अँटिऑक्सिडंट्सने समृद्ध असली तरी भेंडीची भाजी खायला कंटाळवाणी वाटते? मग एकदा ‘मसाला भेंडी’ बनवून पहा

Masala Bhendi Recipe : भेंडीची ती चिकट भाजी नव्हे तर एकदा झणझणीत चवीने भरलेली 'मसाला भेंडी' चाखून पहा. रात्रीच्या जेवणासाठी किंवा टिफिनसाठी ही भाजी एक परफेक्ट पर्याय ठरते कारण ती फार कमी वेळेत बनून तयार होते.

(फोटो सौजन्य: Pinterest)

Follow Us:

Follow Us:

• भेंडीच्या भाजीत फायबर, जीवनसत्त्वे आणि अँटीऑक्सिडंट्सचा उत्तम स्रोत आढळून येतो.
• भेंडीची चिकट भाजी अनेकांना खायला फारशी आवडत नाही.
• पण आम्ही सांगतो की, तुम्ही एकदा तरी मसाला भेंडीची चव चाखायला हवी.

बटाट्याचा नाही तर चिकनचा पराठा बनवून खा, प्रोटीनयुक्त रेसिपी सकाळच्या नाश्त्यासाठी ठरेल एकदम परफेक्ट

घरच्या रोजच्या जेवणात भाजी साधी असली तरी चवदार हवी, अशी सगळ्यांचीच इच्छा असते. अशा वेळी मसाला भेंडी हा उत्तम पर्याय ठरतो. गरम गरम भाकरी, चपाती किंवा वरण-भातासोबत ही भाजी फारच छान लागते. विशेष म्हणजे ही भाजी कमी तेलातही चविष्ट बनते आणि झटपट तयार होते. पाहुण्यांसाठी किंवा डब्यासाठीही मसाला भेंडी एकदम परफेक्ट आहे. चला तर मग, घरच्या घरी खमंग आणि चवदार मसाला भेंडी कशी बनवायची याची रेसिपी जाणून घेऊया.

 साहित्य

• भेंडी – २५० ग्रॅम
• तेल – ३ टेबलस्पून
• मोहरी – ½ टीस्पून
• जिरे – ½ टीस्पून
• कांदा – १ मध्यम (बारीक चिरलेला)
• हळद – ¼ टीस्पून
• लाल तिखट – १ टीस्पून (चवीनुसार)
• धणे-जिरे पूड – १ टीस्पून
• गरम मसाला – ½ टीस्पून
• आमचूर पावडर किंवा लिंबाचा रस – १ टीस्पून
• मीठ – चवीनुसार
• कोथिंबीर

 कृती

• सर्वप्रथम भेंडी स्वच्छ धुवून पूर्ण कोरडी करून मध्यम आकारात चिरून घ्या.
• कढईत तेल गरम करून त्यात मोहरी आणि जिरे घालून तडतडू द्या.
• त्यात चिरलेला कांदा घालून हलका गुलाबी होईपर्यंत परता.
• आता हळद, लाल तिखट आणि धणे-जिरे पूड घालून मसाला मंद आचेवर परता.
• चिरलेली भेंडी घालून सर्व मसाल्यात नीट परतून घ्या.
• झाकण न ठेवता मध्यम आचेवर भेंडी शिजू द्या, मध्येच हलवत राहा.
• शेवटी मीठ, गरम मसाला आणि आमचूर पावडर घालून २ मिनिटे परता.
• गॅस बंद करून वरून कोथिंबीर टाका.
• गरमागरम मसाला भेंडी चपाती, भाकरी किंवा साध्या वरण-भातासोबत सर्व्ह करा.

Web Title: Rich in antioxidants know how to make masala bhendi at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com