटे शिजवून परतून घ्या.
• शेवटी यात बारीक चिरलेली कोथिंबीर टाका आणि गॅस बंद करा
• अशाप्रकारे तुमची झणझणीत कांद्याची भाजी तयार होईल

 

View this post on Instagram

 

A post shared by आईची रेसिपी (@aaichirecipe)

दरम्यान ही रेसिपी @aaichirecipe या इंस्टाग्राम अकाऊंटवरून शेअर करण्यात आली आहे. या व्हिडिओच्या कॅप्शनमध्ये लिहिले आहे, “घरात भाजी नसेल तर ही रेसिपी नक्की ट्राय करा….”. या व्हिडिओवर अनेकांनी कमेंट करत आपल्या प्रतिक्रिया व्यक्त केल्या आहेत.

Web Title: How to make onion sunji at home tasty recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com